SBI ਗਾਹਕ ਹੋ ਜਾਓ ਸਾਵਧਾਨ! Scammers ਨੇ ਕੱਢਿਆ ਧੋਖਾਧੜੀ ਕਰਨ ਦਾ ਨਵਾਂ ਤਰੀਕਾ, ਥੋੜੀ ਜਿਹੀ ਗਲਤੀ ਪੈ ਸਕਦੀ ਭਾਰੀ
State Bank of India: ਡਿਜੀਟਲ ਬੈਂਕਿੰਗ ਦੇ ਜਮਾਨੇ ਵਿੱਚ ਅਸੀਂ ਆਪਣੇ ਗਾਹਕਾਂ ਨੂੰ ਧੋਖਾਧੜੀ ਅਤੇ ਸਾਈਬਰ ਅਪਰਾਧ ਤੋਂ ਬਚਾਉਣ ਲਈ ਇੱਕ ਅਲਰਟ ਜਾਰੀ ਕੀਤਾ ਹੈ। ਘੁਟਾਲੇਬਾਜ਼ APK ਫਾਈਲਾਂ ਭੇਜ ਰਹੇ ਹਨ।
State Bank of India: ਭਾਰਤ ਦੇ ਸਭ ਤੋਂ ਵੱਡੇ ਬੈਂਕ, ਸਟੇਟ ਬੈਂਕ ਆਫ਼ ਇੰਡੀਆ (SBI) ਨੇ ਆਪਣੇ ਲੱਖਾਂ ਗਾਹਕਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਸੁਰੱਖਿਆ ਅਲਰਟ ਜਾਰੀ ਕੀਤਾ ਹੈ।
ਹਾਲ ਹੀ ਵਿੱਚ, SBI ਨੇ ਇੱਕ ਹੋਰ ਨਵੀਂ ਚੇਤਾਵਨੀ ਜਾਰੀ ਕੀਤੀ ਹੈ। ਬੈਂਕ ਨੇ ਕਿਹਾ ਕਿ ਧੋਖਾਧੜੀ ਕਰਨ ਲਈ ਸਾਈਬਰ ਅਪਰਾਧੀ SBI ਗਾਹਕਾਂ ਨੂੰ ਨਕਲੀ 'ਬੈਂਕ ਲੈਟਰ' ਅਤੇ 'KYC' ਅਲਰਟ ਭੇਜ ਰਹੇ ਹਨ। ਸਕੈਮਰਸ APK ਫਾਈਲਾਂ ਭੇਜ ਰਹੇ ਹਨ, ਜੋ ਸੁਰੱਖਿਆ ਦੇ ਲਿਹਾਜ ਨਾਲ ਠੀਕ ਨਹੀਂ ਹੈ। ਬੈਂਕ ਨੇ ਆਪਣੇ ਗਾਹਕਾਂ ਨੂੰ ਸਿਰਫ਼ ਅਧਿਕਾਰਤ ਐਪ ਸਟੋਰਾਂ - – Google Play Store ਅਤੇ Apple App Store ਤੋਂ ਐਪਸ ਇੰਸਟਾਲ ਕਰਨ ਦੀ ਸਲਾਹ ਦਿੱਤੀ ਹੈ।
ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇੱਕ ਪੋਸਟ ਸਾਂਝੀ ਕਰਦੇ ਹੋਏ SBI ਨੇ ਕਿਹਾ, "ਧੋਖਾਧੜੀ ਕਰਨ ਵਾਲੇ ਨਕਲੀ 'ਬੈਂਕ ਲੈਟਰ' ਅਤੇ 'KYC ਅਲਰਟ' ਖਤਰਨਾਕ APK ਲਿੰਕਾਂ ਨਾਲ ਭੇਜ ਰਹੇ ਹਨ। ਇਨ੍ਹਾਂ 'ਤੇ ਇੱਕ ਵਾਰ ਟੈਪ ਕਰਨ ਨਾਲ ਹੀ ਤੁਹਾਡਾ ਫ਼ੋਨ ਖਤਰੇ ਵਿੱਚ ਪੈ ਸਕਦਾ ਹੈ ਅਤੇ ਤੁਹਾਡੇ ਪੈਸੇ ਹੜੱਪੇ ਜਾ ਸਕਦੇ ਹਨ। ਸਿਰਫ਼ ਪਲੇ ਸਟੋਰ ਜਾਂ ਐਪ ਸਟੋਰ ਤੋਂ ਐਪਸ ਡਾਊਨਲੋਡ ਕਰੋ।" ਪੋਸਟ ਵਿੱਚ ਅੱਗੇ ਲਿਖਿਆ ਹੈ, "ਕਦੇ ਵੀ ਸ਼ੱਕੀ APKs ਇੰਸਟਾਲ ਨਾ ਕਰੋ। ਸਾਈਬਰ ਧੋਖਾਧੜੀ ਦੀ ਰਿਪੋਰਟ ਕਰਨ ਲਈ 1930 'ਤੇ ਕਾਲ ਕਰੋ।"
State Bank of India ਨੇ ਗਾਹਕਾਂ ਨੂੰ ਦਿੱਤੀ ਆਹ ਸਲਾਹ
ਸਿਰਫ਼ ਪਲੇ ਸਟੋਰ ਜਾਂ ਐਪ ਸਟੋਰ ਤੋਂ ਐਪਸ ਡਾਊਨਲੋਡ ਕਰੋ।
ਅਣਜਾਣ ਸਰੋਤਾਂ ਤੋਂ ਮਿਲੇ APK ਫਾਈਲ ਕਦੇ ਵੀ ਡਾਊਨਲੋਡ ਨਾ ਕਰੋ ਅਤੇ ਨਾ ਹੀ ਉਸ 'ਤੇ ਕਲਿੱਕ ਕਰੋ।
ਇਦਾਂ ਕਰੋ ਨਕਲੀ ਐਪ ਦੀ ਪਛਾਣ
ਕਿਸੇ ਵੀ ਐਪ ਨੂੰ ਡਾਊਨਲੋਡ ਕਰਨ ਤੋਂ ਪਹਿਲਾਂ ਡਿਵੈਲਪਰ ਦੇ ਨਾਮ ਦੀ ਜਾਂਚ ਕਰੋ। ਘੁਟਾਲੇਬਾਜ਼ ਅਕਸਰ ਅਸਲੀ ਕੰਪਨੀਆਂ ਦੇ ਨਾਮਾਂ ਦੀ ਵਰਤੋਂ ਕਰਦੇ ਹਨ। ਇਸ ਬਾਰੇ ਸਾਵਧਾਨ ਰਹਿਣਾ ਮਹੱਤਵਪੂਰਨ ਹੈ।
ਅਸਲੀ ਐਪਾਂ ਦੇ ਆਮ ਤੌਰ 'ਤੇ ਲੱਖਾਂ ਡਾਊਨਲੋਡ ਹੁੰਦੇ ਹਨ। ਨਕਲੀ ਐਪਾਂ ਤੋਂ ਇੰਸਟਾਲ ਕਰਨ ਦੀ ਗਿਣਤੀ ਘੱਟ ਹੁੰਦੀ ਹੈ।
ਸਿਰਫ਼ ਸਟਾਰ ਜਾਂ ਰੇਟਿੰਗਾਂ ਨਾ ਦੇਖੋ, ਸਗੋਂ ਰਿਵਿਊ ਵੀ ਪੜ੍ਹੋ। ਜੇਕਰ ਲਗਭਗ ਸਾਰੇ ਰਿਵਿਊ ਇੱਕੋ ਜਿਹੇ ਹਨ ਜਾਂ ਗਲਤੀਆਂ ਹਨ, ਤਾਂ ਸਾਵਧਾਨ ਰਹੋ।
ਕੋਈ ਐਪ ਇੰਸਟਾਲ ਕਰਨ ਤੋਂ ਪਹਿਲਾਂ, ਜਾਂਚ ਕਰੋ ਕਿ ਇਹ ਕਿਸ ਐਕਸੈਸ ਦੀ ਮੰਗ ਕਰ ਰਹੀ ਹੈ। ਜਿਵੇਂ ਕਿ ਜੇਕਰ ਇਹ ਤੁਹਾਡੀ Contact List ਜਾਂ Gallery ਤੱਕ ਦਾ ਐਕਸੈਸ ਮੰਗ ਰਹੀ ਹੈ ਤਾਂ ਇਹ ਖਤਰਨਾਕ ਹੋ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
