ਸੁਸ਼ਾਂਤ ਸਿੰਘ ਨਾਲ ਹੁਣ ‘ਛਿਛੋਰੇ’ ਬਣਗੇ ਆਮਿਰ ਖ਼ਾਨ

ਮੁੰਬਈ: ਜਲਦੀ ਹੀ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਫ਼ਿਲਮ ‘ਛਿਛੋਰੇ’ ਰਿਲੀਜ਼ ਹੋਣ ਵਾਲੀ ਹੈ ਜਿਸ ਦੀ ਪਹਿਲੀ ਝਲਕ ਡਾਇਰੈਕਟਰ ਨੀਤੇਸ਼ ਤਿਵਾਰੀ ਨੇ ਕੁਝ ਮਹੀਨੇ ਪਹਿਲਾਂ ਰਿਲੀਜ਼ ਕੀਤੀ ਸੀ। ਫ਼ਿਲਮ ਦੇ ਫਸਟ ਲੁੱਕ ਨੂੰ ਲੋਕਾਂ ਦਾ ਚੰਗਾ ਹੁੰਗਾਰਾ ਮਿਲੀਆ ਸੀ। ਹੁਣ ਫ਼ਿਲਮ ਨਾਲ ਜੁੜੀ ਇੱਕ ਹੋਰ ਖ਼ਬਰ ਹੈ ਜਿਸ ਨੂੰ ਜਾਣ ਕੇ ਤੁਸੀਂ ਇਸ ਫ਼ਿਲਮ ਨੂੰ ਦੇਖਣ ਲਈ ਹੋਰ ਵੀ ਐਕਸਾਈਟੀਡ ਹੋ ਜਾਓਗੇ। ਜੀ ਹਾਂ, ਖ਼ਬਰ ਹੈ ਕਿ ਫ਼ਿਲਮ ‘ਚ ਆਮਿਰ ਖ਼ਾਨ ਦੀ ਐਂਟਰੀ ਹੋ ਰਹੀ ਹੈ। ਜੋ ‘ਛਿਛੋਰੇ’ ‘ਚ ਕੈਮਿਓ ਰੋਲ ਕਰਦੇ ਨਜ਼ਰ ਆਉਣਗੇ। ਆਮਿਰ ਇਸ ਤੋਂ ਪਹਿਲਾਂ ਵੀ ਨਿਤੇਸ਼ ਤਿਵਾਰੀ ਨਾਲ ਫ਼ਿਲਮ ‘ਦੰਗਲ’ ਕਰ ਚੁੱਕੇ ਹਨ ਜਿਸ ਨੇ ਬਾਕਸਆਫਿਸ ‘ਤੇ ਕਾਫੀ ਚੰਗੀ ਕਮਾਈ ਕੀਤੀ ਸੀ। ਦੰਗਲ ਤੋਂ ਬਾਅਦ ਨਿਤੇਸ਼, ਆਮਿਰ ਕੋਲ ‘ਛਿਛੋਰੇ’ ‘ਚ ਕੈਮਿਓ ਰੋਲ ਦਾ ਆਫਰ ਲੈ ਕੇ ਗਏ ਸੀ ਜਿਸ ਦਾ ਆਈਡਿਆ ਆਮਿਰ ਨੂੰ ਕਾਫੀ ਪਸੰਦ ਆਇਆ ਅਤੇ ਉਹ ਫ਼ਿਲਮ ‘ਚ ਕੰਮ ਕਰਨ ਲਈ ਐਕਸਾਈਟੀਡ ਹੋ ਗਏ। ਸਾਰੀ ਫਾਰਮੈਲਟੀਜ਼ ਪੂਰੀ ਹੋਣ ਤੋਂ ਬਾਅਦ ਹੀ ਇਸ ਗੱਲ ਦਾ ਐਲਾਨ ਕੀਤਾ ਜਾਵੇਗਾ।