Stock Market Update: ਨਹੀ ਰੁਕ ਰਹੀ ਸ਼ੇਅਰ ਬਾਜ਼ਾਰ 'ਚ ਗਿਰਾਵਟ, ਰੂਸ-ਯੂਕਰੇਨ ਯੁੱਧ ਦੇ ਚੱਲਦਿਆਂ ਸੈਂਸੈਕਸ 950 ਤਾਂ ਨਿਫਟੀ 'ਚ 285 ਅੰਕਾਂ ਦੀ ਵੱਡੀ ਗਿਰਾਵਟ
ਸੈਂਸੈਕਸ 529 ਅੰਕਾਂ ਦੀ ਗਿਰਾਵਟ ਨਾਲ 55329 'ਤੇ ਤੇ ਨਿਫਟੀ 176 ਅੰਕਾਂ ਦੀ ਗਿਰਾਵਟ ਨਾਲ 16,481 ਅੰਕਾਂ 'ਤੇ ਕਾਰੋਬਾਰ ਕਰਨਾ ਸ਼ੁਰੂ ਕਰ ਦਿੱਤਾ ਪਰ ਜਲਦੀ ਹੀ ਗਿਰਾਵਟ ਵਧ ਗਈ ਤੇ ਸੈਂਸੈਕਸ 950 ਅੰਕ ਤੇ ਨਿਫਟੀ 285 ਅੰਕ ਡਿੱਗ ਗਿਆ।
Stock Market Update Opening On 28th February 2022: ਯੂਕਰੇਨ 'ਤੇ ਰੂਸ ਦੇ ਹਮਲੇ ਤੇ ਵਧਦੇ ਅੰਤਰਰਾਸ਼ਟਰੀ ਤਣਾਅ ਦਾ ਅਸਰ ਦੁਨੀਆ ਭਰ ਦੇ ਸ਼ੇਅਰ ਬਾਜ਼ਾਰਾਂ 'ਤੇ ਦਿਖਾਈ ਦੇ ਰਿਹਾ ਹੈ ਅਤੇ ਭਾਰਤੀ ਸ਼ੇਅਰ ਬਾਜ਼ਾਰ ਵੀ ਇਸ ਤੋਂ ਅਛੂਤਾ ਨਹੀਂ ਹੈ। ਸਵੇਰੇ ਏਸ਼ੀਆਈ ਬਾਜ਼ਾਰਾਂ 'ਚ ਗਿਰਾਵਟ ਕਾਰਨ ਭਾਰਤੀ ਸ਼ੇਅਰ ਬਾਜ਼ਾਰ ਵੀ ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਭਾਰੀ ਗਿਰਾਵਟ ਨਾਲ ਖੁੱਲ੍ਹਿਆ ਹੈ।
ਸੈਂਸੈਕਸ 529 ਅੰਕਾਂ ਦੀ ਗਿਰਾਵਟ ਨਾਲ 55329 'ਤੇ ਤੇ ਨਿਫਟੀ 176 ਅੰਕਾਂ ਦੀ ਗਿਰਾਵਟ ਨਾਲ 16,481 ਅੰਕਾਂ 'ਤੇ ਕਾਰੋਬਾਰ ਕਰਨਾ ਸ਼ੁਰੂ ਕਰ ਦਿੱਤਾ ਪਰ ਜਲਦੀ ਹੀ ਗਿਰਾਵਟ ਵਧ ਗਈ ਤੇ ਸੈਂਸੈਕਸ 950 ਅੰਕ ਤੇ ਨਿਫਟੀ 285 ਅੰਕ ਡਿੱਗ ਗਿਆ।
ਬਾਜ਼ਾਰ 'ਚ ਧਾਤੂ ਸੈਕਟਰ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਬੈਂਕਿੰਗ ਸੈਕਟਰ ਦੇ ਸ਼ੇਅਰ ਭਾਰੀ ਬਿਕਵਾਲੀ ਨਾਲ ਕਾਰੋਬਾਰ ਕਰ ਰਹੇ ਹਨ। ਆਟੋ, ਆਈਟੀ, ਫਾਰਮਾ, ਕੰਜ਼ਿਊਮਰ ਡਿਊਰੇਬਲਸ ਸੈਕਟਰ ਦੇ ਸ਼ੇਅਰ ਵੀ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਮਿਡ ਕੈਪ ਤੇ ਸਮਾਲ ਕੈਪ ਸ਼ੇਅਰਾਂ 'ਚ ਵੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਮੁੰਬਈ ਸਟਾਕ ਐਕਸਚੇਂਜ ਦੇ ਸੈਂਸੈਕਸ ਸੂਚਕਾਂਕ ਦੇ 30 ਸ਼ੇਅਰਾਂ ਵਿੱਚੋਂ 27 ਲਾਲ ਨਿਸ਼ਾਨ ਵਿੱਚ ਕਾਰੋਬਾਰ ਕਰ ਰਹੇ ਹਨ, ਜਦੋਂ ਕਿ 3 ਸ਼ੇਅਰ ਸਿਰਫ਼ ਹਰੇ ਨਿਸ਼ਾਨ ਵਿੱਚ ਕਾਰੋਬਾਰ ਕਰ ਰਹੇ ਹਨ। ਸਭ ਤੋਂ ਵੱਡੀ ਗਿਰਾਵਟ HDFC ਬੈਂਕ 'ਚ ਦੇਖਣ ਨੂੰ ਮਿਲ ਰਹੀ ਹੈ, ਜੋ 2.50 ਫੀਸਦੀ ਦੀ ਗਿਰਾਵਟ ਨਾਲ 1419 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਹੈ, ਜਦਕਿ ਪਾਵਰ ਗਰਿੱਡ 0.73 ਫੀਸਦੀ ਚੜ੍ਹ ਕੇ 199 ਰੁਪਏ ਦੇ ਨੇੜੇ ਕਾਰੋਬਾਰ ਕਰ ਰਿਹਾ ਹੈ।
ਨਿਫਟੀ ਇੰਡੈਕਸ 'ਚ ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 46 ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ, ਜਦਕਿ 4 ਹਰੇ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਨਿਫਟੀ 'ਚ ਟਾਟਾ ਮੋਟਰਸ 3.07 ਫੀਸਦੀ ਡਿੱਗ ਕੇ 445 ਰੁਪਏ 'ਤੇ ਆ ਗਿਆ, ਜਦੋਂ ਕਿ ਨਿਫਟੀ 'ਚ ਹਿੰਡਾਲਕੋ ਸਭ ਤੋਂ ਜ਼ਿਆਦਾ 0.70 ਫੀਸਦੀ ਡਿੱਗ ਕੇ 537 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
