Rules Change From June 1, 2023: ਅਗਲੇ ਕੁਝ ਦਿਨਾਂ ਵਿੱਚ ਮਈ ਦਾ ਮਹੀਨਾ ਖਤਮ ਹੋ ਜਾਵੇਗਾ ਅਤੇ ਉਸ ਤੋਂ ਬਾਅਦ ਜੂਨ ਦਾ ਮਹੀਨਾ ਸ਼ੁਰੂ ਹੋ ਜਾਵੇਗਾ। ਕਿਉਂਕਿ ਹਰ ਮਹੀਨੇ ਦੀ ਪਹਿਲੀ ਤਰੀਕ ਤੋਂ ਕਈ ਬਦਲਾਅ ਹੁੰਦੇ ਹਨ। ਇਸੇ ਲਈ ਇਸ ਵਾਰ ਵੀ 1 ਜੂਨ ਤੋਂ ਅਜਿਹੇ ਕਈ ਬਦਲਾਅ ਹੋਣ ਜਾ ਰਹੇ ਹਨ। ਇਨ੍ਹਾਂ ਤਬਦੀਲੀਆਂ ਦਾ ਸਿੱਧਾ ਅਸਰ ਆਮ ਆਦਮੀ ਦੀ ਜੇਬ ਅਤੇ ਜੀਵਨ 'ਤੇ ਪਵੇਗਾ। ਆਓ ਜਾਣਦੇ ਹਾਂ ਜੂਨ 'ਚ ਕਿਹੜੇ-ਕਿਹੜੇ ਬਦਲਾਅ ਹੋਣ ਵਾਲੇ ਹਨ, ਜਿਸ ਕਾਰਨ ਹਰ ਵਿਅਕਤੀ ਪ੍ਰਭਾਵਿਤ ਹੋਵੇਗਾ।
ਮਹਿੰਗੇ ਹੋ ਰਹੇ ਨੇ ਇਲੈਕਟ੍ਰਿਕ ਦੋ ਪਹੀਆ ਵਾਹਨ!
ਜੇ ਤੁਸੀਂ ਜੂਨ 'ਚ ਇਲੈਕਟ੍ਰਿਕ ਦੋ ਪਹੀਆ ਵਾਹਨ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਹਾਨੂੰ ਕੁਝ ਨੁਕਸਾਨ ਝੱਲਣਾ ਪੈ ਸਕਦਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਸਰਕਾਰ ਨੇ ਇਲੈਕਟ੍ਰਿਕ ਵਾਹਨਾਂ ਦੀ ਖਰੀਦ 'ਤੇ ਦਿੱਤੀ ਜਾਣ ਵਾਲੀ ਸਬਸਿਡੀ ਦੀ ਰਕਮ (Rules Change From June 1, 2023) ਨੂੰ ਵਧਾ ਕੇ 10,000 ਰੁਪਏ ਪ੍ਰਤੀ ਕਿਲੋਵਾਟ ਘੰਟਾ ਕਰ ਦਿੱਤਾ ਹੈ, ਜਦੋਂ ਕਿ ਪਹਿਲਾਂ ਇਹ ਰਕਮ 15,000 ਰੁਪਏ ਪ੍ਰਤੀ ਕਿਲੋਵਾਟ ਘੰਟਾ ਸੀ। ਸਰਕਾਰ ਦਾ ਇਹ ਹੁਕਮ 1 ਜੂਨ, 2023 ਤੋਂ ਲਾਗੂ ਹੋਵੇਗਾ। ਇਸ ਦਾ ਸਿੱਧਾ ਮਤਲਬ ਹੈ ਕਿ 1 ਜੂਨ ਤੋਂ ਬਾਅਦ ਸਬਸਿਡੀ 'ਚ ਕਟੌਤੀ ਕਾਰਨ ਇਲੈਕਟ੍ਰਿਕ ਬਾਈਕ ਜਾਂ ਸਕੂਟਰ ਖਰੀਦਣਾ 25-30 ਹਜ਼ਾਰ ਰੁਪਏ ਮਹਿੰਗਾ ਹੋ ਸਕਦਾ ਹੈ।
ਕੀ ਹੋਵੇਗਾ ਗੈਸ ਸਿਲੰਡਰ ਦੀ ਕੀਮਤ ਦਾ?
ਹਰ ਮਹੀਨੇ ਦੀ ਸ਼ੁਰੂਆਤ ਵਿੱਚ, ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਬਦਲਾਅ (Rules Change From June 1, 2023) ਹੁੰਦਾ ਹੈ। ਗੈਸ ਕੰਪਨੀਆਂ ਨੇ ਅਪ੍ਰੈਲ ਅਤੇ ਮਈ 'ਚ 19 ਕਿਲੋ ਦੇ ਵਪਾਰਕ LPG ਸਿਲੰਡਰ ਦੀ ਕੀਮਤ 'ਚ ਕਟੌਤੀ ਕੀਤੀ ਸੀ। ਹਾਲਾਂਕਿ ਮਾਰਚ ਤੋਂ 14 ਕਿਲੋ ਘਰੇਲੂ ਗੈਸ ਸਿਲੰਡਰ ਦੀਆਂ ਕੀਮਤਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। ਮਾਰਚ 2023 ਵਿੱਚ ਘਰੇਲੂ ਗੈਸ ਸਿਲੰਡਰ ਦੀ ਕੀਮਤ ਵਿੱਚ 50 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ। ਹੁਣ ਦੇਖਣਾ ਹੋਵੇਗਾ ਕਿ ਇਹ ਕੀਮਤ ਸਥਿਰ ਰਹਿੰਦੀ ਹੈ ਜਾਂ ਘਟਦੀ ਹੈ।
CNG-PNG ਕੀਮਤਾਂ
ਹਰ ਮਹੀਨੇ ਦੀ ਪਹਿਲੀ ਤਰੀਕ ਜਾਂ ਹਫ਼ਤੇ ਤੋਂ ਪੀਐਨਜੀ-ਸੀਐਨਜੀ ਦੀਆਂ ਕੀਮਤਾਂ ਵਿੱਚ ਵੀ ਬਦਲਾਅ ਹੁੰਦਾ ਹੈ। ਪੈਟਰੋਲੀਅਮ ਕੰਪਨੀਆਂ ਦਿੱਲੀ ਅਤੇ ਮੁੰਬਈ ਵਿੱਚ ਆਪਣੀਆਂ ਕੀਮਤਾਂ ਵਿੱਚ ਸੋਧ ਕਰਦੀਆਂ ਹਨ। ਇਸ ਵਾਰ ਵੀ ਇਨ੍ਹਾਂ ਦੀ ਕੀਮਤ 'ਚ ਬਦਲਾਅ ਹੋ ਸਕਦਾ ਹੈ। ਅਪ੍ਰੈਲ ਵਿੱਚ ਦਿੱਲੀ-ਐਨਸੀਆਰ (CNG PNG Price in Delhi) ਵਿੱਚ ਇਨ੍ਹਾਂ ਦੀ ਕੀਮਤ ਘਟੀ ਸੀ, ਜਦੋਂ ਕਿ ਮਈ ਵਿੱਚ ਇਹ ਸਥਿਰ ਰਹੀ। ਹਾਲਾਂਕਿ ਜੂਨ 'ਚ CNG-PNG ਦੀ ਕੀਮਤ ਕੀ ਹੋਵੇਗੀ, ਇਹ ਅਗਲੇ ਦਿਨਾਂ 'ਚ ਪਤਾ ਲੱਗ ਜਾਵੇਗਾ।
ਐਮਾਜ਼ੋਨ ਤੋਂ ਸਮਾਨ ਖਰੀਦਣਾ ਹੋ ਜਾਵੇਗਾ ਮਹਿੰਗਾ
ਜੇ ਤੁਸੀਂ ਈ-ਕਾਮਰਸ ਵੈੱਬਸਾਈਟ ਐਮਾਜ਼ੋਨ 'ਚ 'Cart' 'ਚ ਕੁਝ ਐਡ ਕੀਤਾ ਹੈ ਤਾਂ ਤੁਰੰਤ ਆਰਡਰ ਕਰੋ ਕਿਉਂਕਿ 31 ਮਈ ਤੋਂ ਬਾਅਦ ਇਸ ਪਲੇਟਫਾਰਮ ਤੋਂ ਸਾਮਾਨ ਆਰਡਰ ਕਰਨਾ ਪਹਿਲਾਂ ਨਾਲੋਂ ਮਹਿੰਗਾ ਹੋ ਜਾਵੇਗਾ। ਈਟੀ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਐਮਾਜ਼ਾਨ ਆਪਣੀ ਵਿਕਰੇਤਾ ਫੀਸ ਅਤੇ ਕਮਿਸ਼ਨ ਚਾਰਜ ਵਿੱਚ ਬਦਲਾਅ ਕਰਨ ਵਾਲਾ ਹੈ, ਜਿਸ ਤੋਂ ਬਾਅਦ ਉਤਪਾਦਾਂ ਦੀਆਂ ਕੀਮਤਾਂ ਪਹਿਲਾਂ ਨਾਲੋਂ ਵੱਧ ਸਕਦੀਆਂ ਹਨ। ਦੱਸ ਦਈਏ, ਈ-ਕਾਮਰਸ ਕੰਪਨੀ ਕਮਿਸ਼ਨ ਦੇ ਜ਼ਰੀਏ ਹੀ ਆਪਣਾ ਪੈਸਾ ਕਮਾਉਂਦੀ ਹੈ। ਵਿਕਰੇਤਾ ਇਸ ਪਲੇਟਫਾਰਮ ਰਾਹੀਂ ਸਾਮਾਨ ਵੇਚਦੇ ਹਨ ਅਤੇ ਕੰਪਨੀ ਇਸ ਦੇ ਬਦਲੇ ਪੈਸੇ ਵਸੂਲਦੀ ਹੈ।