ਅਰਜੁਨ ਨੇ ਬਿਨਾ ਹਥਿਆਰਾਂ ਲੱਭਿਆ ‘ਇੰਡੀਆਜ਼ ਮੋਸਟ ਵਾਂਟੇਡ’, ਵੇਖੋ ਕਿਵੇਂ

ਅਰਜੁਨ ਕਪੂਰ ਦੀ ਆਉਣ ਵਾਲੀ ਫ਼ਿਲਮ ‘ਇੰਡੀਆਜ਼ ਮੋਸਟ ਵਾਂਟੇਡ’ ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ਫ਼ਿਲਮ ਨੂੰ ਰਾਜੂ ਕੁਮਾਰ ਗੁਪਤਾ ਨੇ ਡਾਇਰੈਕਟ ਕੀਤਾ ਹੈ।

ਮੁੰਬਈ: ਅਰਜੁਨ ਕਪੂਰ ਦੀ ਆਉਣ ਵਾਲੀ ਫ਼ਿਲਮ ‘ਇੰਡੀਆਜ਼ ਮੋਸਟ ਵਾਂਟੇਡ’ ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਿਆ ਹੈ। ਇਸ ਫ਼ਿਲਮ ਨੂੰ ਰਾਜੂ ਕੁਮਾਰ ਗੁਪਤਾ ਨੇ ਡਾਇਰੈਕਟ ਕੀਤਾ ਹੈ। ਫ਼ਿਲਮ ਦੀ ਕਹਾਣੀ ਰਾਅ ਅਧਿਕਾਰੀਆਂ ਤੇ ਜਾਸੂਸ ਅਰਜੁਨ ਕਪੂਰ ਦੀ ਛੋਟੀ ਜਿਹੀ ਟੀਮ ਦੀ ਹੈ ਜੋ ਦੇਸ਼ ਦੇ ਸਭ ਤੋਂ ਵੱਡੇ ਵਾਂਟੇਡ ਨੂੰ ਲੱਭਣ ‘ਚ ਲੱਗਿਆ ਹੈ। ਇਹ ਫ਼ਿਲਮ ਇੱਕ ਸੱਚੀ ਘਟਨਾ ‘ਤੇ ਆਧਾਰਤ ਹੈ ਜਿਸ ਦੀ ਥੀਮ ਭਾਰਤ ਦੇ ਓਸਾਮਾ ਨੂੰ ਫੜਨ ਦੀ ਕਹਾਣੀ ਹੈ ਜੋ ਬਿਨਾ ਕਿਸੇ ਹਥਿਆਰ ਦੇ ਪੂਰੀ ਕੀਤੀ ਗਈ ਸੀ। ਫ਼ਿਲਮ ਦੇ ਟ੍ਰੇਲਰ ‘ਚ ਨਾ ਤਾਂ ਜ਼ਿਆਦਾ ਰੋਮਾਂਟਿਕ ਸੀਨ ਹਨ ਤੇ ਨਾ ਹੀ ਇਮੋਸ਼ਨਲ ਸੀਨ। ‘ਇੰਡੀਆਜ਼ ਮੋਸਟ ਵਾਂਟੇਡ’ ਦੇ ਟ੍ਰੇਲਰ ਤੋਂ ਪਹਿਲਾਂ ਇਸ ਦਾ ਟੀਜ਼ਰ ਰਿਲੀਜ਼ ਕੀਤਾ ਗਿਆ ਸੀ। ਅਰਜੁਨ ਦੀ ਇਹ ਫ਼ਿਲਮ 24 ਮਈ ਨੂੰ ਰਿਲੀਜ਼ ਹੋਣੀ ਹੈ। ਇਸ ‘ਚ ਅਰਜੁਨ ਤੋਂ ਇਲਾਵਾ ਸ਼ਾਤੀਲਾਲ ਮੁਖਰਜੀ ਤੇ ਪ੍ਰਸ਼ਾਂਤ ਜਿਹੇ ਕਲਾਕਾਰ ਵੀ ਹਨ। ਇਸ ਤੋਂ ਬਾਅਦ ਅਰਜੁਨ ਆਸ਼ੂਤੋਸ਼ ਮੋਵਾਰੀਕਰ ਦੀ ਫ਼ਿਲਮ ‘ਪਾਨੀਪਤ’ ‘ਚ ਨਜ਼ਰ ਆਵੇਗਾ।