Patiala News: ਹੁਣ ਤੁਸੀਂ ਘਰਾਂ 'ਚ ਵੀ ਨਹੀਂ ਸੁਰੱਖਿਅਤ! ਦਿਨ-ਦਿਹਾੜੇ ਘਰ 'ਚ ਦਖਲ ਹੋ ਪਹਿਲਾਂ ਔਰਤ ਦੇ ਪੈਰੀਂ ਹੱਥ ਲਾਏ, ਫਿਰ ਕਰ ਦਿੱਤਾ ਖਤਰਨਾਕ ਕਾਰਾ
Patiala News: ਪੰਜਾਬ ਦੇ ਹਾਲਾਤ ਇਹ ਬਣਦੇ ਜਾ ਰਹੇ ਹਨ ਕਿ ਲੋਕ ਘਰਾਂ ਵਿੱਚ ਵੀ ਸੁਰੱਖਿਅਤ ਮਹਿਸੂਸ ਨਹੀਂ ਕਰ ਰਹੇ। ਲੁਟੇਰੇ ਦਿਨ-ਦਿਹਾੜੇ ਘਰਾਂ ਵਿੱਚ ਲੁੱਟ ਨੂੰ ਅੰਜ਼ਾਮ ਦੇਣ ਲੱਗੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਪਟਿਆਲਾ ਵਿੱਚ ਸਾਹਮਣੇ ਆਇਆ।
Patiala News: ਪੰਜਾਬ ਦੇ ਹਾਲਾਤ ਇਹ ਬਣਦੇ ਜਾ ਰਹੇ ਹਨ ਕਿ ਲੋਕ ਘਰਾਂ ਵਿੱਚ ਵੀ ਸੁਰੱਖਿਅਤ ਮਹਿਸੂਸ ਨਹੀਂ ਕਰ ਰਹੇ। ਲੁਟੇਰੇ ਦਿਨ-ਦਿਹਾੜੇ ਘਰਾਂ ਵਿੱਚ ਲੁੱਟ ਨੂੰ ਅੰਜ਼ਾਮ ਦੇਣ ਲੱਗੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਪਟਿਆਲਾ ਵਿੱਚ ਸਾਹਮਣੇ ਆਇਆ। ਇੱਥੇ ਸ਼ਹਿਰ ਵਿਚਲੇ ਸੈਂਚਰੀ ਐਨਕਲੇਵ ’ਚ ਇੱਕ ਨੌਜਵਾਨ ਨੇ ਮਹਿਲਾ ਦੀ ਤਿੰਨ ਤੋਲੇ ਦੀ ਸੋਨੇ ਦੀ ਚੇਨ ਝਪਟ ਲਈ ਤੇ ਫਰਾਰ ਹੋ ਗਿਆ।
ਹੈਰਾਨੀ ਦੀ ਗੱਲ ਹੈ ਕਿ ਇਸ ਘਟਨਾ ਨੂੰ ਝਪਟਮਾਰ ਨੇ ਬੜੇ ਨਾਟਕੀ ਢੰਗ ਨਾਲ ਅੰਜਾਮ ਦਿੱਤਾ। ਜਦੋਂ ਉਹ ਕੋਠੀ ਨੰਬਰ 55 ਬੀ ’ਚ ਦਾਖਲ ਹੋਇਆ ਤਾਂ ਜਸਬੀਰ ਕੌਰ ਨਾਮਕ ਮਹਿਲਾ ਆਪਣੇ ਆਪਣੀਆਂ ਪੋਤੀਆਂ ਨਾਲ ਵਿਹੜੇ ’ਚ ਬੈਠੀ ਧੁੱਪ ਸੇਕ ਰਹੀ ਸੀ। ਘਰ ’ਚ ਦਾਖ਼ਲ ਹੋਣ ਮਗਰੋਂ ਉਸ ਨੇ ਪਰਿਵਾਰ ਦੇ ਕਿਸੇ ਜਾਣਕਾਰ ਵੱਲੋਂ ਭੇਜਿਆ ਹੋਣ ਦਾ ਹਵਾਲਾ ਦਿੰਦਿਆਂ ਪੈਰੀਂ ਹੱਥ ਲਗਾ ਕੇ ਗੱਲ ਸ਼ੁਰੂ ਕੀਤੀ ਤੇ ਕੋਠੀ ’ਚ ਲਾਏ ਪੱਥਰ ਬਾਰੇ ਪੁੱਛਣ ਲੱਗਿਆ।
ਇਸ ’ਤੇ ਜਸਵੀਰ ਕੌਰ ਨੇ ਜਿਉਂ ਹੀ ਨਿਗਾਹ ਦੂਜੇ ਪਾਸੇ ਕੀਤੀ, ਤਾਂ ਫੁਰਤੀ ਨਾਲ ਉਹ ਸੋਨੇ ਦੀ ਚੇਨੀ ਝਪਟ ਕੇ ਫਰਾਰ ਹੋ ਗਿਆ। ਰੌਲ਼ਾ ਪਾਉਣ ’ਤੇ ਭਾਵੇਂ ਅੰਦਰ ਬੈਠੇ ਪੁਰਸ਼ ਮੈਂਬਰ ਵੀ ਵਿਹੜੇ ’ਚ ਆ ਗਏ ਸਨ, ਪਰ ਉਦੋਂ ਤੱਕ ਝਪਟਮਾਰ ਕੋਠੀ ਦੇ ਬਾਹਰ ਖੜ੍ਹੇ ਆਪਣੀ ਸਾਥੀ ਦੇ ਨਾਲ਼ ਮੋਟਰਸਾਈਕਲ ’ਤੇ ਫਰਾਰ ਹੋ ਗਿਆ।
ਇਹ ਘਟਨਾ ਘਰ ’ਚ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਵੀ ਕੈਦ ਹੋ ਗਈ। ਪਰਿਵਾਰ ਵੱਲੋਂ ਪੁਲਿਸ ਦੀ ਸਹਿਮਤੀ ਨਾਲ਼ ਇਹ ਵੀਡੀਓ ਵਾਇਰਲ ਵੀ ਕਰ ਦਿੱਤੀ ਗਈ। ਥਾਣਾ ਸਿਵਲ ਲਾਈਨ ਦੇ ਮੁਖੀ ਜਸਪ੍ਰੀਤ ਸਿੰਘ ਕਾਹਲ਼ੋਂ ਨੇ ਦੱਸਿਆ ਕਿ ਦੋ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ: Viral Video: ਇਨਸਾਨਾਂ ਵਾਂਗ ਸੜਕ 'ਤੇ ਤੁਰਦਾ ਦੇਖਿਆ ਅਜੀਬ ਜਾਨਵਰ, ਇਹ ਨਾ ਤਾਂ ਬਘਿਆੜ ਹੈ ਤੇ ਨਾ ਹੀ ਲੂੰਬੜੀ, ਦੋਖ ਕੇ ਹੋ ਜਾਓਗੇ ਹੈਰਾਨ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਤੇ ਡੇਲੀਹੰਟ 'ਤੇ ਵੀ ਫੌਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
