Zomato: ਜ਼ੋਮੈਟੋ ਦੇ CEO ਦੀਪਿੰਦਰ ਗੋਇਲ ਨੇ ਦਿੱਤਾ ਅਸਤੀਫਾ, ਜਾਣੋ ਹੁਣ ਕੌਣ ਸੰਭਾਲੇਗਾ ਵਾਗ-ਡੋਰ, ਭਵਿੱਖ ਦੀਆਂ ਯੋਜਨਾਵਾਂ ਅਤੇ ਵੱਡੇ ਬਦਲਾਅ!
ਜ਼ੋਮੈਟੋ ਤੇ ਬਲਿੰਕਿਟ ਦੀ ਮੂਲ ਕੰਪਨੀ ਈਟਰਨਲ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਦੀਪਇੰਦਰ ਗੋਇਲ ਦੇ ਅਸਤੀਫੇ ਦੀ ਖ਼ਬਰ ਕਾਰਪੋਰੇਟ ਜਗਤ 'ਚ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਕੰਪਨੀ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਉਨ੍ਹਾਂ ਨੇ ਆਪਣੇ ਅਹੁਦੇ ਤੋਂ
ਏਟਰਨਲ ਗਰੁੱਪ Zomato ਨਾਲ ਜੁੜੀ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਕੰਪਨੀ ਦੇ CEO ਦੀਪਿੰਦਰ ਗੋਇਲ (Deepinder Goyal) ਨੇ ਆਪਣੇ ਪਦ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਹੁਣ ਇਹ ਜ਼ਿੰਮੇਵਾਰੀ ਅਲਬਿੰਦਰ ਢੀਂਡਸਾ ਸੰਭਾਲਣਗੇ। 1 ਫ਼ਰਵਰੀ 2026 ਤੋਂ ਕੰਪਨੀ ਦੀ ਕਮਾਨ ਬਲਿੰਕਿਟ ਦੇ ਮੌਜੂਦਾ CEO ਅਲਬਿੰਦਰ ਢੀਂਡਸਾ ਦੇ ਹੱਥਾਂ ਵਿੱਚ ਹੋਵੇਗੀ।
ਦੀਪਿੰਦਰ ਗੋਇਲ ਨੇ ਸੋਸ਼ਲ ਮੀਡੀਆ ਪਲੇਟਫ਼ਾਰਮ X ‘ਤੇ ਇਕ ਪੋਸਟ ਸਾਂਝੀ ਕਰਦਿਆਂ ਦੱਸਿਆ ਕਿ ਸ਼ੇਅਰਧਾਰਕਾਂ ਦੀ ਮਨਜ਼ੂਰੀ ਤੋਂ ਬਾਅਦ ਹੁਣ ਉਹ ਕੰਪਨੀ ਦੇ ਬੋਰਡ ਵਿੱਚ ਵਾਈਸ ਚੇਅਰਮੈਨ ਦੀ ਨਵੀਂ ਭੂਮਿਕਾ ਨਿਭਾਉਣਗੇ।
ਉਨ੍ਹਾਂ ਕਿਹਾ ਕਿ ਅਲਬਿੰਦਰ ਢੀਂਡਸਾ, ਜਿਨ੍ਹਾਂ ਨੇ ਬਲਿੰਕਿਟ ਨੂੰ ਘਾਟੇ ਤੋਂ ਕੱਢ ਕੇ ਮੁਨਾਫ਼ੇ ਦੇ ਰਾਹ ‘ਤੇ ਲਿਆਉਂਦਾ ਹੈ, ਹੁਣ ਪੂਰੇ ਏਟਰਨਲ ਗਰੁੱਪ ਦੇ CEO ਹੋਣਗੇ ਅਤੇ ਰੋਜ਼ਾਨਾ ਦੇ ਵਪਾਰਕ ਫੈਸਲਿਆਂ ਦੀ ਅਗਵਾਈ ਕਰਨਗੇ।
ਅਸਤੀਫ਼ੇ ਦੇ ਪਿੱਛੇ ਕੀ ਕਾਰਨ ਹੈ?
ਗੋਇਲ ਨੇ ਆਪਣੇ ਇਸ ਫੈਸਲੇ ਦੇ ਪਿੱਛੇ ਇਕ ਬਹੁਤ ਹੀ ਦਿਲਚਸਪ ਕਾਰਨ ਦੱਸਿਆ ਹੈ। ਉਨ੍ਹਾਂ ਕਿਹਾ, "ਹਾਲੀਆ ਦਿਨਾਂ ਵਿੱਚ ਮੇਰਾ ਰੁਝਾਨ ਕੁਝ ਨਵੇਂ ਆਈਡੀਆਜ਼ ਵੱਲ ਵਧ ਗਿਆ ਹੈ, ਜਿਨ੍ਹਾਂ ਵਿੱਚ ਬਹੁਤ ਜ਼ਿਆਦਾ ਜੋਖਿਮ ਅਤੇ ਪ੍ਰਯੋਗ ਸ਼ਾਮਲ ਹਨ। ਅਜਿਹੇ ਪ੍ਰਯੋਗ ਇੱਕ ਪਬਲਿਕ ਕੰਪਨੀ (Public Company) ਦੇ ਦਾਇਰੇ ਵਿੱਚ ਰਹਿ ਕੇ ਕਰਨਾ ਮੁਸ਼ਕਲ ਹੁੰਦਾ ਹੈ।"
ਗੋਇਲ ਭਾਰਤ ਵਿੱਚ ਇੱਕ ਲਿਸਟਡ ਕੰਪਨੀ ਦੇ CEO ਹੋਣ ਕਾਰਨ ਆਉਣ ਵਾਲੀਆਂ ਕਾਨੂੰਨੀ ਜ਼ਿੰਮੇਵਾਰੀਆਂ ਅਤੇ ਜਵਾਬਦੇਹੀ ਦੇ ਦਬਾਅ ਨੂੰ ਵੀ ਇਸ ਬਦਲਾਅ ਦੀ ਇੱਕ ਵਜ੍ਹਾ ਮੰਨਦੇ ਹਨ।
ਕੀ ਬਦਲੇਗਾ ਅਤੇ ਕੀ ਪਹਿਲਾਂ ਵਰਗਾ ਹੀ ਰਹੇਗਾ?
ਕਾਰਜਨਵਾਇ ਦਾ ਕੇਂਦਰ: ਹੁਣ ਸਾਰੇ ਓਪਰੇਸ਼ਨਲ ਫੈਸਲੇ ਅਲਬਿੰਦਰ ਢੀਂਡਸਾ ਲੈਣਗੇ।
ਗੋਇਲ ਦੀ ਭੂਮਿਕਾ: ਉਹ ਕੰਪਨੀ ਦੀ ਦਿਰਘਕਾਲੀ ਰਣਨੀਤੀ, ਸੱਭਿਆਚਾਰ, ਲੀਡਰਸ਼ਿਪ ਅਤੇ ਐਥਿਕਸ (ਨੈਤਿਕਤਾ) ਵਰਗੇ ਮਹੱਤਵਪੂਰਨ ਮਾਮਲਿਆਂ 'ਤੇ ਮਾਰਗਦਰਸ਼ਨ ਦਿੰਦੇ ਰਹਿਣਗੇ।
ESOP ਦਾ ਤਿਆਗ: ਗੋਇਲ ਨੇ ਇਕ ਵੱਡਾ ਕਦਮ ਉਠਾਉਂਦੇ ਹੋਏ ਆਪਣੇ ਸਾਰੇ ਅਨਵੈਸਟਿਡ ਸ਼ੇਅਰ (ESOPs) ਕੰਪਨੀ ਦੇ ਪੁੱਲ ਵਿੱਚ ਵਾਪਸ ਕਰ ਦਿੱਤੇ ਹਨ, ਤਾਂ ਜੋ ਆਉਣ ਵਾਲੇ ਨਵੇਂ ਲੀਡਰਾਂ ਨੂੰ ਵੈਲਥ ਕ੍ਰੀਏਸ਼ਨ ਦਾ ਮੌਕਾ ਮਿਲ ਸਕੇ।
ਇੱਕ ਅਰਬ ਗਾਹਕਾਂ ਦਾ ਸੁਪਨਾ
ਦੀਪਿੰਦਰ ਗੋਇਲ ਨੇ ਸਪਸ਼ਟ ਕੀਤਾ ਕਿ ਉਹ ਕੰਪਨੀ ਤੋਂ ਪੂਰੀ ਤਰ੍ਹਾਂ ਵੱਖਰਾ ਨਹੀਂ ਹੋ ਰਹੇ। ਉਨ੍ਹਾਂ ਨੇ ਆਪਣੇ ਜੀਵਨ ਦੇ 18 ਸਾਲ ਇਸ ਕੰਪਨੀ ਨੂੰ ਦਿੱਤੇ ਹਨ ਅਤੇ ਉਨ੍ਹਾਂ ਦਾ ਸੁਪਨਾ ਅੱਜ ਵੀ ਉਹੀ ਹੈ—ਏਟਰਨਲ ਗਰੁੱਪ ਨੂੰ ਭਾਰਤ ਦੀ ਸਭ ਤੋਂ ਕੀਮਤੀ ਕੰਪਨੀ ਬਣਾਉਣਾ ਅਤੇ ਇੱਕ ਅਰਬ ਗਾਹਕਾਂ ਤੱਕ ਪਹੁੰਚਣਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
