Mukesh Ambani Ice Cream : ਹੁਣ ਕੋਲਡ ਡ੍ਰਿੰਕ-ਪਾਣੀ ਤੋਂ ਬਾਅਦ ਆਈਸਕ੍ਰੀਮ ਵੀ ਸਸਤੀ , ਸਿਰਫ਼ 10 ਰੁਪਏ ’ਚ
Mukesh Ambani : ਭਾਰਤ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ ਕਾਰੋਬਾਰ ਲਈ ਨਵੀਂ ਰਣਨੀਤੀ ਬਣਾ ਰਹੇ ਹਨ। ਉਹ ਹੁਣ ਉਨ੍ਹਾਂ ਖਪਤਕਾਰਾਂ ’ਤੇ ਵੱਡਾ ਦਾਅ ਲਗਾ ਰਹੇ ਹਨ, ਜੋ ਘੱਟ ਕੀਮਤ ਵਾਲੀਆਂ
Mukesh Ambani : ਭਾਰਤ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ ਕਾਰੋਬਾਰ ਲਈ ਨਵੀਂ ਰਣਨੀਤੀ ਬਣਾ ਰਹੇ ਹਨ। ਉਹ ਹੁਣ ਉਨ੍ਹਾਂ ਖਪਤਕਾਰਾਂ ’ਤੇ ਵੱਡਾ ਦਾਅ ਲਗਾ ਰਹੇ ਹਨ, ਜੋ ਘੱਟ ਕੀਮਤ ਵਾਲੀਆਂ ਖਾਣ-ਪੀਣ ਦੀਆਂ ਚੀਜ਼ਾਂ ਖਰੀਦਦੇ ਹਨ। ਮਿਡਲ ਕਲਾਸ ਖਪਤਕਾਰਾਂ ਨੂੰ ਟਾਰਗੇਟ ਕਰਨ ਲਈ ਅੰਬਾਨੀ ਕਈ ਅਜਿਹੇ ਪ੍ਰੋਡਕਟ ਲਾਂਚ ਕਰ ਚੁੱਕੇ ਹਨ, ਜੋ ਸਿਰਫ਼ 10 ਰੁਪਏ ਵਿੱਚ ਮਿਲ ਜਾਂਦੇ ਹਨ।
ਕੁਝ ਸਮਾਂ ਪਹਿਲਾਂ ਮੁਕੇਸ਼ ਅੰਬਾਨੀ ਨੇ ਕੈਂਪਾ ਬ੍ਰਾਂਡ ਦੇ ਤਹਿਤ ਸ਼ੀਤਲ ਪੇਅ ਲਾਂਚ ਕੀਤਾ ਸੀ, ਜਿਸ ਦੀ ਕੀਮਤ ਸਿਰਫ਼ 10 ਰੁਪਏ ਰੱਖੀ ਗਈ ਸੀ। ਉਨ੍ਹਾਂ ਦਾ ਇਹ ਆਈਡੀਆ ਕਾਫ਼ੀ ਸਫਲ ਰਿਹਾ। ਇਸੇ ਰਣਨੀਤੀ ’ਤੇ ਧਿਆਨ ਕੇਂਦਰਿਤ ਕਰਦੇ ਹੋਏ ਅੰਬਾਨੀ ਨੇ ਹੁਣ 10 ਰੁਪਏ ਵਾਲੀ ਆਈਸਕ੍ਰੀਮ ਦੇ ਨਾਲ ਇਸ ਭੀੜ ਭਰੇ ਬਾਜ਼ਾਰ ਵਿੱਚ ਐਂਟਰੀ ਕੀਤੀ ਹੈ ਅਤੇ ਵੱਡੇ ਗਿਣਤੀ ਵਿੱਚ ਖਪਤਕਾਰਾਂ ਨੂੰ ਟਾਰਗੇਟ ਕਰਨ ਦੀ ਯੋਜਨਾ ਬਣਾਈ ਹੈ।
ਰਿਲਾਇੰਸ ਕੰਜ਼ਿਊਮਰ ਪ੍ਰੋਡਕਟਸ ਨੇ ਬੌਂਬੇ ਕ੍ਰੀਮਰੀ ਨਾਮ ਨਾਲ ਆਈਸਕ੍ਰੀਮ ਬ੍ਰਾਂਡ ਦੀ ਸ਼ੁਰੂਆਤ ਕੀਤੀ ਹੈ। ਇਹ ਬ੍ਰਾਂਡ ਸ਼ੁਰੂਆਤ ਵਿੱਚ ਪੱਛਮੀ ਭਾਰਤ ਵਿੱਚ ਉਪਲਬਧ ਹੋਵੇਗਾ, ਜਿਸ ਤੋਂ ਬਾਅਦ ਇਸਨੂੰ ਪੂਰੇ ਦੇਸ਼ ਵਿੱਚ ਲਾਂਚ ਕਰਨ ਦੀ ਯੋਜਨਾ ਹੈ। ਇਸ ਨਾਲ ਰਿਲਾਇੰਸ ਨੂੰ ਅਮੂਲ, ਮਦਰ ਡੇਅਰੀ, ਵਾਡੀਲਾਲ ਅਤੇ ਕਵਾਲਿਟੀ ਵਾਲਜ਼ ਵਰਗੀਆਂ ਸਥਾਪਿਤ ਕੰਪਨੀਆਂ ਨਾਲ ਮੁਕਾਬਲਾ ਕਰਨਾ ਪਵੇਗਾ।
₹10 ਦੀ ਕੀਮਤ ਮਹੱਤਵਪੂਰਨ ਹੈ, ਕਿਉਂਕਿ ਲੱਖਾਂ ਖਪਤਕਾਰ ਰੋਜ਼ਾਨਾ ਛੋਟੀਆਂ-ਮੋਟੀਆਂ ਖਰੀਦਦਾਰੀਆਂ ਕਰਦੇ ਹਨ। ਹਾਲਾਂਕਿ, ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਮੁਕੇਸ਼ ਅੰਬਾਨੀ ਨੇ 10 ਰੁਪਏ ਵਾਲੇ ਸੈਗਮੈਂਟ ’ਤੇ ਦਾਅ ਲਗਾਇਆ ਹੈ। ਇਸ ਤੋਂ ਪਹਿਲਾਂ ਵੀ ਅੰਬਾਨੀ ਨੇ ਕੁਝ ਬ੍ਰਾਂਡ 10 ਰੁਪਏ ਵਾਲੇ ਸੈਗਮੈਂਟ ਵਿੱਚ ਲਾਂਚ ਕੀਤੇ ਹਨ। ਅਜਿਹੇ ਵਿੱਚ ਮੰਨਿਆ ਜਾ ਰਿਹਾ ਹੈ ਕਿ ਇਹ ਕਾਰੋਬਾਰ ਨੂੰ ਵੱਡਾ ਬਣਾਉਣ ਲਈ ਅੰਬਾਨੀ ਦੀ ਨਵੀਂ ਰਣਨੀਤੀ ਹੈ।
ਜਦੋਂ ₹10 ਵਿੱਚ ਲਾਂਚ ਕੀਤਾ ਸੀ ਸ਼ੀਤਲ ਪੇਅ
ਰਿਲਾਇੰਸ ਨੇ ਕੈਂਪਾ ਕੋਲਾ ਨੂੰ ਮੁੜ ਲਾਂਚ ਕਰਨ ਦੌਰਾਨ ਪਾਣੀ ਅਤੇ ਕੋਲਡ ਡ੍ਰਿੰਕਸ ਵੀ ਬਾਜ਼ਾਰ ਵਿੱਚ ਉਤਾਰੇ ਸਨ। ਰਿਲਾਇੰਸ ਨੇ ਕੋਕਾ-ਕੋਲਾ ਅਤੇ ਪੈਪਸੀਕੋ ਦੇ ਦਬਦਬੇ ਵਾਲੇ ਬਾਜ਼ਾਰ ਵਿੱਚ 200 ਮਿਲੀਲੀਟਰ ਦੀ ਬੋਤਲ ਲਈ ₹10 ਦੀ ਕੀਮਤ ਨਾਲ ਐਂਟਰੀ ਕੀਤੀ ਸੀ। ਇਸ ਰਣਨੀਤੀ ਨੇ ਕੈਂਪਾ ਨੂੰ ਬਾਜ਼ਾਰ ਵਿੱਚ ਮਜ਼ਬੂਤ ਪਕੜ ਬਣਾਉਣ ਵਿੱਚ ਮਦਦ ਕੀਤੀ।
ਦ ਇਕਨਾਮਿਕ ਟਾਈਮਜ਼ ਦੀ ਇੱਕ ਰਿਪੋਰਟ ਮੁਤਾਬਕ, ਰਿਲਾਇੰਸ ਨੇ ਕਿਹਾ ਕਿ ਕੈਂਪਾ ਨੇ ਵਿੱਤੀ ਸਾਲ 2026 ਵਿੱਚ 4,700 ਕਰੋੜ ਰੁਪਏ ਤੋਂ ਵੱਧ ਦੀ ਨੈੱਟ ਸੇਲ ਕੀਤੀ ਅਤੇ ਪ੍ਰਮੁੱਖ ਬਾਜ਼ਾਰਾਂ ਵਿੱਚ ਦੋਹਰੇ ਅੰਕਾਂ ਦੀ ਮਾਰਕੀਟ ਹਿੱਸੇਦਾਰੀ ਦੇ ਨਾਲ ਭਾਰਤ ਦਾ ਚੌਥਾ ਸਭ ਤੋਂ ਵੱਡਾ ਕਾਰਬੋਨੇਟਿਡ ਕੋਲਡ ਡ੍ਰਿੰਕ ਬ੍ਰਾਂਡ ਬਣ ਗਿਆ। ਹੁਣ ਇਸੇ ਰਣਨੀਤੀ ਦੇ ਤਹਿਤ ਮੁਕੇਸ਼ ਅੰਬਾਨੀ ਨੇ ਆਈਸਕ੍ਰੀਮ ਦਾ ਬ੍ਰਾਂਡ ਵੀ ਲਾਂਚ ਕਰ ਦਿੱਤਾ ਹੈ।
ਕੋਲਾ ਤੋਂ ਘਰੇਲੂ ਉਤਪਾਦਾਂ ਤੱਕ
ਪਾਣੀ ਅਤੇ ਆਈਸਕ੍ਰੀਮ ਤੋਂ ਇਲਾਵਾ ਰਿਲਾਇੰਸ ਕੋਲ ਕੈਂਪਾ ਕੋਲਾ ਦੀਆਂ ਵੱਧ ਕੀਮਤ ਵਾਲੀਆਂ ਬੋਤਲਾਂ ਵੀ ਬਾਜ਼ਾਰ ਵਿੱਚ ਉਪਲਬਧ ਹਨ। ਕੰਪਨੀ ਆਪਣੇ FMCG ਬ੍ਰਾਂਡ ਤਹਿਤ ਪੈਕਡ ਡ੍ਰਿੰਕਿੰਗ ਵਾਟਰ, ਖਾਣ ਵਾਲਾ ਤੇਲ, ਦਾਲਾਂ, ਅਨਾਜ, ਪੈਕਡ ਫੂਡ ਅਤੇ ਹੋਰ ਰੋਜ਼ਾਨਾ ਦੀਆਂ ਘਰੇਲੂ ਜ਼ਰੂਰਤਾਂ ਵਾਲੇ ਉਤਪਾਦ ਵੇਚਦੀ ਹੈ।
ਇਸ ਕਾਰਨ ਰਿਲਾਇੰਸ ਦਾ ਇਹ ਬ੍ਰਾਂਡ ਕੰਜ਼ਿਊਮਰ ਕਾਰੋਬਾਰ ਦਾ ਇੱਕ ਮਹੱਤਵਪੂਰਨ ਹਿੱਸਾ ਬਣ ਚੁੱਕਾ ਹੈ। ਕੰਪਨੀ ਨੇ ਦੱਸਿਆ ਕਿ ਵਿੱਤੀ ਸਾਲ 2026 ਵਿੱਚ ਇਸ ਬ੍ਰਾਂਡ ਨੇ ਲਗਭਗ ₹2,600 ਕਰੋੜ ਦੀ ਵਿਕਰੀ ਕੀਤੀ। ਇਸ ਦੇ ਨਾਲ ਹੀ ਰਿਲਾਇੰਸ ਨੇ ਕੈਂਪਾ ਸ਼ਿਊਰ ਰਾਹੀਂ ਪੈਕਡ ਪਾਣੀ ਦੇ ਖੇਤਰ ਵਿੱਚ ਵੀ ਆਪਣੀ ਮੌਜੂਦਗੀ ਵਧਾਈ ਹੈ ਅਤੇ ਹੌਲੀ-ਹੌਲੀ ਹੋਰ ਸੈਗਮੈਂਟਾਂ ਵਿੱਚ ਵੀ ਵਿਸਥਾਰ ਕਰ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
