ਅੱਜ ਬਾਕਸ ਆਫਿਸ 'ਤੇ ਆਹਮੋ-ਸਾਹਮਣੇ ਹੋਣਗੇ 'ਬਾਗੀ -3' ਤੇ 'ਕਾਮਯਾਬੀ', ਕੌਣ ਛਾਏਗਾ ਸਿਲਵਰ ਸਕ੍ਰੀਨ 'ਤੇ?

'ਬਾਗੀ 3' ਫ਼ਿਲਮ 'ਬਾਗੀ' ਸੀਰੀਜ਼ ਦਾ ਤੀਜਾ ਹਿੱਸਾ ਹੈ। ਫ਼ਿਲਮ 'ਚ ਟਾਈਗਰ ਸ਼ਰੌਫ ਲੀਡ ਰੋਲ 'ਚ ਨਜ਼ਰ ਆਉਣਗੇ। ਇਸ ਦੇ ਨਾਲ ਹੀ ਸ਼ਾਹਰੁਖ ਖ਼ਾਨ ਦੀ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਬਣੀ ਫ਼ਿਲਮ 'ਕਾਮਾਯਾਬ' ਵੀ ਦਰਸ਼ਕਾਂ ਸਾਹਮਣੇ ਪੇਸ਼ ਹੋਈ ਹੈ।

ਮੁੰਬਈ: ਅੱਜ ਬਾਲੀਵੁੱਡ ਫ਼ਿਲਮਾਂ 'ਬਾਗੀ -3' ਤੇ 'ਕਾਮਯਾਬ' ਬਾਕਸ ਆਫਿਸ 'ਤੇ ਰਿਲੀਜ਼ ਹੋ ਰਹੀਆਂ ਹਨ। 'ਬਾਗੀ 3' ਫ਼ਿਲਮ 'ਬਾਗੀ' ਦਾ ਤੀਜਾ ਹਿੱਸਾ ਹੈ। 'ਬਾਗੀ 3' 'ਚ ਟਾਈਗਰ ਸ਼ਰੌਫ ਮੁੱਖ ਭੂਮਿਕਾ 'ਚ ਹਨ। ਉਨ੍ਹਾਂ ਦੇ ਨਾਲ ਫ਼ਿਲਮ 'ਚ ਸ਼ਰਧਾ ਕਪੂਰ ਤੇ ਰਿਤੇਸ਼ ਦੇਸ਼ਮੁਖ ਵੀ ਨਜ਼ਰ ਆਉਣਗੇ। 'ਬਾਗੀ' ਦੀਆਂ ਪਿਛਲੀਆਂ ਫ਼ਿਲਮਾਂ 'ਚ ਔਡੀਅੰਸ ਨੂੰ ਕਾਫੀ ਐਕਸ਼ਨ, ਡਰਾਮਾ ਤੇ ਥ੍ਰਿਲਰ ਦੇਖਣ ਨੂੰ ਮਿਲਿਆ ਸੀ। ਇਸ ਲਈ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਬਾਗੀ -3 'ਚ ਜ਼ਬਰਦਸਤ ਡਾਈਲੌਗ ਨਾਲ ਤਿੰਨ ਗੁਣਾ ਜ਼ਿਆਦਾ ਐਕਸ਼ਨ ਹੈ। ਇਸ ਦੇ ਨਾਲ ਹੀ ਸ਼ਾਹਰੁਖ ਖ਼ਾਨ ਦੀ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਦਰਸ਼ਕਾਂ ਦੇ ਸਾਹਮਣੇ ਫ਼ਿਲਮ 'ਕਾਮਯਾਬ' ਪੇਸ਼ ਕਰੇਗੀ। ਨਵੇਂ ਨਿਰਦੇਸ਼ਕ ਹਾਰਦਿਕ ਮਹਿਤਾ ਵੱਲੋਂ ਨਿਰਦੇਸ਼ਤ ਇਸ ਫ਼ਿਲਮ ਦੀ ਕਹਾਣੀ ਬਾਲੀਵੁੱਡ ਦੇ ਕਿਰਦਾਰ ਅਦਾਕਾਰਾਂ ਦੇ ਦੁਆਲੇ ਬੁਣੀ ਗਈ ਹੈ ਜੋ ਆਪਣੀ ਪਛਾਣ ਬਣਾਉਣ ਲਈ ਸੰਘਰਸ਼ ਕਰ ਰਹੇ ਹਨ। ਬੁਸਾਨ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ 'ਚ ਪ੍ਰਦਰਸ਼ਿਤ ਇਸ ਫ਼ਿਲਮ 'ਚ ਸੰਜੇ ਮਿਸ਼ਰਾ, ਦੀਪਕ ਡੋਬਰਿਆਲ, ਸਾਰਿਕਾ ਸਿੰਘ ਤੇ ਈਸ਼ਾ ਤਲਵਾਰ ਹਨ। ਫ਼ਿਲਮ ਨੂੰ ਨਿਊਯਾਰਕ ਸਿਟੀ ਸਾਊਥ ਏਸ਼ੀਅਨ ਫ਼ਿਲਮ ਫੈਸਟੀਵਲ, ਮੈਲਬੌਰਨ ਇੰਡੀਅਨ ਫ਼ਿਲਮ ਫੈਸਟੀਵਲ, ਸ਼ੰਘਾਈ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ ਤੇ ਜੀਓ ਮਮੀ ਮੁੰਬਈ ਫ਼ਿਲਮ ਫੈਸਟੀਵਲ ਵਿੱਚ ਪ੍ਰਦਰਸ਼ਤ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਅੱਜ ਇੱਕ ਹੋਰ ਫ਼ਿਲਮ ਵੀ ਰਿਲੀਜ਼ ਹੋ ਰਹੀ ਹੈ ਪਰ ਇਹ ਫ਼ਿਲਮ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ। ਇਸ 'ਚ ਬਾਲੀਵੁੱਡ ਐਕਟਰਸ ਕਿਆਰਾ ਅਡਵਾਨੀ ਨਜ਼ਰ ਆਵੇਗੀ, ਜਦਕਿ ਫ਼ਿਲਮ ਨੂੰ ਕਰਨ ਜੌਹਰ ਨੇ ਪ੍ਰੋਡਿਊਸ ਕੀਤਾ ਹੈ। 'ਗਿਲਟੀ' ਦਾ ਡਾਈਰੈਕਸ਼ਲ ਰੁਚੀ ਨਰਾਇਣ, ਕਨਿਕਾ ਢਿੱਲੋਂ ਤੇ ਅਤਿਕਾ ਚੌਹਾਨ ਕਰ ਰਹੇ ਹਨ। ਫ਼ਿਲਮ ਦੀ ਕਹਾਣੀ ਇੱਕ ਗੀਤਕਾਰ ਦੀ ਜ਼ਿੰਦਗੀ ਦੇ ਦੁਆਲੇ ਘੁੰਮਦੀ ਹੈ, ਜਿਸ ਦੇ ਪ੍ਰੇਮੀ 'ਤੇ ਉਸ ਨਾਲ ਬਲਾਤਕਾਰ ਕਰਨ ਦਾ ਇਲਜ਼ਾਮ ਲਗਾਇਆ ਜਾਂਦਾ ਹੈ। ਧਰਮੈਟਿਕ ਵੱਲੋਂ ਬਣਾਈ ਇਹ ਪਹਿਲੀ ਫ਼ਿਲਮ ਹੈ, ਜੋ ਕਰਨ ਜੌਹਰ ਦੇ ਧਰਮ ਪ੍ਰੋਡਕਸ਼ਨ ਦਾ ਡਿਜੀਟਲ ਵੈਂਚਰ ਹੋਵੇਗੀ।