ਕਿਤੇ ਤੁਹਾਡਾ ਖਾਤਾ ਐਸਬੀਆਈ 'ਚ ਤਾਂ ਨਹੀਂ! ਖਬਰ ਪੜ੍ਹ ਕੇ ਲੱਗੇਗਾ ਵੱਡਾ ਝਟਕਾ

ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ SBI ਨੇ ਆਪਣੇ ਗਾਹਕਾਂ ਦੇ ਬਚਤ ਬੈਂਕ ਖਾਤੇ 'ਚ ਜਮ੍ਹਾ ਕੀਤੀ ਰਕਮ 'ਤੇ ਵਿਆਜ ਦਰ 'ਚ 0.25 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਹੈ। ਬੈਂਕ ਹੁਣ ਬਚਤ ਖਾਤੇ 'ਚ ਜਮ੍ਹਾ ਰਾਸ਼ੀ 'ਤੇ ਤਿੰਨ ਪ੍ਰਤੀਸ਼ਤ ਦੀ ਦਰ 'ਤੇ ਵਿਆਜ ਦਾ ਭੁਗਤਾਨ ਕਰੇਗਾ।

ਨਵੀਂ ਦਿੱਲੀ: ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ SBI ਨੇ ਆਪਣੇ ਗਾਹਕਾਂ ਦੇ ਬਚਤ ਬੈਂਕ ਖਾਤੇ 'ਚ ਜਮ੍ਹਾ ਕੀਤੀ ਰਕਮ 'ਤੇ ਵਿਆਜ ਦਰ 'ਚ 0.25 ਪ੍ਰਤੀਸ਼ਤ ਦੀ ਕਟੌਤੀ ਕੀਤੀ ਹੈ। ਬੈਂਕ ਹੁਣ ਬਚਤ ਖਾਤੇ 'ਚ ਜਮ੍ਹਾ ਰਾਸ਼ੀ 'ਤੇ ਤਿੰਨ ਪ੍ਰਤੀਸ਼ਤ ਦੀ ਦਰ 'ਤੇ ਵਿਆਜ ਦਾ ਭੁਗਤਾਨ ਕਰੇਗਾ। ਦਰਾਂ ਵਿੱਚ ਇਹ ਤਬਦੀਲੀ 15 ਅਪ੍ਰੈਲ ਤੋਂ ਲਾਗੂ ਹੋਵੇਗੀ। ਸਟੇਟ ਬੈਂਕ ਨੇ ਪਿਛਲੇ ਇੱਕ ਮਹੀਨੇ ਵਿੱਚ ਸੇਵਿੰਗਜ਼ ਬੈਂਕ ਖਾਤਿਆਂ ਵਿੱਚ ਜਮ੍ਹਾਂ ਰਕਮਾਂ 'ਤੇ ਵਿਆਜ ਦਰ ਵਿੱਚ ਦੂਜੀ ਕਮੀ ਦਾ ਐਲਾਨ ਕੀਤਾ ਹੈ। ਇਸ ਤੋਂ ਪਹਿਲਾਂ 11 ਮਾਰਚ ਨੂੰ ਬੈਂਕ ਨੇ ਸੇਵਿੰਗ ਅਕਾਉਂਟ 'ਤੇ ਵਿਆਜ ਨੂੰ 3 ਪ੍ਰਤੀਸ਼ਤ ਤੱਕ ਘਟਾ ਦਿੱਤਾ ਸੀ। ਬੈਂਕ ਮੁਤਾਬਕ ਸਿਸਟਮ ਵਿੱਚ ਤਰਲਤਾ ਦਾ ਸੰਤੁਲਨ ਬਣਾਈ ਰੱਖਣ ਲਈ ਉਸਨੇ ਇਹ ਕਦਮ ਚੁੱਕਿਆ ਹੈ। ਹਾਲ ਹੀ ‘ਚ ਯੈੱਸ ਬੈਂਕ ਸੰਕਟ ਤੋਂ ਬਾਅਦ ਸਟੇਟ ਬੈਂਕ ਦੀ ਜਮ੍ਹਾਂ ਦਰ ‘ਚ ਵਾਧਾ ਹੋਇਆ ਹੈ। ਦੂਜੇ ਪਾਸੇ ਕੋਰੋਨਾਵਾਇਰਸ ਸੰਕਟ ਦੇ ਮੱਦੇਨਜ਼ਰ ਵਿੱਤੀ ਬਾਜ਼ਾਰਾਂ ਨੂੰ ਸਥਿਰਤਾ ਲਿਆਉਣ ਲਈ ਆਰਬੀਆਈ ਨੇ ਵੀ ਜੀਡੀਪੀ ਦੇ ਲਗਪਗ 3.5 ਪ੍ਰਤੀਸ਼ਤ ਨਗਦ ਦੀ ਉਪਲਬਧਤਾ ਨੂੰ ਯਕੀਨੀ ਬਣਾਇਆ ਹੈ।

ਐਸਬੀਆਈ ਨੇ ਮਾਰਚ ਵਿੱਚ ਘੱਟੋ ਘੱਟ ਸੰਤੁਲਨ ਨਾ ਬਣਾਈ ਰੱਖਣ ਲਈ ਲਗਾਏ ਸਾਰੇ ਖ਼ਰਚਿਆਂ ਨੂੰ ਖ਼ਤਮ ਕਰ ਦਿੱਤਾ ਸੀ। ਬੈਂਕ ਦੇ 44.5 ਕਰੋੜ ਬਚਤ ਖਾਤੇ ਹਨ। ਐਸਬੀਆਈ ਨੇ ਕਿਹਾ, 'ਐਸਬੀਆਈ ਨੇ ਬਚਤ ਖਾਤਿਆਂ 'ਤੇ ਵਿਆਜ ਦਰ ਬਦਲਣ ਦਾ ਫੈਸਲਾ ਕੀਤਾ ਹੈ, ਜੋ 15 ਅਪ੍ਰੈਲ ਤੋਂ ਲਾਗੂ ਹੋਵੇਗਾ।'