Ludhiana Robbery : ਚੋਰੀ ਲਈ ਰੱਖਿਆ ਸੀ ਡਰੈੱਸ ਕੋਡ - ਪੈਸੇ ਨਹੀਂ ਸਾਂਭੇ ਗਏ ਤਾਂ ਜ਼ਮੀਨ 'ਚ ਦੱਬੇ, ਡਾਕੂ ਹਸੀਨਾ ਸਾਊਥ ਵੱਲ ਫਰਾਰ
Ludhiana Robbery Update - ਪੁਲਿਸ ਨੂੰ ਇਹਨਾਂ ਚਾਰਾਂ ਲੁਟੇਰਿਆਂ ਦੇ ਦੱਖਣ ਭਾਰਤ ਵਿੱਚ ਲੁਕੇ ਹੋਣ ਦੇ ਇਨਪੁੱਟ ਵੀ ਮਿਲੇ ਹਨ। ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਸਾਡੀਆਂ 5 ਟੀਮਾਂ ਪੰਜਾਬ ਤੋਂ ਬਾਹਰ ਚੱਲ ਗਈਆਂ ਹਨ। ਇਸ ਤੋਂ ਪਹਿਲਾਂ ਰਾਜਸਥਾਨ, ਹਰਿਆਣਾ...
ਲੁਧਿਆਣਾ : ਪੰਜਾਬ ਪੁਲਿਸ ਵੱਲੋਂ ਲੁਧਿਆਣਾ ਲੁੱਟ ਮਾਮਲੇ ਵਿੱਚ ਅੱਜ ਵੀ ਵੱਡੇ ਖੁਲਾਸੇ ਕੀਤੇ ਗਏ ਹਨ। ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਪੁਲਿਸ ਨੂੰ 75 ਲੱਖ ਰੁਪਏ ਹੋਰ ਬਰਾਮਦ ਹੋ ਗਏ ਹਨ। ਪਿਛਲੇ ਦਿਨੀ ਪੁਲਿਸ ਨੇ 5 ਕਰੋੜ ਰੁਪਏ ਰਿਕਵਰ ਕੀਤੇ ਸਨ। ਜਿਹੜੇ ਅੱਜ ਪੈਸੇ ਬਰਾਮਦ ਹੋਏ ਹਨ ਇਹ ਸਾਰੀ ਰਕਮ ਦੋ ਮੁਲਜ਼ਮਾਂ ਤੋਂ ਫੜੀ ਗਈ ਹੈ। ਇਸ ਵਿੱਚ ਲੁੱਟ ਦੇ ਸਾਜਿਸ਼ਕਰਤਾ ਮਨਜਿੰਦਰ ਮਨੀ ਦੇ ਘਰੋਂ 50 ਲੱਖ ਰੁਪਏ ਬਰਾਮਦ ਹੋਏ ਹਨ ਅਤੇ 25 ਲੱਖ ਰੁਪਏ ਮੁਲਜ਼ਮ ਨਰਿੰਦਰ ਤੋਂ ਰਿਕਵਰ ਕੀਤੇ ਹਨ। ਨਰਿੰਦਰ ਨੇ ਇਹ ਪੈਸੇ ਇੱਕ ਸੇਫਟੀ ਟੈਂਕ ਵਿੱਚ ਲੁਕਾ ਕੇ ਰੱਖੇ ਹੋਏ ਸਨ। ਪੁਲਿਸ ਦੀ ਟੀਮ ਨਰਿੰਦਰ ਦੀ ਨਿਸ਼ਾਨਦੇਹੀ 'ਤੇ ਰੁਪਏ ਰਿਕਵਰ ਕਰਨ ਗਈ ਤਾਂ ਕਈ ਨੋਟ ਪਾਣੀ ਨਾਲ ਗਿੱਲੇ ਹੋਏ ਸਨ। ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਕਿਹਾ ਕਿ ਇਹਨਾਂ ਨੇ ਡਾਕਾ ਇੰਨਾ ਵੱਡਾ ਮਾਰ ਲਿਆ ਸੀ ਕਿ ਇਹਨਾਂ ਤੋਂ ਕੈਸ਼ ਨਹੀਂ ਸਾਂਭਿਆ ਜਾ ਰਿਹਾ ਸੀ ਕਿ ਇੰਨੀ ਵੱਡੀ ਰਕਮ ਨੂੰ ਸਾਂਭ ਕੇ ਕਿੱਥੇ ਰੱਖਣਾ ਹੈ। ਇਸੇ ਲਈ ਕਈਆਂ ਨੇ ਤਾਂ ਪੈਸੇ ਜ਼ਮੀਨ ਵਿੱਚ ਦੱਬ ਦਿੱਤੇ ਸਨ।
ਪੁਲਿਸ ਨੇ ਦੱਸਿਆ ਕਿ ਚੋਰੀ ਨੂੰ ਅੰਜਾਮ ਦੇਣ ਵਾਲੇ ਹੁਣ ਤੱਕ 6 ਜਣੇ ਗ੍ਰਿਫ਼ਤਾਰ ਹੋ ਗਏ ਹਨ ਅਤੇ ਬਾਕੀ ਚਾਰ ਲੁਟੇਰੇ ਹਾਲੇ ਵੀ ਫਰਾਰ ਹੈ। ਇਹਨਾਂ ਵਿੱਚ ਚੋਰੀ ਦੀ ਮੁੱਖ ਸਾਜਿਸ਼ਕਰਤਾ ਮੋਨਾ ਵੀ ਸ਼ਾਮਲ ਹੈ। ਪੁਲਿਸ ਨੂੰ ਇਹਨਾਂ ਚਾਰਾਂ ਲੁਟੇਰਿਆਂ ਦੇ ਦੱਖਣ ਭਾਰਤ ਵਿੱਚ ਲੁਕੇ ਹੋਣ ਦੇ ਇਨਪੁੱਟ ਵੀ ਮਿਲੇ ਹਨ। ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਸਾਡੀਆਂ 5 ਟੀਮਾਂ ਪੰਜਾਬ ਤੋਂ ਬਾਹਰ ਚੱਲ ਗਈਆਂ ਹਨ। ਇਸ ਤੋਂ ਪਹਿਲਾਂ ਰਾਜਸਥਾਨ, ਹਰਿਆਣਾ ਅਤੇ ਹਿਮਾਚਲ ਵਿੱਚ ਵੀ ਛਾਪੇਮਾਰੀ ਕੀਤੀ ਹੈ। ਚਾਰਾਂ ਲੁਟੇਰਿਆਂ ਦੇ ਹੁਣ ਦੱਖਣੀ ਭਾਰਤ ਵਿੱਚ ਹੋਣ ਦੀ ਜਾਣਕਾਰੀ ਮਿਲੀ ਹੈ ਤੇ ਜਲਦ ਹੀ ਸਾਡੀਆਂ ਟੀਮਾਂ ਇੱਧਰ ਰਵਾਨਾ ਹੋ ਜਾਣਗੀਆਂ। ਪੁਲਿਸ ਨੇ ਕਿਹਾ ਕਿ ਇਹਨਾਂ ਲੁਟੇਰਿਆਂ ਨੇ ਪੂਰੀ ਪਲਾਨਿੰਗ ਨਾਲ ਚੋਰੀ ਨੂੰ ਅੰਜਾਮ ਦਿੱਤਾ ਸੀ। ਇਹਨਾਂ ਸਾਰਿਆਂ ਨੇ ਇੱਕ ਡਰੈੱਸ ਕੋਡ ਵੀ ਰੱਖਿਆ ਸੀ ਤੇ ਚੋਰੀ ਵੇਲੇ ਇਹਨਾਂ ਸਾਰਿਆਂ ਨੇ ਕਾਲੇ ਰੰਗ ਕੱਪੜੇ ਪਾਏ ਹੋਏ ਸਨ ਤਾਂ ਜੋਂ ਰਾਤ ਵੇਲੇ ਇਹਨਾਂ ਦੀ ਗਤੀਵਿਧੀ ਘੱਟ ਨਜ਼ਰ ਆਵੇ। ਇੱਥੋਂ ਤੱਥ ਕਿ ਲੁੱਟ ਤੋਂ ਪਹਿਲਾਂ ਹੀ ਚੋਰਾਂ ਨੇ ਸੋਚ ਲਿਆ ਸੀ ਕਿ ਲੁੱਟ ਦੇ ਪੈਸੇ ਕਿੱਥੇ ਇਨਵੈੱਸਟ ਕਰਨੇ ਹਨ ਅਤੇ ਕਿਸ ਨੇ ਕਿਹੜਾ ਕੰਮ ਸ਼ੁਰੂ ਕਰਨਾ ਹੈ ਅਤੇ ਕਿੰਨੇ ਮੁਲਾਜ਼ਮਾਂ ਦਾ ਸਟਾਫ਼ ਰੱਖਣਾ ਹੈ।
ਪੁਲਿਸ ਦੇ ਘੇਰੇ ਵਿੱਚ ਹੁਣ ਕੈਸ਼ ਵੈਨ ਸਰਵਿਸ ਕੰਪਨੀ ਵੀ ਆ ਗਈ ਹੈ। ਪੁਲਿਸ ਨੇ ਸੀ.ਐਮ.ਐਸ ਕੰਪਨੀ ਤੋਂ ਹਿਸਾਬ ਕਿਤਾਬ ਦੀ ਸਾਰੀ ਰਿਪੋਰਟ ਤਲਬ ਕਰ ਲਈ ਹੈ ਅਤੇ ਕੰਪਨੀ ਨੂੰ ਦੋ ਦਿਨ ਦਾ ਸਮਾਂ ਦਿੱਤਾ ਗਿਆ ਹੈ। ਜੋ ਅੱਜ ਸ਼ਾਮ ਪੂਰਾ ਹੋ ਜਾਵੇਗਾ। ਪੁਲਿਸ ਨੇ ਕਿਹਾ ਕਿ ਕੰਪਨੀ ਨੂੰ ਪੈਸੇ ਕਿੱਥੋਂ, ਕਿਵੇਂ ਅਤੇ ਕਿੰਨੇ ਆਏ ਇਹ ਵੀ ਜਾਣਕਾਰੀ ਮੰਗੀ ਹੈ ਅਤੇ ਨਾਲ ਹੀ ਪੈਸੇ ਕਿਹੜੇ ਬੈਂਕ ਨੂੰ ਕਿੰਨੇ ਦਿੱਤੇ ਅਤੇ ਕਦੋਂ ਦਿੱਤੇ ਸਨ, ਇਸ ਬਾਰੇ ਵੀ ਪੁੱਛਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
