Ludhiana News: ਰੋਟੀ ਖਾਂਦੇ-ਖਾਂਦੇ ਹੋਈ ਬਹਿਸ, ਪਿਸਤੌਲ ਕੱਢ ਆਪਣੇ ਹੀ ਦੋਸਤ ਨੂੰ ਮਾਰੀ ਗੋਲੀ
Ludhiana News: ਲੁਧਿਆਣਾ ਵਿੱਚ ਦਿਲ ਦਹਿਲਾਉਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਰੋਟੀ ਖਾਂਦੇ ਸਮੇਂ ਬਹਿਸ ਮਗਰੋਂ ਵਿਅਕਤੀ ਨੇ ਆਪਣੇ ਹੀ ਦੋਸਤ ਨੂੰ ਗੋਲੀ ਮਾਰ ਦਿੱਤੀ। ਇਹ ਘਟਨਾ ਸ਼ਹਿਰ ਦੇ ਫੀਲਡਗੰਜ ਇਲਾਕੇ ’ਚ ਸਥਿਤ ਇੱਕ ਹੋਟਲ
Ludhiana News: ਲੁਧਿਆਣਾ ਵਿੱਚ ਦਿਲ ਦਹਿਲਾਉਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਰੋਟੀ ਖਾਂਦੇ ਸਮੇਂ ਬਹਿਸ ਮਗਰੋਂ ਵਿਅਕਤੀ ਨੇ ਆਪਣੇ ਹੀ ਦੋਸਤ ਨੂੰ ਗੋਲੀ ਮਾਰ ਦਿੱਤੀ। ਇਹ ਘਟਨਾ ਸ਼ਹਿਰ ਦੇ ਫੀਲਡਗੰਜ ਇਲਾਕੇ ’ਚ ਸਥਿਤ ਇੱਕ ਹੋਟਲ ’ਚ ਵਾਪਰੀ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਹਾਸਲ ਜਾਣਕਾਰੀ ਮੁਤਾਬਕ ਸ਼ਹਿਰ ਦੇ ਫੀਲਡਗੰਜ ਇਲਾਕੇ ’ਚ ਸਥਿਤ ਇੱਕ ਹੋਟਲ ’ਚ ਆਪਣੇ ਦੋਸਤ ਦੇ ਨਾਲ ਖਾਣਾ ਖਾ ਰਹੇ ਹੈਬੋਵਾਲ ਦੇ ਰਹਿਣ ਵਾਲੇ ਅਨਿਲ ਦੀ ਆਪਣੇ ਦੋਸਤ ਨਾਲ ਬਹਿਸ ਹੋ ਗਈ। ਮਾਮੂਲੀ ਗੱਲ ਨੂੰ ਲੈ ਕੇ ਦੋਹਾਂ ’ਚ ਹੋਈ ਬਹਿਸ ਮਗਰੋਂ ਸਾਹਮਣੇ ਵਾਲੇ ਨੌਜਵਾਨ ਨੇ ਪਿਸਤੌਲ ਕੱਢ ਕੇ ਅਨਿਲ ’ਤੇ ਗੋਲੀ ਚਲਾ ਦਿੱਤੀ।
ਗੋਲੀ ਸਿੱਧੀ ਅਨਿਲ ਦੇ ਢਿੱਡ ’ਚ ਲੱਗੀ ਜਿਸ ਤੋਂ ਬਾਅਦ ਮੁਲਜ਼ਮ ਉਥੋਂ ਸਾਰਿਆਂ ਨੂੰ ਧਮਕੀਆਂ ਦਿੰਦਾ ਹੋਇਆ ਫ਼ਰਾਰ ਹੋ ਗਿਆ। ਅਨਿਲ ਤੇ ਉਸ ਦੇ ਦੋਸਤ ਦੇ ਨਾਲ ਬੈਠੇ ਹੋਰ ਨੌਜਵਾਨਾਂ ਨੇ ਅਨਿਲ ਨੂੰ ਚੁੱਕਿਆ ਤੇ ਸੀਐਮਸੀ ਹਸਪਤਾਲ ਭਰਤੀ ਕਰਵਾਇਆ। ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਦੇ ਉਚ ਅਧਿਕਾਰੀਆਂ ਦੇ ਨਾਲ ਨਾਲ ਥਾਣਾ ਡਵੀਜ਼ਨ ਨੰਬਰ 2 ਦੀ ਪੁਲਿਸ ਮੌਕੇ ’ਤੇ ਪੁੱਜ ਗਈ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਹਾਸਲ ਜਾਣਕਾਰੀ ਅਨੁਸਾਰ ਅਨਿਲ ਜਿਸ ਹੋਟਲ ’ਚ ਖਾਣਾ ਖਾਣ ਲਈ ਗਿਆ ਸੀ, ਉਹ ਉਸ ਦੇ ਦੋਸਤ ਦਾ ਹੈ ਤੇ ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਲੀਜ਼ ’ਤੇ ਲਿਆ ਹੈ। ਮੰਗਲਵਾਰ ਦੀ ਰਾਤ ਨੂੰ ਅਨਿਲ ਉਸ ਦਾ ਹੋਟਲ ਮਾਲਕ ਦੋਸਤ ਤੇ ਇੱਕ ਹੋਰ ਦੋਸਤ ਖਾਣਾ ਖਾ ਰਹੇ ਸਨ। ਇਸ ਦੌਰਾਨ ਅਨਿਲ ਦਾ ਆਪਣੇ ਹੋਟਲ ਮਾਲਕ ਦੋਸਤ ਨਾਲ ਕਿਸੇ ਗੱਲ ਤੋਂ ਝਗੜਾ ਹੋ ਗਿਆ। ਹੌਲੀ-ਹੌਲੀ ਉਨ੍ਹਾਂ ਦੀ ਬਹਿਸਬਾਜ਼ੀ ਕੁੱਟਮਾਰ ਤੱਕ ਪੁੱਜ ਗਈ।
ਦੋਵਾਂ ਦੋਸਤਾਂ ਵਿੱਚ ਬਚਾਅ ਕਰਾ ਰਹੇ ਸਨ ਕਿ ਹੋਟਲ ਮਾਲਕ ਅਨਿਲ ਦੇ ਦੋਸਤ ਨੇ ਪਿਸਤੌਲ ਕੱਢੀ ਤੇ ਸਿੱਧੀ ਅਨਿਲ ਵੱਲ ਗੋਲੀ ਚਲਾ ਦਿੱਤੀ, ਜੋ ਕਿ ਉਸ ਦੇ ਢਿੱਡ ’ਚ ਜਾ ਲੱਗੀ। ਉਥੇ ਇੱਕ ਵਾਰ ਭਗਦੜ ਮਚ ਗਈ ਤੇ ਮੁਲਜ਼ਮ ਉੱਥੋਂ ਫ਼ਰਾਰ ਹੋ ਗਿਆ। ਅਨਿਲ ਦੇ ਦੋਸਤਾਂ ਨੇ ਹੀ ਉਸ ਨੂੰ ਇਲਾਜ ਲਈ ਸੀਐਮਸੀ ਹਸਪਤਾਲ ਭਰਤੀ ਕਰਵਾਇਆ।
ਥਾਣਾ ਡਵੀਜ਼ਨ ਨੰਬਰ ਦੋ ਦੇ ਐਸਐਚਓ ਸਬ ਇੰਸਪੈਕਟਰ ਅੰਮ੍ਰਿਤਪਾਲ ਸ਼ਰਮਾ ਨੇ ਦੱਸਿਆ ਕਿ ਸੀਐਮਸੀ ਹਸਪਤਾਲ ’ਚ ਨੌਜਵਾਨ ਦੀ ਹਾਲਤ ਹਾਲੇ ਗੰਭੀਰ ਹੈ। ਉਸ ਦੇ ਪਰਿਵਾਰ ਵਾਲਿਆਂ ਨੂੰ ਗੱਲ ਪਤਾ ਨਹੀਂ ਸੀ ਤਾਂ ਉਨ੍ਹਾਂ ਨੇ ਕੋਈ ਬਿਆਨ ਦਰਜ ਨਹੀਂ ਕਰਵਾਏ। ਪੁਲਿਸ ਆਪਣੇ ਆਧਾਰ ’ਤੇ ਜਾਂਚ ਕਰ ਰਹੀ ਹੈ ਤੇ ਜਲਦੀ ਹੀ ਮੁਲਜ਼ਮ ਦੇ ਖਿਲਾਫ਼ ਕੇਸ ਦਰਜ ਕਰ ਕੇ ਉਸ ਦਾ ਪਤਾ ਲਾ ਲਿਆ ਜਾਵੇਗਾ ਤੇ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
