![ABP Premium](https://cdn.abplive.com/imagebank/Premium-ad-Icon.png)
Ludhiana News: ਲੁਧਿਆਣਾ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ, NCRB ਦੇ ਅੰਕੜਿਆਂ ਨੇ ਉਡਾਏ ਹੋਸ਼
Ludhiana News: ਪੰਜਾਬ ਦਾ ਮਾਨਚੈਸਟਰ ਕਹੇ ਜਾਣ ਵਾਲੇ ਲੁਧਿਆਣਾ ਸ਼ਹਿਰ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ ਸਾਹਮਣੇ ਆਇਆ ਹੈ। ਪੰਜਾਬ ਦੀ ਵਿੱਤੀ ਰਾਜਧਾਨੀ ਲੁਧਿਆਣਾ ਵਿੱਚ ਲੋਕ ਮੌਤ ਨੂੰ ਗਲੇ ਲਗਾ ਰਹੇ ਹਨ।
![Ludhiana News: ਲੁਧਿਆਣਾ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ, NCRB ਦੇ ਅੰਕੜਿਆਂ ਨੇ ਉਡਾਏ ਹੋਸ਼ suicide cases in Ludhiana district NCRB data has blown consciousness Ludhiana News: ਲੁਧਿਆਣਾ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ, NCRB ਦੇ ਅੰਕੜਿਆਂ ਨੇ ਉਡਾਏ ਹੋਸ਼](https://feeds.abplive.com/onecms/images/uploaded-images/2023/12/13/78877e258273bf76905b6304ddea0e071702434679975709_original.jpg?impolicy=abp_cdn&imwidth=1200&height=675)
Ludhiana News: ਪੰਜਾਬ ਦਾ ਮਾਨਚੈਸਟਰ ਕਹੇ ਜਾਣ ਵਾਲੇ ਲੁਧਿਆਣਾ ਸ਼ਹਿਰ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ ਸਾਹਮਣੇ ਆਇਆ ਹੈ। ਪੰਜਾਬ ਦੀ ਵਿੱਤੀ ਰਾਜਧਾਨੀ ਲੁਧਿਆਣਾ ਵਿੱਚ ਲੋਕ ਮੌਤ ਨੂੰ ਗਲੇ ਲਗਾ ਰਹੇ ਹਨ। ਇਹ ਖੁਲਾਸਾ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (NCRB) ਦੇ ਅੰਕੜਿਆਂ ਵਿੱਚ ਹੋਇਆ ਹੈ। ਲੁਧਿਆਣਾ ਜ਼ਿਲ੍ਹੇ ਵਿੱਚ ਖ਼ੁਦਕੁਸ਼ੀ ਦੇ ਮਾਮਲਿਆਂ ਵਿੱਚ 5.5 ਫ਼ੀਸਦੀ ਵਾਧਾ ਹੋਇਆ ਹੈ। ਇਹ ਅੰਕੜੇ ਹੋਸ਼ ਉਡਾ ਦੇਣ ਵਾਲੇ ਹਨ।
ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੀ ਰਿਪੋਰਟ ਅਨੁਸਾਰ 2022 ਵਿੱਚ ਜ਼ਿਲ੍ਹੇ ਵਿੱਚ ਕੁੱਲ 324 ਲੋਕਾਂ ਨੇ ਖੁਦਕੁਸ਼ੀ ਕੀਤੀ। ਇਨ੍ਹਾਂ 'ਚੋਂ 62 ਫੀਸਦੀ ਬੀਮਾਰੀ ਤੋਂ ਪੀੜਤ ਲੋਕਾਂ ਨੇ ਮੌਤ ਨੂੰ ਚੁਣਿਆ। ਬਿਮਾਰ ਲੋਕਾਂ ਵਿੱਚ 62 ਪੁਰਸ਼ ਤੇ 41 ਔਰਤਾਂ ਸ਼ਾਮਲ ਹਨ। ਯਾਦ ਰਹੇ ਪ੍ਰਦੂਸ਼ਣ ਕਾਰਨ ਲੁਧਿਆਣਾ ਵਿੱਚ ਬਿਮਾਰੀਆਂ ਦਾ ਗ੍ਰਾਫ ਹਮੇਸ਼ਾਂ ਹੀ ਉੱਪਰ ਰਹਿੰਦਾ ਹੈ।
ਰਿਪਰੋਟ ਮੁਤਾਬਕ ਸਾਲ 2021 ਦੇ ਮੁਕਾਬਲੇ 2022 ਵਿੱਚ ਸ਼ਹਿਰ ਵਿੱਚ ਵੱਧ ਖੁਦਕੁਸ਼ੀਆਂ ਹੋਈਆਂ। 2022 ਵਿੱਚ 253 ਪੁਰਸ਼ ਤੇ 71 ਔਰਤਾਂ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕੀਤੀ। 2021 'ਚ 71 ਔਰਤਾਂ ਸਮੇਤ 307 ਲੋਕਾਂ ਨੇ ਮੌਤ ਨੂੰ ਗਲੇ ਲਗਾਇਆ, ਜਦਕਿ 2020 'ਚ 91 ਔਰਤਾਂ ਸਮੇਤ 355 ਲੋਕਾਂ ਨੇ ਖੁਦਕੁਸ਼ੀ ਕੀਤੀ। 2019 ਵਿੱਚ ਖੁਦਕੁਸ਼ੀ ਦੇ ਮਾਮਲਿਆਂ ਦੀ ਗਿਣਤੀ 254 ਸੀ। ਜਦੋਂਕਿ 2018 ਵਿੱਚ ਇਹ ਗਿਣਤੀ 194 ਸੀ।
ਰਿਪੋਰਟ ਮੁਤਾਬਕ 2022 ਵਿੱਚ ਦੋ ਲੋਕਾਂ ਨੇ ਬੇਰੁਜ਼ਗਾਰੀ ਕਾਰਨ ਤੇ 13 ਨੇ ਪੇਸ਼ੇਵਰ ਜਾਂ ਕਰੀਅਰ ਦੀਆਂ ਸਮੱਸਿਆਵਾਂ ਕਾਰਨ ਖੁਦਕੁਸ਼ੀ ਕੀਤੀ। ਪੰਜ ਲੋਕਾਂ ਨੇ ਦੀਵਾਲੀਆਪਨ ਜਾਂ ਕਰਜ਼ੇ ਕਾਰਨ ਖੁਦਕੁਸ਼ੀ ਕੀਤੀ। ਸਭ ਤੋਂ ਹੈਰਾਨ ਕਰਨ ਵਾਲਾ ਅੰਕੜਾ ਹੈ ਕਿ 15 ਔਰਤਾਂ ਸਮੇਤ 28 ਲੋਕਾਂ ਨੇ ਵਿਆਹ-ਸ਼ਾਦੀਆਂ ਨੂੰ ਲੈ ਕੇ ਖੁਦਕੁਸ਼ੀ ਕਰ ਲਈ। ਇਹੀ ਲੁਧਿਆਣਾ ਦੀ ਚਕਾਚੌਂਧ ਜ਼ਿੰਦਗੀ ਦਾ ਕਾਲਾ ਸੱਚ ਬਿਆਨ ਕਰਨ ਵਾਲਾ ਅੰਕੜਾ ਹੈ।
ਅੰਕੜਿਆਂ ਮੁਤਾਬਕ ਪੰਜ ਲੜਕੀਆਂ ਸਮੇਤ ਸੱਤ ਲੋਕਾਂ ਨੇ ਪ੍ਰੀਖਿਆ ਵਿੱਚ ਫੇਲ੍ਹ ਹੋਣ ਕਾਰਨ ਖੁਦਕੁਸ਼ੀ ਕਰ ਲਈ। ਇੱਕ ਵਿਅਕਤੀ ਨੇ ਨਿਪੁੰਸਕਤਾ/ਬਾਂਝਪਨ ਕਾਰਨ ਖੁਦਕੁਸ਼ੀ ਕੀਤੀ, ਪੰਜ ਮਰਦਾਂ ਤੇ ਇੱਕ ਔਰਤ ਨੇ ਪਰਿਵਾਰਕ ਸਮੱਸਿਆਵਾਂ ਕਾਰਨ ਖੁਦਕੁਸ਼ੀ ਕੀਤੀ। ਪਰਿਵਾਰਕ ਮੈਂਬਰਾਂ ਦੀ ਮੌਤ ਤੋਂ ਬਾਅਦ ਔਰਤ ਸਮੇਤ ਚਾਰ ਵਿਅਕਤੀਆਂ ਨੇ ਖੁਦਕੁਸ਼ੀ ਕਰ ਲਈ। ਨਸ਼ੇ ਤੇ ਸ਼ਰਾਬ ਦੀ ਲਤ ਕਾਰਨ 12 ਵਿਅਕਤੀਆਂ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ।
ਇਸੇ ਤਰ੍ਹਾਂ 4 ਖੁਦਕੁਸ਼ੀਆਂ ਦਾ ਕਾਰਨ ਪ੍ਰੇਮ ਸਬੰਧ ਸਨ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਗਰੀਬੀ ਕਾਰਨ 9 ਪੁਰਸ਼ ਤੇ 2 ਔਰਤਾਂ ਨੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ, ਜਦਕਿ 13 ਪੁਰਸ਼ਾਂ ਨੇ ਜਾਇਦਾਦ ਦੇ ਝਗੜੇ ਕਾਰਨ ਖੁਦਕੁਸ਼ੀ ਕੀਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)