![ABP Premium](https://cdn.abplive.com/imagebank/Premium-ad-Icon.png)
Jalandhar News: ਅੰਧਵਿਸ਼ਵਾਸ਼ ਨੇ ਕਰਵਾਇਆ ਕਤਲ ! ਨਹੀਂ ਹੋ ਰਿਹਾ ਸੀ ਵਿਆਹ ਤਾਂ ਔਰਤ ਦਾ ਕੀਤਾ ਕਤਲ, ਜਾਦੂ ਟੋਣੇ ਕਰਨ ਦਾ ਸੀ ਸ਼ੱਕ
Punjab News: ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਅਤੇ 24 ਘੰਟਿਆਂ 'ਚ ਕਤਲ ਦੀ ਗੁੱਥੀ ਸੁਲਝਾ ਕੇ ਨੀਰਜ ਕੁਮਾਰ ਉਰਫ ਗਹਿਲੌਰਾ (37) ਵਾਸੀ ਆਰੀਆ ਨਗਰ ਕਰਤਾਰਪੁਰ ਨੂੰ ਗ੍ਰਿਫਤਾਰ ਕਰ ਲਿਆ।
![Jalandhar News: ਅੰਧਵਿਸ਼ਵਾਸ਼ ਨੇ ਕਰਵਾਇਆ ਕਤਲ ! ਨਹੀਂ ਹੋ ਰਿਹਾ ਸੀ ਵਿਆਹ ਤਾਂ ਔਰਤ ਦਾ ਕੀਤਾ ਕਤਲ, ਜਾਦੂ ਟੋਣੇ ਕਰਨ ਦਾ ਸੀ ਸ਼ੱਕ women murder in Jalandhar due to Superstition Jalandhar News: ਅੰਧਵਿਸ਼ਵਾਸ਼ ਨੇ ਕਰਵਾਇਆ ਕਤਲ ! ਨਹੀਂ ਹੋ ਰਿਹਾ ਸੀ ਵਿਆਹ ਤਾਂ ਔਰਤ ਦਾ ਕੀਤਾ ਕਤਲ, ਜਾਦੂ ਟੋਣੇ ਕਰਨ ਦਾ ਸੀ ਸ਼ੱਕ](https://feeds.abplive.com/onecms/images/uploaded-images/2023/10/01/b49e8fb39f32df50b69de75e2fc32eab1696149209156674_original.jpg?impolicy=abp_cdn&imwidth=1200&height=675)
Jalandhar News: ਜਲੰਧਰ ਦੇ ਕਰਤਾਰਪੁਰ 'ਚ ਮਹਿਲਾ ਦੇ ਕਤਲ ਦੀ ਗੁੱਥੀ ਪੁਲਿਸ ਨੇ ਸੁਲਝਾ ਲਈ ਹੈ। ਪੁਲਿਸ ਨੇ ਇੱਕ ਨੌਜਵਾਨ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਕਰਤਾਰਪੁਰ ਦੇ ਡੀਐਸਪੀ ਬਲਵੀਰ ਸਿੰਘ ਨੇ ਦੱਸਿਆ ਕਿ ਆਰੀਆ ਨਗਰ ਕਰਤਾਰਪੁਰ ਦੇ ਰਹਿਣ ਵਾਲੇ ਗੁਰਮੀਤ ਸਿੰਘ ਨੇ ਥਾਣਾ ਕਰਤਾਰਪੁਰ ਦੇ ਇੰਚਾਰਜ ਰਮਨਦੀਪ ਸਿੰਘ ਨੂੰ ਸ਼ਿਕਾਇਤ ਕੀਤੀ ਹੈ ਕਿ ਜਦੋਂ ਉਹ ਕਰਿਆਨੇ ਦੀ ਦੁਕਾਨ 'ਤੇ ਸੀ ਤਾਂ ਕਿਸੇ ਨੇ ਦਿਨ ਦਿਹਾੜੇ ਘਰ ਵਿੱਚ ਦਾਖਲ ਹੋ ਕੇ ਉਸਦੀ ਪਤਨੀ ਸੁਰਿੰਦਰ ਕੌਰ ਦਾ ਕਤਲ ਕਰ ਦਿੱਤਾ। ਉਸ ਦੀ ਬੇਟੀ ਮੀਨਾ ਰਾਣੀ ਦੇ ਗੰਭੀਰ ਸੱਟਾਂ ਲੱਗੀਆਂ ਹਨ। ਉਸ ਨੂੰ ਜਲੰਧਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ।
ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਅਤੇ 24 ਘੰਟਿਆਂ 'ਚ ਕਤਲ ਦੀ ਗੁੱਥੀ ਸੁਲਝਾ ਕੇ ਨੀਰਜ ਕੁਮਾਰ ਉਰਫ ਗਹਿਲੌਰਾ (37) ਵਾਸੀ ਆਰੀਆ ਨਗਰ ਕਰਤਾਰਪੁਰ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਨੇ ਮੁਲਜ਼ਮਾਂ ਕੋਲੋਂ ਵਾਰਦਾਤ ’ਚ ਵਰਤਿਆ ਚਾਕੂ, ਸਕੂਟਰ, ਖੂਨ ਨਾਲ ਲੱਥਪੱਥ ਲੋਹਰ, ਟੀ-ਸ਼ਰਟ ਅਤੇ ਕੈਪਰੀ ਬਰਾਮਦ ਕੀਤੀ ਹੈ।
ਕਤਲ ਤੋਂ ਬਾਅਦ ਮੁਲਜ਼ਮ ਨੀਰਜ ਘਰ 'ਚ ਖੜ੍ਹਾ ਸਕੂਟਰ ਵੀ ਖੋਹ ਕੇ ਲੈ ਗਿਆ ਸੀ ਅਤੇ ਰੂਪ ਬਦਲਣ ਲਈ ਘਰੋਂ ਕੱਪੜੇ ਵੀ ਲੈ ਗਿਆ ਸੀ। ਪੁੱਛਗਿੱਛ ਦੌਰਾਨ ਮੁਲਜ਼ਮ ਨੀਰਜ ਕੁਮਾਰ ਨੇ ਦੱਸਿਆ ਕਿ ਉਸ ਨੂੰ ਸ਼ੱਕ ਸੀ ਕਿ ਮ੍ਰਿਤਕ ਸੁਰਿੰਦਰ ਕੌਰ, ਜੋ ਕਿ ਰਿਸ਼ਤੇ ਵਿੱਚ ਉਸ ਦੀ ਦਾਦੀ ਸੀ, ਜਾਦੂ-ਟੂਣਾ ਕਰਦੀ ਹੈ, ਜਿਸ ਕਾਰਨ ਉਸ ਦਾ ਅਤੇ ਉਸ ਦੇ ਭਰਾ ਦਾ ਵਿਆਹ ਨਹੀਂ ਹੋ ਰਿਹਾ ਸੀ। ਉਹ, ਉਸਦੀ ਮਾਂ ਅਤੇ ਘਰ ਵਿੱਚ ਰੱਖੇ ਜਾਨਵਰ ਵਾਰ-ਵਾਰ ਬਿਮਾਰ ਪੈ ਜਾਂਦੇ ਹਨ। ਇਸ ਕਾਰਨ ਉਹ ਬਹੁਤ ਚਿੰਤਤ ਸੀ। ਇਸੇ ਰੰਜਿਸ਼ ਕਾਰਨ ਨੀਰਜ ਨੇ ਸੁਰਿੰਦਰ ਕੌਰ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)