Cyber Attack On Pension: ਸਾਵਧਾਨ! ਤੁਹਾਡੀ ਪੈਂਸ਼ਨ 'ਤੇ ਸਾਈਬਰ ਠੱਗਾਂ ਦੀ ਨਜ਼ਰ, ਇੱਕ ਕਲਿੱਕ ਨਾਲ ਖਾਲੀ ਹੋ ਸਕਦੈ ਪੂਰਾ ਅਕਾਊਂਟ, PFRDA ਨੇ ਦਿੱਤੀ ਚੇਤਾਵਨੀ
Cyber ਠੱਗ ਨਿੱਤ-ਨਿੱਤ ਨਵੀਆਂ ਸਕੀਮਾਂ ਲੱਗਦੇ ਨੇ ਲੋਕਾਂ ਦੇ ਪੈਸੇ ਠੱਗਣ ਦੇ ਲਈ, PFRDA ਨੇ ਲੋਕਾਂ ਨੂੰ ਇਸ ਤੋਂ ਸਾਵਧਾਨ ਰਹਿਣ ਦੀ ਚੇਤਾਵਨੀ ਦਿੱਤੀ ਹੈ।ਇੱਕ ਸਰਕਾਰੀ ਨੋਟਿਸ ਜਾਰੀ ਕਰਕੇ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਅਜਿਹੇ ਦਾਅਵੇ ਕਰਨ
Cyber Attack On Pension: ਜੇ ਤੁਹਾਨੂੰ ਤੁਰੰਤ ਪੈਸਿਆਂ ਦੀ ਲੋੜ ਹੈ ਅਤੇ ਤੁਸੀਂ ਲੋਨ ਨਹੀਂ ਲੈਣਾ ਚਾਹੁੰਦੇ, ਤਾਂ ਤੁਹਾਡੀ ਨਜ਼ਰ ਪੈਂਸ਼ਨ ਫੰਡ ਜਾਂ ਪੀਐਫ ਫੰਡ 'ਤੇ ਜਾ ਸਕਦੀ ਹੈ। ਤੁਸੀਂ ਚਾਹੁੰਦੇ ਹੋ ਕਿ ਪੈਂਸ਼ਨ ਵਿੱਚੋਂ ਵੱਧ ਤੋਂ ਵੱਧ ਪੈਸਾ ਕੱਢ ਲਵੋ, ਤਾਂ ਜੋ ਤੁਹਾਡਾ ਕੰਮ ਵੀ ਬਣ ਜਾਵੇ ਅਤੇ ਤੁਹਾਨੂੰ ਕਿਸੇ ਹੋਰ ਜਗ੍ਹਾ ਤੋਂ ਪੈਸੇ ਮੰਗਣ ਜਾਂ ਲੋਨ ਲੈਣ ਦੀ ਲੋੜ ਨਾ ਪਵੇ।
ਇਸ ਤਰ੍ਹਾਂ ਦੀ ਸਥਿਤੀ ਵਿੱਚ ਤੁਹਾਡੀ ਨਜ਼ਰ ਕਿਸੇ ਵੈੱਬਸਾਈਟ, ਈਮੇਲ ਜਾਂ SMS 'ਤੇ ਪੈ ਸਕਦੀ ਹੈ, ਜੋ ਇਹ ਦਾਅਵਾ ਕਰਦੇ ਹਨ ਕਿ ਉਹ ਤੁਹਾਡਾ ਪੂਰਾ ਪੈਂਸ਼ਨ ਫੰਡ ਕੱਢਣ ਵਿੱਚ ਮਦਦ ਕਰ ਸਕਦੇ ਹਨ। PFRDA (ਪੈਂਸ਼ਨ ਫੰਡ ਰੈਗੂਲੇਟਰੀ ਐਂਡ ਡਿਵੈਲਪਮੈਂਟ ਅਥਾਰਟੀ) ਨੇ ਲੋਕਾਂ ਨੂੰ ਇਸ ਤੋਂ ਸਾਵਧਾਨ ਰਹਿਣ ਦੀ ਚੇਤਾਵਨੀ ਦਿੱਤੀ ਹੈ। ਇੱਕ ਸਰਕਾਰੀ ਨੋਟਿਸ ਜਾਰੀ ਕਰਕੇ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਅਜਿਹੇ ਦਾਅਵੇ ਕਰਨ ਵਾਲੇ ਸਾਈਬਰ ਠੱਗ ਹੋ ਸਕਦੇ ਹਨ, ਜੋ ਪੈਂਸ਼ਨ ਫੰਡ ਕੱਢਣ ਦੇ ਨਾਂ 'ਤੇ ਤੁਹਾਡੀ ਜ਼ਿੰਦਗੀ ਭਰ ਦੀ ਕਮਾਈ ਠੱਗ ਸਕਦੇ ਹਨ।
PFRDA ਵਲੋਂ ਸਾਫ਼ ਕਿਹਾ ਗਿਆ ਹੈ ਕਿ NPS (National Pension System) ਅਤੇ APY (ਅਟਲ ਪੈਂਸ਼ਨ ਯੋਜਨਾ) ਦੇ ਤਹਿਤ ਪੈਂਸ਼ਨ ਫੰਡ ਦਾ ਪੂਰਾ ਹਿੱਸਾ ਕੱਢਣਾ ਸੰਭਵ ਨਹੀਂ ਹੈ। ਨਿਯਮਾਂ ਦੇ ਅਨੁਸਾਰ, ਸਿਰਫ਼ ਇੱਕ ਨਿਸ਼ਚਿਤ ਹਿੱਸਾ ਹੀ ਕੱਢਿਆ ਜਾ ਸਕਦਾ ਹੈ।
ਸਾਈਬਰ ਠੱਗ ਪੈਂਸ਼ਨ 'ਚ ਇਸ ਤਰ੍ਹਾਂ ਲਗਾ ਰਹੇ ਸੇਧ
ਸਾਈਬਰ ਠੱਗ ਕਦੇ ਰੁਕੀ ਹੋਈ ਪੈਂਸ਼ਨ ਦਵਾਉਣ ਦੇ ਨਾਂ 'ਤੇ, ਤਾਂ ਕਦੇ ਜੀਵਨ ਪ੍ਰਮਾਣ-ਪੱਤਰ (Life Certificate) ਅੱਪਡੇਟ ਕਰਨ ਦੇ ਨਾਂ 'ਤੇ ਲੋਕਾਂ ਨੂੰ ਠੱਗ ਰਹੇ ਹਨ। ਸਰਕਾਰੀ ਵਿਭਾਗ ਅਤੇ ਬੈਂਕ ਸਮੇਂ-ਸਮੇਂ 'ਤੇ ਲੋਕਾਂ ਨੂੰ ਇਸ ਬਾਰੇ ਚੇਤਾਵਨੀ ਜਾਰੀ ਕਰਦੇ ਰਹਿੰਦੇ ਹਨ, ਪਰ ਫਿਰ ਵੀ ਇਹ ਠੱਗੀ ਦੇ ਮਾਮਲੇ ਰੁਕਣ ਦਾ ਨਾਮ ਨਹੀਂ ਲੈ ਰਹੇ। ਸੈਂਟਰਲ ਪੈਂਸ਼ਨ ਅਕਾਊਂਟਿੰਗ ਆਫਿਸ (CPAO) ਨੇ ਵੀ ਆਪਣੀ ਵੈੱਬਸਾਈਟ 'ਤੇ ਚੇਤਾਵਨੀ ਜਾਰੀ ਕਰਕੇ ਕਿਹਾ ਹੈ ਕਿ ਸਾਈਬਰ ਜਾਲਸਾਜ ਪੈਂਸ਼ਨਭੋਗੀਆਂ (pensioners) ਨੂੰ ਜੀਵਨ ਪ੍ਰਮਾਣ-ਪੱਤਰ ਆਨਲਾਈਨ ਅੱਪਡੇਟ ਕਰਨ ਵਿੱਚ ਮਦਦ ਦੇਣ ਦੇ ਬਹਾਨੇ ਫ਼ੋਨ ਕਰ ਰਹੇ ਹਨ ਅਤੇ ਨਵੇਂ ਤਰੀਕਿਆਂ ਨਾਲ ਠੱਗੀ ਕਰ ਰਹੇ ਹਨ।
OTP ਰਾਹੀਂ ਪੈਂਸ਼ਨ ਖਾਤਿਆਂ ਤੱਕ ਕਰ ਰਹੇ ਪਹੁੰਚ
ਸਾਈਬਰ ਅਪਰਾਧੀ ਪੀੜਤਾਂ ਤੋਂ ਉਨ੍ਹਾਂ ਦੀ ਪੈਨਸ਼ਨ ਸੰਬੰਧੀ ਨਿੱਜੀ ਜਾਣਕਾਰੀ, ਜਿਵੇਂ ਕਿ ਪੈਂਸ਼ਨ ਪੇਮੈਂਟ ਆਰਡਰ (PPO) ਨੰਬਰ, ਜਨਮ ਤਾਰੀਖ, ਬੈਂਕ ਵਿਵਰ, ਆਧਾਰ ਨੰਬਰ ਆਦਿ ਮੰਗਦੇ ਹਨ। ਫਿਰ ਉਹ ਪੁਸ਼ਟੀਕਰਨ (verification) ਲਈ One Time Password (OTP) ਭੇਜਣ ਦਾ ਦਾਅਵਾ ਕਰਦੇ ਹਨ ਅਤੇ ਪੈਂਸ਼ਨਭੋਗੀ ਨੂੰ ਉਹ OTP ਸਾਂਝਾ ਕਰਨ ਲਈ ਕਹਿੰਦੇ ਹਨ। ਜਿਵੇਂ ਹੀ ਪੀੜਤ ਉਹ OTP ਸਾਂਝਾ ਕਰਦਾ ਹੈ, ਠੱਗ ਨੂੰ ਉਨ੍ਹਾਂ ਦੇ ਪੈਂਸ਼ਨ ਖਾਤੇ ਤੱਕ ਪਹੁੰਚ ਮਿਲ ਜਾਂਦੀ ਹੈ, ਜਿਸ ਤੋਂ ਬਾਅਦ ਉਹ ਉਨ੍ਹਾਂ ਦੇ ਪੂਰੇ ਪੈਸੇ ਨਕਲੀ ਖਾਤਿਆਂ ਵਿੱਚ ਟ੍ਰਾਂਸਫ਼ਰ ਕਰ ਦਿੰਦੇ ਹਨ। ਇਸ ਕਾਰਨ, ਪੀੜਤਾਂ ਲਈ ਆਪਣੇ ਖੋਏ ਹੋਏ ਪੈਸੇ ਵਾਪਸ ਮਿਲਣਾ ਬਹੁਤ ਮੁਸ਼ਕਲ ਹੋ ਜਾਂਦਾ ਹੈ।
ਸਾਵਧਾਨ ਰਹੋ!
- OTP ਕਿਸੇ ਨਾਲ ਵੀ ਸਾਂਝਾ ਨਾ ਕਰੋ
- ਅਣਜਾਣ ਨੰਬਰਾਂ ਤੋਂ ਆਏ ਫ਼ੋਨਾਂ ਤੇ ਵਿਸ਼ਵਾਸ ਨਾ ਕਰੋ
- ਕਿਸੇ ਵੀ ਅਧਿਕਾਰਕ ਪ੍ਰਮਾਣਿਕਤਾ (Verification) ਲਈ ਸਿਰਫ਼ ਸਰਕਾਰੀ ਜਾਂ ਬੈਂਕ ਦੀ ਅਧਿਕਾਰਕ ਵੈੱਬਸਾਈਟ 'ਤੇ ਹੀ ਜਾਓ
- ਜੇਕਰ ਕੋਈ ਸ਼ੱਕੀ ਕਾਲ ਜਾਂ SMS ਆਉਂਦਾ ਹੈ, ਤਾਂ ਤੁਰੰਤ ਆਪਣੇ ਬੈਂਕ ਜਾਂ ਪੈਨਸ਼ਨ ਵਿਭਾਗ ਨੂੰ ਸੂਚਿਤ ਕਰੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
