Ammy Virk: ਐਮੀ ਵਿਰਕ ਦੇ ਗਾਣੇ 'ਚੰਨ ਸਿਤਾਰੇ' ਨੇ ਯੂਟਿਊਬ 'ਤੇ ਪੂਰੇ ਕੀਤੇ 10 ਕਰੋੜ ਵਿਊਜ਼, ਇੰਸਟਾਗ੍ਰਾਮ 'ਤੇ ਵੀ ਬਣਾਇਆ ਇਹ ਰਿਕਾਰਡ
Chann Sitare Ammy Virk: 'ਚੰਨ ਸਿਤਾਰੇ' ਐਮੀ ਵਿਰਕ ਦੇ ਕਰੀਅਰ ਦੇ ਸਭ ਤੋਂ ਬੈਸਟ ਗਾਣਿਆਂ 'ਚੋਂ ਇੱਕ ਹੈ। ਇਸ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਇਸ ਗਾਣੇ ਦਾ ਕਰੇਜ਼ ਹਾਲੇ ਬਣਿਆ ਹੋਇਆ ਹੈ।
Chann Sitare Ammy Virk: 'ਓਏ ਮੱਖਣਾ' ਫਿਲਮ ਦਾ ਗਾਣਾ 'ਚੰਨ ਸਿਤਾਰੇ' ਐਮੀ ਵਿਰਕ ਦੇ ਕਰੀਅਰ ਦੇ ਸਭ ਤੋਂ ਬੈਸਟ ਗਾਣਿਆਂ 'ਚੋਂ ਇੱਕ ਹੈ। ਇਸ ਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਇਸ ਗਾਣੇ ਦਾ ਕਰੇਜ਼ ਹਾਲੇ ਬਣਿਆ ਹੋਇਆ ਹੈ। 'ਚੰਨ ਸਿਤਾਰੇ' ਨੇ ਯੂਟਿਊਬ 'ਤੇ ਤਾਂ 100 ਮਿਲੀਅਨ (10 ਕਰੋੜ) ਵਿਊਜ਼ ਕਰ ਹੀ ਲਏ ਹਨ, ਪਰ ਨਾਲ ਨਾਲ ਇਹ ਗਾਣਾ ਹਾਲੇ ਵੀ ਇੰਸਟਾਗ੍ਰਾਮ 'ਤੇ ਲੋਕਾਂ ਦੀ ਪਸੰਦ ਬਣਿਆ ਹੋਇਆ ਹੈ।
ਇਹ ਵੀ ਪੜ੍ਹੋ: ਅਰਮਾਨ ਮਲਿਕ ਦੀ ਦੂਜੀ ਪਤਨੀ ਕ੍ਰਿਤਿਕਾ ਨੇ ਖਰੀਦਿਆ ਆਲੀਸ਼ਾਨ ਬੰਗਲਾ, ਦੇਖੋ ਇਹ ਵੀਡੀਓ
ਇੰਸਟਾਗ੍ਰਾਮ 'ਤੇ ਸਭ ਤੋਂ ਵੱਧ ਰੀਲਾਂ ਵਾਲਾ ਪਹਿਲਾ ਪੰਜਾਬੀ ਗਾਣਾ
ਦੱਸ ਦਈਏ ਕਿ 'ਚੰਨ ਸਿਤਾਰੇ' ਇੰਸਟਾਗ੍ਰਾਮ 'ਤੇ ਲੰਬੇ ਸਮੇਂ ਤੱਕ ਟਰੈਂਡਿੰਗ 'ਚ ਰਿਹਾ। ਇਸ ਗੀਤ 'ਤੇ ਹੁਣ ਤੱਕ 5.7 ਮਿਲੀਅਨ ਯਾਨਿ 57 ਲੱਖ ਰੀਲਾਂ ਬਣ ਚੁੱਕੀਆਂ ਹਨ। ਇਹ ਸਾਲ 2022 ਦਾ ਸਭ ਤੋਂ ਵੱਡਾ ਹਿੱਟ ਰੋਮਾਂਟਿਕ ਗਾਣਾ ਰਿਹਾ ਸੀ।
ਐਮੀ ਵਿਰਕ ਨੇ ਪਾਈ ਇਹ ਪੋਸਟ
ਇਸ ਦੇ ਨਾਲ ਨਾਲ ਐਮੀ ਵਿਰਕ ਆਪਣੇ ਗਾਣੇ ਦੀ ਇਸ ਸਫਲਤਾ 'ਤੇ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। ਗਾਇਕ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਵੀਡੀਓ ਸ਼ੇਅਰ ਕਰ ਫੈਨਜ਼ ਦਾ ਧੰਨਵਾਦ ਕੀਤਾ ਹੈ। ਉਨ੍ਹਾਂ ਨੇ ਪੋਸਟ ਸ਼ੇਅਰ ਕਰ ਲਿਿਖਿਆ, 'ਚੰਨ ਸਿਤਾਰੇ ਨੇ ਯੂਟਿਊਬ 'ਤੇ 100 ਮਿਲੀਅਨ ਵਿਊਜ਼ ਪੂਰੇ ਕਰ ਲਏ ਹਨ ਅਤੇ ਹਾਲੇ ਵੀ ਟਰੈਂਡਿੰਗ ਵਿੱਚ ਹੈ। ਇਸੇ ਤਰ੍ਹਾਂ ਪਿਆਰ ਦਿੰਦੇ ਰਹੋ। ਵਾਹਿਗੁਰੂ ਸਭ 'ਤੇ ਮੇਹਰ ਕਰੇ।' ਦੇਖੋ ਇਹ ਵੀਡੀਓ:
View this post on Instagram
ਉਥੇ ਫ਼ਿਲਮ ਦੀ ਗੱਲ ਕਰੀਏ ਤਾਂ ਐਮੀ ਤੇ ਤਾਨੀਆ ਤੋਂ ਇਲਾਵਾ ਇਸ ’ਚ ਗੁੱਗੂ ਗਿੱਲ, ਸਿੱਧੀਕਾ ਸ਼ਰਮਾ, ਸੁਖਵਿੰਦਰ ਚਾਹਲ, ਹਰਦੀਪ ਗਿੱਲ, ਤਰਸੇਮ ਪੌਲ, ਦੀਦਾਰ ਗਿੱਲ, ਸਤਵੰਤ ਕੌਰ, ਰੋਜ਼ ਜੇ. ਕੌਰ, ਮੰਜੂ ਮਾਹਲ ਤੇ ਪਰਮਿੰਦਰ ਗਿੱਲ ਨੇ ਵੀ ਅਹਿਮ ਭੂਮਿਕਾ ਨਿਭਾਈ ਹੈ। ਫ਼ਿਲਮ ਨੂੰ ਸਿਮਰਜੀਤ ਸਿੰਘ ਨੇ ਡਾਇਰੈਕਟ ਕੀਤਾ ਹੈ, ਜਿਸ ਦੀ ਕਹਾਣੀ ਰਾਕੇਸ਼ ਧਵਨ ਨੇ ਲਿਖੀ ਹੈ। ਫ਼ਿਲਮ ਵਿਕਰਮ ਮਹਿਰਾ, ਸਿਧਾਰਥ ਆਨੰਦ ਕੁਮਾਰ, ਸਿਮਰਜੀਤ ਸਿੰਘ ਤੇ ਐਮੀ ਵਿਰਕ ਵਲੋਂ ਪ੍ਰੋਡਿਊਸ ਕੀਤੀ ਗਈ ਹੈ। ਇਸ ਫਿਲਮ ਨੇ ਸਿਨੇਮਾਘਰਾਂ 'ਚ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ ਸੀ। ਇਸ ਫਿਲਮ ਚਾਚੇ ਭਤੀਜੇ ਦੀ ਜੋੜੀ ਨੇ ਲੋਕਾਂ ਦਾ ਦਿਲ ਜਿੱਤ ਲਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
