Sim Card Rules: ਦੂਰਸੰਚਾਰ ਮੰਤਰਾਲੇ ਨੇ ਬਦਲ ਦਿੱਤੇ ਮੋਬਾਈਲ ਕਨੈਕਸ਼ਨ ਖਰੀਦਣ ਦੇ ਨਿਯਮ, 1 ਜਨਵਰੀ ਤੋਂ KYC ਨਿਯਮਾਂ ਵਿੱਚ ਹੋਵੇਗਾ ਇਹ ਬਦਲਾਅ
SIM Card Rules: ਦੂਰਸੰਚਾਰ ਮੰਤਰਾਲੇ ਨੇ ਸਿਮ ਕਾਰਡ ਖਰੀਦਣ ਦੇ ਨਿਯਮਾਂ 'ਚ ਵੱਡਾ ਬਦਲਾਅ ਕੀਤਾ ਹੈ। ਇਹ ਨਿਯਮ 1 ਜਨਵਰੀ 2024 ਤੋਂ ਲਾਗੂ ਹੋਣਗੇ। ਇਹ ਨਿਯਮ ਕੇਵਾਈਸੀ ਨਾਲ ਸਬੰਧਤ ਹਨ।
Mobile Connection Rules: ਦੂਰਸੰਚਾਰ ਮੰਤਰਾਲੇ ਨੇ 1 ਜਨਵਰੀ 2024 ਤੋਂ ਨਵਾਂ ਮੋਬਾਈਲ ਕਨੈਕਸ਼ਨ ਖਰੀਦਣ (New Mobile Connection) ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਇਸ ਨਾਲ ਹੁਣ ਗਾਹਕਾਂ ਲਈ ਨਵਾਂ ਸਿਮ ਕਾਰਡ (SIM Card) ਖਰੀਦਣਾ ਆਸਾਨ ਹੋ ਗਿਆ ਹੈ। ਦੇਸ਼ ਵਿੱਚ ਡਿਜੀਟਲਾਈਜ਼ੇਸ਼ਨ ਨੂੰ ਉਤਸ਼ਾਹਿਤ ਕਰਨ ਲਈ, ਦੂਰਸੰਚਾਰ ਵਿਭਾਗ (Telecom Ministry) ਨੇ ਸੂਚਿਤ ਕੀਤਾ ਹੈ ਕਿ ਹੁਣ ਨਵਾਂ ਸਿਮ ਕਾਰਡ ਲੈਣ ਲਈ ਕਾਗਜ਼ ਅਧਾਰਤ ਕੇਵਾਈਸੀ 'ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੋਵੇਗੀ। ਅਜਿਹੇ 'ਚ ਹੁਣ ਗਾਹਕਾਂ ਨੂੰ ਨਵਾਂ ਸਿਮ ਕਾਰਡ ਲੈਣ ਲਈ ਸਿਰਫ ਡਿਜੀਟਲ ਜਾਂ ਈ-ਕੇਵਾਈਸੀ ਜਮ੍ਹਾ ਕਰਨਾ ਹੋਵੇਗਾ।
ਦੂਰਸੰਚਾਰ ਵਿਭਾਗ ਨੇ ਜਾਰੀ ਕੀਤਾ ਨੋਟੀਫਿਕੇਸ਼ਨ -
ਸੰਚਾਰ ਮੰਤਰਾਲਾ ਦੇ ਦੂਰਸੰਚਾਰ ਵਿਭਾਗ (Telecom Ministry) ਨੇ ਮੰਗਲਵਾਰ ਨੂੰ ਇੱਕ ਨੋਟੀਫਿਕੇਸ਼ਨ ਜਾਰੀ ਕਰਕੇ ਦੱਸਿਆ ਹੈ ਕਿ ਨਵੇਂ ਸਾਲ ਭਾਵ 1 ਜਨਵਰੀ 2024 ਤੋਂ ਸਿਮ ਕਾਰਡ ਖਰੀਦਣ ਦੇ ਨਿਯਮਾਂ ਵਿੱਚ ਵੱਡੇ ਬਦਲਾਅ ਹੋਣ ਜਾ ਰਹੇ ਹਨ। ਹੁਣ ਕਿਸੇ ਵੀ ਗਾਹਕ ਨੂੰ ਸਿਮ ਕਾਰਡ ਲੈਣ ਲਈ ਈ-ਕੇਵਾਈਸੀ ਕਰਨਾ ਪਵੇਗਾ ਅਤੇ ਹੁਣ ਪੇਪਰ ਆਧਾਰਿਤ ਕੇਵਾਈਸੀ (KYC) ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗਾ।
1 ਦਸੰਬਰ 2023 ਤੋਂ ਸਿਮ ਕਾਰਡ ਦੇ ਨਿਯਮਾਂ 'ਚ ਹੋਵੇਗਾ ਬਦਲਾਅ
ਇਸ ਤੋਂ ਪਹਿਲਾਂ ਦੂਰਸੰਚਾਰ ਮੰਤਰਾਲੇ (Telecom Ministry) ਨੇ ਸਿਮ ਕਾਰਡ (SIM Card) ਨਾਲ ਸਬੰਧਤ ਇਕ ਹੋਰ ਨਿਯਮ ਬਦਲਿਆ ਹੈ। ਨਿਯਮਾਂ 'ਚ ਬਦਲਾਅ ਕਰਕੇ ਕੇਂਦਰ ਸਰਕਾਰ ਨੇ 1 ਦਸੰਬਰ ਤੋਂ ਇਕ ਆਈਡੀ 'ਤੇ ਸੀਮਤ ਗਿਣਤੀ 'ਚ ਸਿਮ ਜਾਰੀ ਕਰਨ ਦਾ ਨਿਯਮ ਲਾਗੂ ਕਰ ਦਿੱਤਾ ਹੈ। ਸਿਮ ਕਾਰਡ ਲੈਣ ਤੋਂ ਪਹਿਲਾਂ ਕੇਵਾਈਸੀ ਪ੍ਰਕਿਰਿਆ ਨੂੰ ਪੂਰਾ ਕਰਨਾ ਜ਼ਰੂਰੀ ਹੈ ਅਤੇ ਹੁਣ ਸਿਮ ਖਰੀਦਣ ਵਾਲੇ ਦੇ ਨਾਲ-ਨਾਲ ਸਿਮ ਵੇਚਣ ਵਾਲੇ ਨੂੰ ਵੀ ਰਜਿਸਟਰ ਕੀਤਾ ਜਾਵੇਗਾ। ਜੇ ਕੋਈ ਵਿਅਕਤੀ ਇੱਕ ਵਾਰ ਵਿੱਚ ਕਈ ਸਿਮ ਕਾਰਡ ਖਰੀਦਦਾ ਹੈ, ਤਾਂ ਉਹ ਇਸਨੂੰ ਸਿਰਫ਼ ਵਪਾਰਕ ਕੁਨੈਕਸ਼ਨ ਰਾਹੀਂ ਹੀ ਖਰੀਦ ਸਕਦਾ ਹੈ।
ਇਸ ਤੋਂ ਇਲਾਵਾ ਇਹ ਵੀ ਦੱਸਿਆ ਗਿਆ ਹੈ ਕਿ ਨਵਾਂ ਮੋਬਾਈਲ ਕੁਨੈਕਸ਼ਨ ਲੈਣ ਦੇ ਬਾਕੀ ਨਿਯਮ ਪਹਿਲਾਂ ਵਾਂਗ ਹੀ ਰਹਿਣਗੇ ਅਤੇ ਇਸ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਧਿਆਨ ਯੋਗ ਹੈ ਕਿ ਪਹਿਲਾਂ ਸਿਮ ਕਾਰਡ ਲੈਣ ਲਈ ਤੁਸੀਂ ਈ-ਕੇਵਾਈਸੀ ਦੇ ਨਾਲ ਪੇਪਰ ਆਧਾਰਿਤ ਕੇਵਾਈਸੀ ਕਰ ਸਕਦੇ ਹੋ, ਪਰ ਹੁਣ 1 ਜਨਵਰੀ ਤੋਂ ਇਹ ਪੂਰੀ ਤਰ੍ਹਾਂ ਬੰਦ ਹੋ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
