Amitabh Bachchan: 32 ਸਾਲ ਬਾਅਦ ਅਮਿਤਾਭ ਬੱਚਨ-ਰਜਨੀਕਾਂਤ ਮੁੜ ਵੱਡੇ ਪਰਦੇ 'ਤੇ ਇਕੱਠੇ ਆਉਣਗੇ ਨਜ਼ਰ, ਜਾਣੋ ਕਿਹੜੀ ਹੈ ਉਹ ਫਿਲਮ
Amitabh Bachchan-Rajnikanth in Thalaivar 170: ਇਕ ਪੋਰਟਲ ਦੀ ਰਿਪੋਰਟ ਮੁਤਾਬਕ ਅਮਿਤਾਭ ਬੱਚਨ ਨੂੰ ਰਜਨੀਕਾਂਤ ਦੀ ਥਲਾਈਵਰ 170 'ਚ ਵੀ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ ਅਜੇ ਤੱਕ ਇਸ ਦੀ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।
Amitabh Bachchan-Rajnikanth in Thalaivar 170: ਰਜਨੀਕਾਂਤ ਪਿਛਲੇ ਕੁਝ ਸਮੇਂ ਤੋਂ ਆਪਣੀ ਫਿਲਮ 'ਥਲਾਈਵਰ 170' ਨੂੰ ਲੈ ਕੇ ਚਰਚਾ 'ਚ ਹਨ। ਫਿਲਮ ਨੂੰ ਲੈ ਕੇ ਅਕਸਰ ਤਰ੍ਹਾਂ-ਤਰ੍ਹਾਂ ਦੇ ਅਪਡੇਟਸ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਹੁਣ ਇੱਕ ਫਿਲਮ ਨਾਲ ਜੁੜੀ ਅਜਿਹੀ ਖਬਰ ਸਾਹਮਣੇ ਆ ਰਹੀ ਹੈ, ਜਿਸ ਨੂੰ ਸੁਣ ਕੇ ਬਾਲੀਵੁੱਡ ਫੈਨਜ਼ ਖੁਸ਼ ਹੋ ਜਾਣਗੇ। ਇੰਡੀਆ ਟੂਡੇ ਦੀ ਰਿਪੋਰਟ ਮੁਤਾਬਕ ਭਾਰਤੀ ਸਿਨੇਮਾ ਦੇ ਦੋ ਸੁਪਰਸਟਾਰ ਅਮਿਤਾਭ ਬੱਚਨ ਅਤੇ ਰਜਨੀਕਾਂਤ ਇਕ ਵਾਰ ਫਿਰ ਵੱਡੇ ਪਰਦੇ 'ਤੇ ਨਜ਼ਰ ਆਉਣ ਵਾਲੇ ਹਨ। ਦੋਵਾਂ ਨੇ ਇਕੱਠੇ 'ਹਮ', 'ਅੰਧਾ ਕਾਨੂੰਨ', 'ਗਿਰਫਤਾਰ' ਵਰਗੀਆਂ ਫਿਲਮਾਂ ਕੀਤੀਆਂ ਹਨ। ਹੁਣ ਦੋਵੇਂ ਕਰੀਬ 32 ਸਾਲਾਂ ਬਾਅਦ 'ਥਲਾਈਵਰ 170' 'ਚ ਨਜ਼ਰ ਆ ਸਕਦੇ ਹਨ।
ਇਹ ਵੀ ਪੜ੍ਹੋ: ਪੰਜਾਬੀ ਗਾਇਕ ਜੱਸੀ ਗਿੱਲ ਦੇ ਘਰ ਆਈ ਖੁਸ਼ੀ, ਦੂਜੀ ਵਾਰ ਬਣੇ ਪਿਤਾ, ਪਤਨੀ ਨੇ ਬੇਟੇ ਨੂੰ ਦਿੱਤਾ ਜਨਮ
ਰਜਨੀਕਾਂਤ ਨੇ ਹਾਲ ਹੀ 'ਚ ਆਪਣੀ ਫਿਲਮ 'ਜੇਲਰ' ਦੀ ਸ਼ੂਟਿੰਗ ਖਤਮ ਕੀਤੀ ਹੈ ਅਤੇ ਹੁਣ 'ਲਾਲ ਸਲਾਮ' 'ਤੇ ਕੰਮ ਕਰ ਰਹੇ ਹਨ। ਇਸ ਤੋਂ ਬਾਅਦ ਰਜਨੀਕਾਂਤ 'ਜੈ ਭੀਮ' ਫੇਮ ਨਿਰਦੇਸ਼ਕ ਟੀਜੇ ਗੁਣਾਨਵੇਲ ਦੀ ਫਿਲਮ 'ਥਲਾਈਵਰ 170' ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਇਹ ਰਜਨੀਕਾਂਤ ਦੇ ਕਰੀਅਰ ਦੀ 170ਵੀਂ ਫਿਲਮ ਹੋਵੇਗੀ, ਇਸ ਲਈ ਇਸ ਦਾ ਨਾਂ 'ਥਲਾਈਵਰ 170' ਰੱਖਿਆ ਗਿਆ ਹੈ।
ਪੋਰਟਲ ਦੀ ਰਿਪੋਰਟ ਮੁਤਾਬਕ ਇਸ ਨੂੰ ਲਾਇਕਾ ਪ੍ਰੋਡਕਸ਼ਨ ਦੁਆਰਾ ਪ੍ਰੋਡਿਊਸ ਕੀਤਾ ਜਾਵੇਗਾ ਅਤੇ ਲਗਭਗ 32 ਸਾਲਾਂ ਬਾਅਦ ਬਿੱਗ ਬੀ ਅਤੇ ਰਜਨੀਕਾਂਤ ਵੱਡੇ ਪਰਦੇ 'ਤੇ ਇਕੱਠੇ ਨਜ਼ਰ ਆਉਣਗੇ।
View this post on Instagram
'ਥਲਾਈਵਰ 170' 'ਚ ਹੋ ਸਕਦਾ ਹੈ ਸੂਰੀਆ ਦਾ ਕੈਮਿਓ
ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਫਿਲਮ 'ਚ ਟਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸੂਰੀਆ ਦਾ ਕੈਮਿਓ ਵੀ ਹੋ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੂਰੀਆ 15 ਮਿੰਟ ਦੇ ਐਕਸਟੈਂਡ ਸੀਨ ਵਿੱਚ ਨਜ਼ਰ ਆਉਣਗੇ। ਸੂਰੀਆ ਦੇ ਕੈਮਿਓ ਦੀ ਖਬਰ ਤੋਂ ਬਾਅਦ ਦਰਸ਼ਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹਾਲਾਂਕਿ ਅਜੇ ਤੱਕ 'ਥਲਾਈਵਰ 170' 'ਚ ਸੂਰੀਆ ਦੇ ਰੋਲ ਨੂੰ ਲੈ ਕੇ ਕੋਈ ਪੁਸ਼ਟੀ ਨਹੀਂ ਹੋਈ ਹੈ।
ਕਿਹੋ ਜਿਹੀ ਹੈ ਫਿਲਮ?
ਰਜਨੀਕਾਂਤ ਦੀ ਇਹ ਫਿਲਮ ਸੱਚੀ ਘਟਨਾ 'ਤੇ ਆਧਾਰਿਤ ਦੱਸੀ ਜਾ ਰਹੀ ਹੈ। ਫਿਲਮ ਵਿੱਚ ਰਜਨੀਕਾਂਤ ਇੱਕ ਰਾਈਟ ਸੀਕਰ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਰਜਨੀਕਾਂਤ ਦੀ ਇਸ ਫਿਲਮ ਨੂੰ ਲਾਇਕਾ ਪ੍ਰੋਡਕਸ਼ਨ ਦੁਆਰਾ ਬੈਂਕਰੋਲ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਫਿਲਮ 'ਚ ਸੰਗੀਤ ਦਿੱਤਾ ਹੈ ਅਨਿਰੁਧ ਰਵੀਚੰਦਰ ਨੇ। ਖਬਰਾਂ ਮੁਤਾਬਕ ਇਹ ਫਿਲਮ ਸਾਲ 2024 ਤੱਕ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਇਸ ਦੇ ਨਾਲ ਹੀ ਅਫਵਾਹ ਇਹ ਵੀ ਹੈ ਕਿ ਰਜਨੀਕਾਂਤ ਫਿਲਮ 'ਚ ਪੁਲਿਸ ਵਾਲੇ ਦੀ ਭੂਮਿਕਾ 'ਚ ਨਜ਼ਰ ਆ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
