LPG Cylinder : ਕੀ ਤੁਹਾਡੇ LPG ਸਿਲੰਡਰ 'ਚ ਵੀ ਘੱਟ ਨਿਕਲਦੀ ਹੈ ਗੈਸ ? ਇਹ ਆਸਾਨ ਤਰੀਕੇ ਅਪਣਾਓ, ਤੁਰੰਤ ਲੱਗ ਜਾਵੇਗਾ ਪਤਾ
LPG Cylinder : ਕੁਝ ਸਮਾਂ ਪਹਿਲਾਂ ਹੀ LPG ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਸੀ, ਜਿਸ ਕਾਰਨ ਆਮ ਲੋਕਾਂ ਦਾ ਖਰਚਾ ਹੋਰ ਵੱਧ ਗਿਆ ਹੈ। ਅਜਿਹੇ ਵਿੱਚ ਜੇਕਰ ਇੰਨਾ ਮਹਿੰਗਾ ਸਿਲੰਡਰ ਖਰੀਦਣ ਤੋਂ ਬਾਅਦ ਵੀ ਉਸ ਵਿੱਚ ਗੈਸ ਘੱਟ ਨਿਕਲੇ
LPG Cylinder : ਕੁਝ ਸਮਾਂ ਪਹਿਲਾਂ ਹੀ LPG ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਸੀ, ਜਿਸ ਕਾਰਨ ਆਮ ਲੋਕਾਂ ਦਾ ਖਰਚਾ ਹੋਰ ਵੱਧ ਗਿਆ ਹੈ। ਅਜਿਹੇ ਵਿੱਚ ਜੇਕਰ ਇੰਨਾ ਮਹਿੰਗਾ ਸਿਲੰਡਰ ਖਰੀਦਣ ਤੋਂ ਬਾਅਦ ਵੀ ਉਸ ਵਿੱਚ ਗੈਸ ਘੱਟ ਨਿਕਲੇ ਤਾਂ ਇਹ ਕਿਸੇ ਲਈ ਵੀ ਨਿਰਾਸ਼ਾਜਨਕ ਗੱਲ ਹੋ ਸਕਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁਝ ਆਸਾਨ ਘਰੇਲੂ ਤਰੀਕਿਆਂ ਨਾਲ ਤੁਸੀਂ ਇਹ ਪਤਾ ਲਗਾ ਸਕਦੇ ਹੋ ਕਿ ਤੁਹਾਡੇ ਘਰ ਡਿਲੀਵਰ ਹੋਏ ਸਿਲੰਡਰ ਵਿੱਚ ਗੈਸ ਪੂਰੀ ਹੈ ਜਾਂ ਨਹੀਂ?
ਸਿਲੰਡਰ ਦੀ ਡਿਲੀਵਰੀ ਸਮੇਂ ਰਹੋ ਸਾਵਧਾਨ
ਅਕਸਰ ਲੋਕ ਸਿਲੰਡਰ ਦੀ ਡਿਲੀਵਰੀ ਲੈਂਦੇ ਸਮੇਂ ਕੁਝ ਜ਼ਰੂਰੀ ਗੱਲਾਂ ਦਾ ਧਿਆਨ ਨਹੀਂ ਰੱਖਦੇ, ਜਿਸ ਨਾਲ ਉਨ੍ਹਾਂ ਨੂੰ ਨੁਕਸਾਨ ਹੋ ਸਕਦਾ ਹੈ। ਸਿਲੰਡਰ ਲੈਂਦੇ ਸਮੇਂ ਸਿਰਫ਼ ਵਜ਼ਨ ਹੀ ਨਹੀਂ, ਸਗੋਂ ਉਸ ਦੀ ਸੀਲ ਅਤੇ ਸੁਰੱਖਿਆ ਵਾਲਵ ਵੀ ਚੈੱਕ ਕਰੋ। ਜੇਕਰ ਸਿਲੰਡਰ ਦੀ ਸੀਲ ਟੁੱਟੀ ਹੋਈ ਹੋਵੇ ਜਾਂ ਠੀਕ ਤਰ੍ਹਾਂ ਲੱਗੀ ਨਾ ਹੋਵੇ, ਤਾਂ ਅਜਿਹਾ ਸਿਲੰਡਰ ਕਬੂਲ ਨਾ ਕਰੋ। ਸਭ ਤੋਂ ਪਹਿਲਾਂ ਉਸ ਦੀ ਫੋਟੋ ਜਾਂ ਵੀਡੀਓ ਬਣਾ ਲਵੋ ਤਾਂ ਜੋ ਸ਼ਿਕਾਇਤ ਕਰਨ ਸਮੇਂ ਤੁਹਾਡੇ ਕੋਲ ਸਬੂਤ ਹੋਵੇ। ਇਸ ਬਾਰੇ ਤੁਰੰਤ ਆਪਣੀ ਗੈਸ ਏਜੰਸੀ ਨੂੰ ਜਾਣਕਾਰੀ ਦਿਓ ਤਾਂ ਜੋ ਉਹ ਲੋੜੀਂਦੀ ਕਾਰਵਾਈ ਕਰ ਸਕੇ।
ਵਜ਼ਨ ਮਾਪ ਕੇ ਕਰੋ ਜਾਂਚ
ਜੇਕਰ ਤੁਹਾਨੂੰ ਸ਼ੱਕ ਹੈ ਕਿ ਸਿਲੰਡਰ ਵਿੱਚ ਗੈਸ ਘੱਟ ਹੈ ਤਾਂ ਤੁਸੀਂ ਇਹ ਆਸਾਨ ਤਰੀਕਾ ਅਪਣਾ ਸਕਦੇ ਹੋ। ਸਿਲੰਡਰ ਨੂੰ ਡਿਜ਼ੀਟਲ ਵਜ਼ਨ ਮਸ਼ੀਨ ਉੱਤੇ ਰੱਖ ਕੇ ਉਸ ਦਾ ਵਜ਼ਨ ਚੈੱਕ ਕਰੋ। ਆਮ ਤੌਰ 'ਤੇ ਖਾਲੀ ਸਿਲੰਡਰ ਦਾ ਵਜ਼ਨ ਲਗਭਗ 15 ਕਿਲੋ ਹੁੰਦਾ ਹੈ। ਸਿਲੰਡਰ ਉੱਤੇ ਕੁੱਲ ਵਜ਼ਨ (Gross Weight) ਅਤੇ ਖਾਲੀ ਸਿਲੰਡਰ ਦਾ ਵਜ਼ਨ (Tare Weight) ਲਿਖਿਆ ਹੁੰਦਾ ਹੈ। ਜੇਕਰ ਕੁੱਲ ਵਜ਼ਨ ਵਿੱਚੋਂ ਖਾਲੀ ਸਿਲੰਡਰ ਦਾ ਵਜ਼ਨ ਘਟਾਉਣ ਤੋਂ ਬਾਅਦ ਬਚੀ ਗੈਸ 14.2 ਕਿਲੋ ਤੋਂ ਘੱਟ ਨਿਕਲੇ ਤਾਂ ਇਸਦਾ ਮਤਲਬ ਹੈ ਕਿ ਸਿਲੰਡਰ ਵਿੱਚ ਗੈਸ ਘੱਟ ਹੈ।
ਡਿਲੀਵਰੀ ਜਾਂ ਬੁਕਿੰਗ ਵਿੱਚ ਸਮੱਸਿਆ ਆਵੇ ਤਾਂ ਕੀ ਕਰੀਏ?
ਜੇਕਰ ਤੁਹਾਨੂੰ LPG ਸਿਲੰਡਰ ਦੀ ਡਿਲੀਵਰੀ ਜਾਂ ਬੁਕਿੰਗ ਨਾਲ ਸੰਬੰਧਿਤ ਕੋਈ ਸ਼ਿਕਾਇਤ ਹੈ ਤਾਂ ਤੁਸੀਂ ਸੰਬੰਧਿਤ ਗੈਸ ਕੰਪਨੀ ਜਿਵੇਂ ਕਿ Bharatgas, Indane ਜਾਂ HP Gas ਦੀ ਹੈਲਪਲਾਈਨ 'ਤੇ ਕਾਲ ਕਰਕੇ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ। ਸਿਲੰਡਰ ਦੀ ਡਿਲੀਵਰੀ ਲੈਂਦੇ ਸਮੇਂ ਇਨ੍ਹਾਂ ਸਾਰੀਆਂ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ, ਤਾਂ ਜੋ ਤੁਹਾਨੂੰ ਕਿਸੇ ਵੀ ਤਰ੍ਹਾਂ ਦਾ ਨੁਕਸਾਨ ਨਾ ਹੋਵੇ।
Before You Go
10 ਲੱਖ ਯੋਜਨਾ ‘ਤੇ ਨਵਾਂ ਅਪਡੇਟ! CM ਮਾਨ ਦੀ ਵੱਡੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
