Gold, Silver Rate Today: ਇੱਕ ਦਿਨ 'ਚ ਚਾਂਦੀ ਸਿੱਧੀ 9 ਹਜ਼ਾਰ ਰੁਪਏ ਸਸਤੀ, ਸੋਨੇ ਦੀ ਕੀਮਤ 'ਚ ਸੁਧਾਰ, ਖਰੀਦਣ ਤੋਂ ਪਹਿਲਾਂ ਜਾਣੋ ਅੱਜ ਦੇ ਤਾਜ਼ਾ ਭਾਅ
ਦੁਨੀਆ ਭਰ ਦੇ ਬਾਜ਼ਾਰਾਂ ਵਿੱਚ ਪਿਛਲੇ ਕਈ ਦਿਨਾਂ ਤੋਂ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਵੇਖੀ ਜਾ ਰਹੀ ਹੈ। ਭਾਰਤ ਸਮੇਤ ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ ਵੀ ਗੋਲਡ–ਸਿਲਵਰ ਦੇ ਭਾਅ ਘਟੇ ਹਨ।
ਦੁਨੀਆ ਭਰ ਦੇ ਬਾਜ਼ਾਰਾਂ ਵਿੱਚ ਪਿਛਲੇ ਕਈ ਦਿਨਾਂ ਤੋਂ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਵੇਖੀ ਜਾ ਰਹੀ ਹੈ। ਭਾਰਤ ਸਮੇਤ ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ ਵੀ ਗੋਲਡ–ਸਿਲਵਰ ਦੇ ਭਾਅ ਘਟੇ ਹਨ। ਅੱਜ 7 ਫਰਵਰੀ ਨੂੰ MCX ’ਤੇ ਸੋਨੇ ਅਤੇ ਚਾਂਦੀ ਦੇ ਰੇਟਾਂ ਵਿੱਚ ਲਗਾਤਾਰ ਉਤਾਰ-ਚੜ੍ਹਾਅ ਬਣਿਆ ਹੋਇਆ ਹੈ। ਰਾਕੇਟ ਦੀ ਰਫ਼ਤਾਰ ਨਾਲ ਚੜ੍ਹੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ ਹੁਣ ਆਪਣੇ ਆਲ ਟਾਈਮ ਹਾਈ ਤੋਂ ਕਾਫ਼ੀ ਹੱਦ ਤੱਕ ਸਸਤੀਆਂ ਹੋ ਚੁੱਕੀਆਂ ਹਨ।
ਇੰਡੀਆ ਬੁਲਿਅਨ ਜੁਐਲਰਜ਼ ਐਸੋਸੀਏਸ਼ਨ (IBJA) ਦੇ ਅੰਕੜਿਆਂ ਮੁਤਾਬਕ, ਆਖ਼ਰੀ ਸੈਸ਼ਨ ਵਿੱਚ 24 ਕੈਰਟ ਸੋਨੇ ਦੀ ਕੀਮਤ 424 ਰੁਪਏ ਘਟ ਕੇ 1,52,078 ਰੁਪਏ ਪ੍ਰਤੀ 10 ਗ੍ਰਾਮ ਰਹਿ ਗਈ ਸੀ। ਇਸ ਤੋਂ ਪਹਿਲਾਂ ਸੋਨਾ 1,52,502 ਰੁਪਏ ’ਤੇ ਬੰਦ ਹੋਇਆ ਸੀ। ਉੱਥੇ ਹੀ 22 ਕੈਰਟ ਸੋਨੇ ਦੇ ਭਾਅ 1,39,692 ਰੁਪਏ ਤੋਂ ਘਟ ਕੇ ਹੁਣ 1,39,303 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਏ ਹਨ।
ਪਿਛਲੇ ਕਈ ਸੈਸ਼ਨਾਂ ਦੇ ਅੰਕੜੇ ਸਾਫ਼ ਦਰਸਾਉਂਦੇ ਹਨ ਕਿ ਸੋਨੇ–ਚਾਂਦੀ ਵਿੱਚ ਆਈ ਹਾਲੀਆ ਤੇਜ਼ੀ ਤੋਂ ਬਾਅਦ ਹੁਣ ਤਿੱਖਾ ਕਰੈਕਸ਼ਨ ਵੇਖਣ ਨੂੰ ਮਿਲ ਰਿਹਾ ਹੈ। ਸਵਾਲ ਇਹ ਹੈ ਕਿ ਇਸ ਵੱਡੀ ਗਿਰਾਵਟ ਦੇ ਪਿੱਛੇ ਅਸਲ ਕਾਰਨ ਕੀ ਹਨ? ਕੀ ਆਉਣ ਵਾਲੇ ਦਿਨਾਂ ਵਿੱਚ ਸੋਨਾ–ਚਾਂਦੀ ਹੋਰ ਵੀ ਸਸਤਾ ਹੋ ਸਕਦਾ ਹੈ?
ਇਹੋ ਜਿਹੇ ਹਾਲਾਤਾਂ ਵਿੱਚ ਸੋਨਾ–ਚਾਂਦੀ ਖਰੀਦਣ ਜਾਂ ਨਿਵੇਸ਼ ਕਰਨ ਤੋਂ ਪਹਿਲਾਂ ਅੱਜ ਦੇ ਤਾਜ਼ਾ ਭਾਅ ਜਾਣਨਾ ਬਹੁਤ ਜ਼ਰੂਰੀ ਹੈ, ਤਾਂ ਜੋ ਸੋਚ-ਸਮਝ ਕੇ ਸਹੀ ਫੈਸਲਾ ਕੀਤਾ ਜਾ ਸਕੇ।
ਇਸ ਵਜ੍ਹਾ ਕਰਕੇ ਦੇਖਣ ਨੂੰ ਮਿਲ ਰਿਹਾ ਉਤਾਰ-ਚੜ੍ਹਾਅ
ਅਮਰੀਕਾ–ਈਰਾਨ ਗੱਲਬਾਤ ਦਾ ਅਸਰ
ਮਿਰਾਏ ਐਸੈੱਟ ਸ਼ੇਅਰਖਾਨ ਦੇ ਕਮੋਡਿਟੀ ਮੁਖੀ ਪ੍ਰਵੀਣ ਸਿੰਘ ਦਾ ਮੰਨਣਾ ਹੈ ਕਿ ਸ਼ੁੱਕਰਵਾਰ ਨੂੰ ਹਾਜ਼ਰ ਸੋਨਾ ਕਮਜ਼ੋਰ ਰੁਝਾਨ ਨਾਲ ਖੁੱਲਿਆ ਅਤੇ 4,654 ਡਾਲਰ ਪ੍ਰਤੀ ਔਂਸ ਦੇ ਨੀਵੇਂ ਪੱਧਰ ਤੱਕ ਪਹੁੰਚ ਗਿਆ। ਹਾਲਾਂਕਿ ਇਸ ਤੋਂ ਬਾਅਦ ਸੋਨੇ ਵਿੱਚ ਤੇਜ਼ ਸੁਧਾਰ ਆਇਆ ਅਤੇ ਲਗਭਗ 2 ਫੀਸਦੀ ਦੀ ਤੇਜ਼ੀ ਨਾਲ ਇਹ 4,880 ਡਾਲਰ ਪ੍ਰਤੀ ਔਂਸ ‘ਤੇ ਕਾਰੋਬਾਰ ਕਰਨ ਲੱਗ ਪਿਆ।
ਉਨ੍ਹਾਂ ਨੇ ਕਿਹਾ ਕਿ ਅਮਰੀਕਾ ਦੇ ਕਮਜ਼ੋਰ ਰੋਜ਼ਗਾਰ ਅੰਕੜਿਆਂ ਨੇ ਕੀਮਤੀ ਧਾਤਾਂ ਨੂੰ ਸਹਾਰਾ ਦਿੱਤਾ, ਪਰ ਅਮਰੀਕਾ–ਈਰਾਨ ਦਰਮਿਆਨ ਗੱਲਬਾਤ ਵਿੱਚ ਕਾਮਯਾਬੀ ਦੀ ਉਮੀਦਾਂ ਨੇ ਇਸ ਤੇਜ਼ੀ ਨੂੰ ਸੀਮਿਤ ਰੱਖਿਆ।
ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ ਸੋਨਾ–ਚਾਂਦੀ ਦੀ ਚਮਕ
ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ ਹਾਜ਼ਰ ਚਾਂਦੀ 3.02 ਡਾਲਰ ਜਾਂ 4.26 ਫੀਸਦੀ ਦੀ ਤੇਜ਼ੀ ਨਾਲ ਵਧ ਕੇ 74 ਡਾਲਰ ਪ੍ਰਤੀ ਔਂਸ ਹੋ ਗਈ। ਇਸ ਤੋਂ ਪਹਿਲਾਂ ਪਿਛਲੇ ਦਿਨ ਚਾਂਦੀ ਲਗਭਗ 10 ਫੀਸਦੀ ਦੀ ਵੱਡੀ ਗਿਰਾਵਟ ਨਾਲ 64.08 ਡਾਲਰ ਪ੍ਰਤੀ ਔਂਸ ਤੱਕ ਆ ਗਈ ਸੀ।
ਇਸੇ ਤਰ੍ਹਾਂ ਹਾਜ਼ਰ ਸੋਨਾ ਵੀ 106.74 ਡਾਲਰ ਜਾਂ 2.23 ਫੀਸਦੀ ਚੜ੍ਹ ਕੇ 4,887.30 ਡਾਲਰ ਪ੍ਰਤੀ ਔਂਸ ‘ਤੇ ਪਹੁੰਚ ਗਿਆ। ਸੈਸ਼ਨ ਦੀ ਸ਼ੁਰੂਆਤ ਵਿੱਚ ਸੋਨੇ ਨੇ 4,654.86 ਡਾਲਰ ਪ੍ਰਤੀ ਔਂਸ ਦਾ ਨੀਚਲਾ ਪੱਧਰ ਵੀ ਛੂਹਿਆ ਸੀ।
ਸਰਾਫਾ ਵਪਾਰੀਆਂ ਨੇ ਕੀ ਸੰਕੇਤ ਦਿੱਤੇ?
ਸਰਾਫਾ ਵਪਾਰੀਆਂ ਦਾ ਕਹਿਣਾ ਹੈ ਕਿ ਦੇਸ਼ੀ ਮਾਰਕੀਟ ਵਿੱਚ ਕੀਮਤਾਂ ਵਿੱਚ ਆਈ ਗਿਰਾਵਟ ਦਾ ਮੁੱਖ ਕਾਰਨ ਉੱਚੇ ਪੱਧਰਾਂ ‘ਤੇ ਮੋਟਾ ਮੁਨਾਫਾ ਵਸੂਲਣਾ ਰਿਹਾ। ਹਾਲਾਂਕਿ ਦਿਨ ਦੇ ਦੂਜੇ ਹਿੱਸੇ ਵਿੱਚ ਗਲੋਬਲ ਮਾਰਕੀਟ ਵਿੱਚ ਕੀਮਤੀ ਧਾਤਾਂ ਦੀਆਂ ਦਰਾਂ ਵਿੱਚ ਤੇਜ਼ ਉਛਾਲ ਵੇਖਣ ਨੂੰ ਮਿਲਿਆ।
ਅੰਤਰਰਾਸ਼ਟਰੀ ਮਾਰਕੀਟ ਵਿੱਚ ਸ਼ੁਰੂਆਤੀ ਗਿਰਾਵਟ ਤੋਂ ਬਾਅਦ ਸਰਾਫਾ ਦੀਆਂ ਕੀਮਤਾਂ ਵਿੱਚ 4 ਫੀਸਦੀ ਤੋਂ ਵੱਧ ਦੀ ਮਜ਼ਬੂਤ ਸੁਧਾਰ ਦਰਜ ਕੀਤਾ ਗਿਆ।
ਚੇਨਈ ਵਿੱਚ ਚਾਂਦੀ ਦਾ ਕੀ ਰੇਟ ਹੈ?
ਚੇਨਈ ਵਿੱਚ ਅੱਜ 10 ਗ੍ਰਾਮ ਚਾਂਦੀ ਦੀ ਕੀਮਤ ₹2,799 ਹੈ, ਜਦਕਿ ਇੱਕ ਕਿਲੋ ਚਾਂਦੀ ₹2,79,900 ‘ਤੇ ਵਿਕ ਰਹੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਚਾਂਦੀ ਦੀਆਂ ਕੀਮਤਾਂ ਵਿੱਚ ਹੋਰ ਉਤਾਰ-ਚੜ੍ਹਾਅ ਦੇਖਣ ਨੂੰ ਮਿਲ ਸਕਦੇ ਹਨ।
Before You Go
ਪੰਜਾਬ ਬੰਦ ਦਾ ਵੱਡਾ ਅਸਰ! ਹੁਸ਼ਿਆਰਪੁਰ 'ਚ 9 ਤੋਂ 5 ਵਜੇ ਤੱਕ ਸਭ ਕੁਝ ਬੰਦ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
