Punjab News: ਮੀਟਰ ਰੀਡਰ ਦਾ ਕਾਰਾ, 600 ਯੂਨਿਟ ਬਿਜਲੀ ਮੁਫ਼ਤ ਦੇਣ ਦੇ ਚੱਕਰਾਂ 'ਚ ਦੋ ਪਰਿਵਾਰਾਂ ਨਾਲ ਕਰ ਦਿੱਤਾ ਆਹ ਕੰਮ
Meter reader - ਪਟਿਆਲਾ ਮੁੱਖ ਦਫ਼ਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ ਜਦੋਂ ਜਲੰਧਰ ਵਿੱਚ ਇੱਕ ਘਰੇਲੂ ਖਾਤਾ ਨੰਬਰ 3001379219 ਦੀ ਮੀਟਰ ਰੀਡਿੰਗ ਚੈੱਕ ਕੀਤੀ ਗਈ ਤਾਂ ਰੀਡਿੰਗ 15912 ਪਾਈ ਗਈ ਜਦੋਂਕਿ ਕੰਪਨੀ ਦੇ ਰਿਕਾਰਡ ਵਿੱਚ ਨਵਜੀਤ ਦੀ ਰੀਡਿੰਗ
ਪਟਿਆਲਾ ਪਾਵਰਕਾਮ ਦੇ ਇਨਫੋਰਸਮੈਂਟ ਵਿੰਗ ਨੇ ਲੁਧਿਆਣਾ ਅਤੇ ਜਲੰਧਰ ਵਿੱਚ ਅਚਨਚੇਤ ਚੈਕਿੰਗ ਕਰਦੇ ਹੋਏ ਖਪਤਕਾਰਾਂ ਦੇ ਰਿਕਾਰਡ ਦੀ ਜਾਂਚ ਕੀਤੀ। ਚੈਕਿੰਗ ਦੌਰਾਨ ਗਲਤ ਮੀਟਰ ਰੀਡਿੰਗ ਦਰਜ ਕਰਨ ਵਾਲੇ ਆਊਟਸੋਰਸ ਬਿਲਿੰਗ ਕੰਪਨੀ ਦੇ ਮੀਟਰ ਰੀਡਰ ਨਵਜੀਤ ਅਤੇ ਬੌਬੀ ਸ਼ਰਮਾ ਨੂੰ ਨੌਕਰੀ ਤੋਂ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਇਨ੍ਹਾਂ ਦੋਵਾਂ ਨੇ 600 ਯੂਨਿਟ ਤੋਂ ਘੱਟ ਬਿਜਲੀ ਦੀ ਵਰਤੋਂ ਕਰਨ ਵਾਲੇ ਖਪਤਕਾਰਾਂ ਨੂੰ ਬਿੱਲ ਮੁਆਫੀ ਦਾ ਲਾਭ ਦੇਣ ਲਈ ਹੇਰਾਫੇਰੀ ਕੀਤੀ ਸੀ। ਚੈਕਿੰਗ ਦੌਰਾਨ ਟੀਮ ਨੇ ਲੁਧਿਆਣਾ ਅਤੇ ਜਲੰਧਰ ਖੇਤਰਾਂ ਵਿੱਚ ਆਊਟ ਸੋਰਸ ਮੀਟਰ ਰੀਡਰਾਂ ਵੱਲੋਂ ਲਏ ਗਏ ਮੀਟਰ ਰੀਡਿੰਗ ਦੇ ਰਿਕਾਰਡ ਦੀ ਜਾਂਚ ਕੀਤੀ।
ਇੰਜਨੀਅਰ ਹੀਰਾ ਲਾਲ ਗੋਇਲ, ਚੀਫ ਇੰਜਨੀਅਰ ਇਨਫੋਰਸਮੈਂਟ, ਪਟਿਆਲਾ ਨੇ ਦੱਸਿਆ ਕਿ ਅਪਰੈਲ 2022 ਤੋਂ ਜੁਲਾਈ 2023 ਤੱਕ ਲੁਧਿਆਣਾ ਨੰਬਰ ਅੱਠ ਸਕੁਐਡ, ਸੈਂਟਰਲ ਜ਼ੋਨ, ਲੁਧਿਆਣਾ ਨੰਬਰ ਚਾਰ ਸਰਕਲ ਦੇ ਰਿਕਾਰਡ ਦੀ ਜਾਂਚ ਕੀਤੀ ਗਈ। ਇੱਥੇ ਪ੍ਰਾਈਵੇਟ ਬਿਲਿੰਗ ਕੰਪਨੀ ਦੇ ਮੀਟਰ ਰੀਡਰ ਸਰਕਲ ਨੰਬਰ ਦੋ ਅਤੇ ਜ਼ੋਨਲ ਮੈਨੇਜਰ ਨੰਬਰ ਇੱਕ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਪਟਿਆਲਾ ਮੁੱਖ ਦਫ਼ਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ ਜਦੋਂ ਜਲੰਧਰ ਵਿੱਚ ਇੱਕ ਘਰੇਲੂ ਖਾਤਾ ਨੰਬਰ 3001379219 ਦੀ ਮੀਟਰ ਰੀਡਿੰਗ ਚੈੱਕ ਕੀਤੀ ਗਈ ਤਾਂ ਰੀਡਿੰਗ 15912 ਪਾਈ ਗਈ ਜਦੋਂਕਿ ਕੰਪਨੀ ਦੇ ਰਿਕਾਰਡ ਵਿੱਚ ਨਵਜੀਤ ਦੀ ਰੀਡਿੰਗ 15821 ਪਾਈ ਗਈ। ਇਸੇ ਤਰ੍ਹਾਂ ਇਕ ਹੋਰ ਘਰੇਲੂ ਖਾਤਾ ਨੰਬਰ 3001379262 ਚੈੱਕ ਕੀਤਾ ਗਿਆ, ਜਿਸ ਦੀ ਰੀਡਿੰਗ 2417 ਸੀ ਪਰ ਕੰਪਨੀ ਦੇ ਰਿਕਾਰਡ ਵਿਚ ਇਹ 2315 ਦਰਜ ਸੀ।
ਜਦੋਂ ਕਿ ਰੀਡਰ ਬੌਬੀ ਸ਼ਰਮਾ ਵੱਲੋਂ ਘਰੇਲੂ ਖਪਤਕਾਰ ਕਾਰ 3001384136 ਦੀ ਰੀਡਿੰਗ 37707 ਸੀ ਪਰ ਇਹ 37642 ਦਰਜ ਕੀਤੀ ਗਈ। ਦੋਵਾਂ ਰੀਡਰਾਂ ਦੇ ਰਿਕਾਰਡ ਵਿੱਚ 61, 102 ਅਤੇ 65 ਯੂਨਿਟਾਂ ਦੀ ਹੇਰਾਫੇਰੀ ਹੋਈ। ਇਸ ਹੇਰਾਫੇਰੀ ਦਾ ਉਦੇਸ਼ ਖਪਤਕਾਰਾਂ ਨੂੰ 600 ਯੂਨਿਟਾਂ ਦੀ ਮੁਆਫੀ ਸੀਮਾ ਦੇ ਅੰਦਰ ਲਿਆਉਣਾ ਸੀ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
Join Our Official Telegram Channel : -
https://t.me/abpsanjhaofficial
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
