Top Indian Companies: ਇਹ ਨੇ ਭਾਰਤ 'ਚ ਨੌਕਰੀ ਕਰਨ ਲਈ Top ਦੀਆਂ ਕੰਪਨੀਆਂ, ਦੇਖੋ ਪੂਰੀ ਸੂਚੀ
Top Indian Companies: ਪ੍ਰੋਫੈਸ਼ਨਲ ਨੈੱਟਵਰਕਿੰਗ ਸਾਈਟ ਲਿੰਕਡਇਨ ਹਰ ਸਾਲ ਭਾਰਤ ਵਿੱਚ ਕੰਮ ਕਰਨ ਲਈ 25 ਸਭ ਤੋਂ ਵਧੀਆ ਕੰਪਨੀਆਂ ਦੀ ਸੂਚੀ ਜਾਰੀ ਕਰਦੀ ਹੈ। ਸਾਲ 2024 ਲਈ ਚੋਟੀ ਦੀਆਂ 25 ਕੰਪਨੀਆਂ ਦੀ ਸੂਚੀ ਵੀ ਜਾਰੀ ਕੀਤੀ ਗਈ ਹੈ।
Top Indian Companies: ਪ੍ਰੋਫੈਸ਼ਨਲ ਨੈੱਟਵਰਕਿੰਗ ਸਾਈਟ ਲਿੰਕਡਇਨ ਹਰ ਸਾਲ ਭਾਰਤ ਵਿੱਚ ਕੰਮ ਕਰਨ ਲਈ 25 ਸਭ ਤੋਂ ਵਧੀਆ ਕੰਪਨੀਆਂ ਦੀ ਸੂਚੀ ਜਾਰੀ ਕਰਦੀ ਹੈ। ਸਾਲ 2024 ਲਈ ਚੋਟੀ ਦੀਆਂ 25 ਕੰਪਨੀਆਂ ਦੀ ਸੂਚੀ ਵੀ ਜਾਰੀ ਕੀਤੀ ਗਈ ਹੈ ਜਿਸ ਵਿੱਚ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀਸੀਐਸ) ਨੇ ਸਿਖਰ 'ਤੇ ਆਪਣੀ ਜਗ੍ਹਾ ਬਣਾਈ ਹੈ। ਲਿੰਕਡਇਨ ਦੁਆਰਾ ਮੰਗਲਵਾਰ ਨੂੰ ਜਾਰੀ ਕੀਤੀ ਗਈ ਸੂਚੀ ਦੇ ਅਨੁਸਾਰ, ਭਾਰਤ ਵਿੱਚ ਕੰਮ ਕਰਨ ਵਾਲੀਆਂ ਚੋਟੀ ਦੀਆਂ ਕੰਪਨੀਆਂ ਦੀ ਸੂਚੀ ਵਿੱਚ Accenture ਅਤੇ Cognizant ਦੇ ਨਾਮ ਦੂਜੇ ਅਤੇ ਤੀਜੇ ਸਥਾਨ 'ਤੇ ਹਨ। ਵਿੱਤੀ ਖੇਤਰ ਵਿੱਚ ਕੰਮ ਕਰਨ ਵਾਲੀਆਂ ਜ਼ਿਆਦਾਤਰ ਕੰਪਨੀਆਂ ਨੇ ਇਸ ਸੂਚੀ ਵਿੱਚ ਆਪਣੀ ਜਗ੍ਹਾ ਬਣਾ ਲਈ ਹੈ। ਇਸ ਤੋਂ ਇਲਾਵਾ ਆਈਟੀ ਸੈਕਟਰ, ਡਾਟਾ ਸਟੋਰੇਜ ਟੈਕਨਾਲੋਜੀ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨਾਲ ਜੁੜੀਆਂ ਕਈ ਕੰਪਨੀਆਂ ਨੂੰ ਵੀ ਇਸ ਸੂਚੀ 'ਚ ਜਗ੍ਹਾ ਮਿਲੀ ਹੈ।
TCS ਸਿਖਰ 'ਤੇ
ਲਿੰਕਡਇਨ ਦੁਆਰਾ ਜਾਰੀ ਚੋਟੀ ਦੀਆਂ 25 ਕੰਪਨੀਆਂ ਦੀ ਸੂਚੀ ਵਿੱਚ TCS ਨੂੰ ਸਰਵੋਤਮ ਕੰਪਨੀ ਦਾ ਪੁਰਸਕਾਰ ਮਿਲਿਆ ਹੈ। ਚੋਟੀ ਦੀਆਂ 25 ਕੰਪਨੀਆਂ ਦੀ ਸੂਚੀ ਵਿੱਚ 500 ਤੋਂ ਵੱਧ ਕਰਮਚਾਰੀਆਂ ਵਾਲੀਆਂ ਕੰਪਨੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਪਿਛਲੇ ਸਾਲ ਵੀ ਕੰਪਨੀ ਇਸ ਸੂਚੀ 'ਚ ਟਾਪ 'ਤੇ ਸੀ। ਅਜਿਹੇ 'ਚ ਕੰਪਨੀ ਨੇ ਆਪਣੀ ਸਥਿਤੀ ਬਰਕਰਾਰ ਰੱਖੀ ਹੈ। ਇਸ ਸੂਚੀ 'ਚ ਮੈਕਵੇਰੀ ਗਰੁੱਪ ਚੌਥੇ ਸਥਾਨ 'ਤੇ, ਮੋਰਗਨ ਸਟੈਨਲੀ ਪੰਜਵੇਂ ਸਥਾਨ 'ਤੇ ਅਤੇ ਡੇਲੋਇਟ ਛੇਵੇਂ ਸਥਾਨ 'ਤੇ ਹੈ। ਇਸ ਸੂਚੀ ਵਿੱਚ, Endress+Hauser ਗਰੁੱਪ ਸੱਤਵੇਂ ਸਥਾਨ 'ਤੇ, ਬ੍ਰਿਸਟਲ ਮਾਇਰਸ ਸਕੁਇਬ 8ਵੇਂ ਸਥਾਨ 'ਤੇ ਅਤੇ JPMorgan Chase & Co 9ਵੇਂ ਸਥਾਨ 'ਤੇ ਹੈ। ਇਸ ਸੂਚੀ 'ਚ ਪੈਪਸੀਕੋ ਦਾ ਨਾਂ 10ਵੇਂ ਸਥਾਨ 'ਤੇ ਹੈ। HCL, EY, Amazon, MasterCard, ICICI Bank, Michelin ਅਤੇ Goldman Sachs ਵਰਗੀਆਂ ਕੰਪਨੀਆਂ ਦੇ ਨਾਮ ਵੀ ਟਾਪ-25 ਦੀ ਸੂਚੀ ਵਿੱਚ ਸ਼ਾਮਲ ਹਨ।
ਦਰਮਿਆਨੀ ਕੰਪਨੀਆਂ ਦੀ ਸੂਚੀ ਵੀ ਜਾਰੀ ਕੀਤੀ
ਇਸ ਸਾਲ, ਲਿੰਕਡਇਨ ਨੇ 250 ਤੋਂ 500 ਕਰਮਚਾਰੀਆਂ ਵਾਲੀ ਮੱਧ ਆਕਾਰ ਦੀਆਂ ਕੰਪਨੀਆਂ ਦੀ ਸੂਚੀ ਵੀ ਜਾਰੀ ਕੀਤੀ ਹੈ। SaaS ਪਲੇਟਫਾਰਮ Lentra ਨੇ ਮੱਧ ਆਕਾਰ ਦੀਆਂ ਕੰਪਨੀਆਂ ਦੀ ਇਸ ਸੂਚੀ ਵਿੱਚ ਸਿਖਰ 'ਤੇ ਆਪਣੀ ਥਾਂ ਬਣਾਈ ਹੈ। ਟ੍ਰੈਵਲ ਵੈੱਬਸਾਈਟ ਮੇਕ ਮਾਈ ਟ੍ਰਿਪ, PRADAN, NYKKA ਅਤੇ ਡਰੀਮ 11 ਨੂੰ ਵੀ ਇਸ ਸੂਚੀ ਵਿੱਚ ਥਾਂ ਮਿਲੀ ਹੈ।
ਬੈਂਗਲੁਰੂ ਚੋਟੀ 'ਤੇ
ਇਸ ਤੋਂ ਇਲਾਵਾ ਲਿੰਕਡਇਨ ਨੇ ਦੇਸ਼ ਦੇ ਉਨ੍ਹਾਂ ਸ਼ਹਿਰਾਂ ਦੀ ਸੂਚੀ ਵੀ ਜਾਰੀ ਕੀਤੀ ਹੈ ਜੋ ਕੰਪਨੀਆਂ ਦੇ ਲਿਹਾਜ਼ ਨਾਲ ਸਭ ਤੋਂ ਵਧੀਆ ਹਨ। ਇਸ 'ਚ ਆਈਟੀ ਸਿਟੀ ਬੈਂਗਲੁਰੂ ਨੇ ਟਾਪ 'ਤੇ ਆਪਣੀ ਜਗ੍ਹਾ ਬਣਾਈ ਹੈ। ਇਸ ਤੋਂ ਇਲਾਵਾ ਹੈਦਰਾਬਾਦ, ਮੁੰਬਈ ਮੈਟਰੋਪੋਲੀਟਨ ਰੀਜਨ ਅਤੇ ਪੁਣੇ ਨੂੰ ਵੀ ਇਸ ਸੂਚੀ 'ਚ ਜਗ੍ਹਾ ਮਿਲੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
