ਰਣਜੀਤ ਬਾਵਾ ਤੇ ਰੇਸ਼ਮ ਅਨਮੋਲ ਤੋਂ ਬਾਅਦ ਕੰਗਨਾ ਨੇ ਹੁਣ ਇਸ ਗਾਇਕਾ ਨੂੰ ਕੀਤਾ ਬਲੌਕ

ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦੀ ਟਵਿੱਟਰ ਬਲੌਕ ਲਿਸਟ ਵਿੱਚ ਇੱਕ ਹੋਰ ਨਾਮ ਜੁੜ ਗਿਆ ਹੈ। ਸੋਸ਼ਲ ਮੀਡੀਆ 'ਤੇ ਸਿਲੈਕਟਿਵ ਫੈਮਾਨਿਜ਼ਮ ਦੀ ਬਹਿਸ ਤੋਂ ਬਾਅਦ ਕੰਗਨਾ ਰਣੌਤ ਨੇ ਗਾਇਕਾ ਸੋਨਾ ਮਹਾਪਾਤਰਾ ਨੂੰ ਆਪਣੇ ਟਵਿੱਟਰ ਅਕਾਊਂਟ ਤੋਂ ਬਲੌਕ ਕਰ ਦਿੱਤਾ ਹੈ। ਇਸ 'ਤੇ ਸੋਨਾ ਮਹਾਪਾਤਰਾ ਨੇ ਕਿਹਾ ਕੰਗਨਾ ਹਰ ਕਿਸੇ ਦੀ ਨਿੰਦਾ ਕਰਨਾ ਚਾਹੁੰਦੀ ਹੈ, ਪਰ ਉਸ ਨੂੰ ਇਹ ਨਹੀਂ ਪਤਾ ਕਿ ਦੁਨੀਆ ਪ੍ਰਾਪਤੀ ਦੇ ਕੰਮ ਕਰਦੀ ਹੈ।

ਚੰਡੀਗੜ੍ਹ: ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦੀ ਟਵਿੱਟਰ ਬਲੌਕ ਲਿਸਟ ਵਿੱਚ ਇੱਕ ਹੋਰ ਨਾਮ ਜੁੜ ਗਿਆ ਹੈ। ਸੋਸ਼ਲ ਮੀਡੀਆ 'ਤੇ ਸਿਲੈਕਟਿਵ ਫੈਮਾਨਿਜ਼ਮ ਦੀ ਬਹਿਸ ਤੋਂ ਬਾਅਦ ਕੰਗਨਾ ਰਣੌਤ ਨੇ ਗਾਇਕਾ ਸੋਨਾ ਮਹਾਪਾਤਰਾ ਨੂੰ ਆਪਣੇ ਟਵਿੱਟਰ ਅਕਾਊਂਟ ਤੋਂ ਬਲੌਕ ਕਰ ਦਿੱਤਾ ਹੈ। ਇਸ 'ਤੇ ਸੋਨਾ ਮਹਾਪਾਤਰਾ ਨੇ ਕਿਹਾ ਕੰਗਨਾ ਹਰ ਕਿਸੇ ਦੀ ਨਿੰਦਾ ਕਰਨਾ ਚਾਹੁੰਦੀ ਹੈ, ਪਰ ਉਸ ਨੂੰ ਇਹ ਨਹੀਂ ਪਤਾ ਕਿ ਦੁਨੀਆ ਪ੍ਰਾਪਤੀ ਦੇ ਕੰਮ ਕਰਦੀ ਹੈ।

ਸੋਨਾ ਮਹਾਪਾਤਰਾ ਨੇ ਕਿਹਾ ਕਿ ਕੰਗਨਾ ਕਦੇ ਕਿਸੇ ਲਈ ਖੜ੍ਹੀ ਨਹੀਂ ਹੁੰਦੀ, ਪਰ ਜੋ ਉਸ ਲਈ ਖੜ੍ਹਾ ਹੁੰਦਾ, ਉਹ ਉਸ ਦਾ ਹੌਸਲਾ ਕਦੇ ਵੀ ਨਹੀਂ ਵਧਾਉਂਦੀ। ਸੋਨਾ ਮਹਾਪਾਤਰਾ ਨੂੰ ਇਨ੍ਹਾਂ ਗੱਲਾਂ ਦਾ ਜਵਾਬ ਕੰਗਨਾ ਨੇ ਨਹੀਂ ਬਲਕਿ ਉਸ ਦੀ ਭੈਣ ਰੰਗੋਲੀ ਨੇ ਦਿੱਤਾ। ਰੰਗੋਲੀ ਨੇ ਲਿਖਿਆ, ਉਹ ਸੋਨਾ ਮਹਾਪਾਤਰਾ ਨੂੰ ਜਾਣਦੀ ਹੀ ਨਹੀਂ ਕਿ ਉਹ ਕੌਣ ਹੈ ਤੇ ਕੀ ਕੰਮ ਕਰਦੀ ਹੈ। ਇਸ ਲਈ ਕੰਗਨਾ ਤੁਹਾਡੇ ਨਾਲ ਕਿਸ ਬਾਰੇ ਗੱਲ ਕਰੇ।

ਕੰਗਨਾ ਰਣੌਤ ਨੇ ਇਸ ਦਾ ਜਵਾਬ ਸੋਨਾ ਮਹਾਪਾਤਰਾ ਨੂੰ ਬਲੌਕ ਕਰਕੇ ਜ਼ਰੂਰ ਦਿੱਤਾ ਹੈ। ਇਸ ਤੋਂ ਪਹਿਲਾ ਵੀ ਕੰਗਨਾ ਰਣੌਤ ਨੇ ਪੰਜਾਬੀ ਗਾਇਕ ਰਣਜੀਤ ਬਾਵਾ ਤੇ ਰੇਸ਼ਮ ਸਿੰਘ ਅਨਮੋਲ ਨੂੰ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਬਲੌਕ  ਕੀਤਾ ਸੀ ਕਿਉਂਕਿ ਖੇਤੀ ਐਕਟ 'ਤੇ ਕੰਗਨਾ ਦੇ ਕਮੈਂਟ 'ਤੇ ਰਣਜੀਤ ਬਾਵਾ ਤੇ ਰੇਸ਼ਮ ਅਨਮੋਲ ਨੇ ਉਸ ਦੀ ਨਿੰਦਾ ਕੀਤੀ ਸੀ। ਇਸ ਤੋਂ ਬਾਅਦ ਕੰਗਨਾ ਨੇ ਉਨ੍ਹਾਂ ਦੋਵਾਂ ਨੂੰ ਟਵਿੱਟਰ ਅਕਾਊਂਟ ਤੋਂ ਬਲੌਕ ਕੀਤਾ ਸੀ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ