ਸੈਫ ਤੇ ਅਰਜੁਨ ਦਾ ਭੂਤਾਂ ਨਾਲ ਪਿਆ ਪੰਗਾ, 'ਭੂਤ ਪੁਲਿਸ' ਦਾ ਟ੍ਰੇਲਰ ਰਿਲੀਜ਼
ਸੈਫ ਅਲੀ ਖਾਨ, ਅਰਜੁਨ ਕਪੂਰ, ਜੈਕਲੀਨ ਫਰਨਾਂਡੀਜ਼ ਤੇ ਯਾਮੀ ਗੌਤਮ ਸਟਾਰਰ ਹੌਰਰ ਕਾਮੇਡੀ ਫਿਲਮ 'ਭੂਤ ਪੁਲਿਸ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਹ ਫਿਲਮ 17 ਸਤੰਬਰ ਨੂੰ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਰਿਲੀਜ਼ ਹੋਣ ਵਾਲੀ ਹੈ।
ਮੁੰਬਈ: ਸੈਫ ਅਲੀ ਖਾਨ, ਅਰਜੁਨ ਕਪੂਰ, ਜੈਕਲੀਨ ਫਰਨਾਂਡੀਜ਼ ਤੇ ਯਾਮੀ ਗੌਤਮ ਸਟਾਰਰ ਹੌਰਰ ਕਾਮੇਡੀ ਫਿਲਮ 'ਭੂਤ ਪੁਲਿਸ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਹ ਫਿਲਮ 17 ਸਤੰਬਰ ਨੂੰ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਰਿਲੀਜ਼ ਹੋਣ ਵਾਲੀ ਹੈ। ਪਵਨ ਕ੍ਰਿਪਲਾਨੀ ਦੀ ਡਾਇਰੈਕਸ਼ਨ ਵਿੱਚ ਬਣੀ ਇਸ ਫਿਲਮ ਵਿੱਚ ਸੈਫ ਤੇ ਅਰਜੁਨ ਨੂੰ ਇੱਕ ਡਾਇਨ ਤੇ ਜਾਦੂਈ ਸ਼ਕਤੀਆਂ ਦੇ ਨਾਲ ਨਜਿੱਠਦੇ ਹੋਏ ਵੇਖੇ ਜਾ ਰਹੇ ਹਨ। ਇਸ ਫਿਲਮ ਨੂੰ ਰਮੇਸ਼ ਟੌਰਾਨੀ ਤੇ ਆਕਾਸ਼ ਪੁਰੀ ਨੇ ਪ੍ਰੋਡਿਊਸ ਕੀਤਾ ਹੈ।
ਫਿਲਮ ਦੀ ਕਹਾਣੀ ਭੂਤਾਂ ਨੂੰ ਫੜਨ ਵਾਲੇ ਤਾਂਤਰਿਕ ਬਣੇ ਸੈਫ ਤੇ ਅਰਜੁਨ ਦੇ ਦੁਆਲੇ ਘੁੰਮਦੀ ਹੈ। ਯਾਮੀ ਗੌਤਮ ਦੇ ਕਿਰਦਾਰ ਦਾ ਨਾਂ ਮਾਇਆ ਤੇ ਜੈਕਲੀਨ ਫਰਨਾਂਡੀਜ਼ ਦੇ ਕਿਰਦਾਰ ਦਾ ਨਾਂ ਕਨਿਕਾ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਧਰਮਸ਼ਾਲਾ, ਡਲਹੌਜ਼ੀ ਤੇ ਪਾਲਮਪੁਰ ਦੇ ਇਲਾਕੇ ਵਿੱਚ ਕੀਤੀ ਗਈ ਹੈ। ਭੂਤ-ਪੁਲਿਸ ਇੱਕ ਹੌਰਰ-ਕਾਮੇਡੀ,ਦੇ ਨਾਲ ਫੁੱਲ ਔਨ ਮਸਾਲੇ ਨਾਲ ਭਰੀ ਫਿਲਮ ਹੈ। ਪਵਨ ਕ੍ਰਿਪਲਾਨੀ ਇਸ ਤੋਂ ਪਹਿਲਾਂ ਰਾਧਿਕਾ ਆਪਟੇ ਸਟਾਰਰ ਥ੍ਰਿਲਰ ਫਿਲਮ 'ਫੋਬੀਆ' ਤੇ ਫੇਮਸ ਹੋਰਰ ਫਿਲਮ 'ਰਾਗਿਨੀ ਐਮਐਮਐਸ' ਨੂੰ ਡਾਇਰੈਕਟ ਕਰ ਚੁੱਕੇ ਹਨ।
ਇਸ ਫਿਲਮ ਨੂੰ ਪਹਿਲਾਂ ਸੈਫ ਅਲੀ ਖਾਨ, ਫਾਤਿਮਾ ਸਨਾ ਸ਼ੇਖ ਤੇ ਅਲੀ ਫਜ਼ਲ ਨਾਲ ਫਾਈਨਲ ਕੀਤਾ ਗਿਆ ਸੀ। ਆਫੀਸ਼ੀਅਲ ਅਨਾਊਸਮੈਂਟ ਪਹਿਲਾਂ ਹੀ ਕੀਤੀ ਜਾ ਚੁੱਕੀ ਸੀ ਪਰ ਫਿਰ ਫਿਲਮ ਦਾ ਬੈਨਰ ਬਦਲ ਗਿਆ-ਫੌਕਸ ਸਟਾਰ ਦੀ ਬਜਾਏ, ਟਿਪਸ ਇਸ ਨੂੰ ਪ੍ਰੋਡਿਊਸ ਕਰ ਰਿਹਾ ਹੈ। ਜਿਵੇਂ ਹੀ ਬੈਨਰ ਬਦਲਿਆ ਗਿਆ, ਇਸ ਦੀ ਸਟਾਰਕਾਸਟ ਵੀ ਬਦਲ ਗਈ...ਤੇ ਐਂਟਰੀ ਅਰਜੁਨ ਕਪੂਰ , ਜੈਕਲੀਨ ਅਤੇ ਯਾਮੀ ਦੀ ਹੋਈ। ਹੁਣ ਇਹ 4 ਸਿਤਾਰੇ ਮਿਲ ਕੇ ਕਿ ਧਮਾਲ ਕਰਦੇ ਨੇ ਇਹ 17 ਸਤੰਬਰ ਨੂੰ ਪਤਾ ਚਲੇਗਾ।
https://play.google.com/store/
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://apps.apple.com/in/app/
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
