ਈਕੋ-ਫ੍ਰੈਂਡਲੀ ਹੋਵੇਗਾ ਬਿੱਗ ਬੌਸ-13 ਦਾ ਘਰ, 29 ਸਤੰਬਰ ਤੋਂ ਹੋ ਰਿਹਾ ਆਨ-ਏਅਰ

ਫੇਮਸ ਰਿਐਲਟੀ ਸ਼ੋਅ ਬਿੱਗ ਬੌਸ 13 ਸੀਜ਼ਨ ਆਨ-ਏਅਰ ਲਈ ਤਿਆਰ ਹੈ। ਇਸ ਵਾਰ ਬਿੱਗ ਬੌਸ ਦੇ ਘਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਹਮੇਸ਼ਾ ਦੀ ਤਰ੍ਹਾਂ ਖੂਬ ਵਾਈਰਲ ਹੋ ਰਹੀਆਂ ਹਨ। ਅਜਿਹੇ ‘ਚ ਹੁਣ ਖ਼ਬਰ ਹੈ ਕਿ ਇਸ ਵਾਰ ਬਿੱਗ ਬੌਸ ਦਾ ਘਰ ਈਕੋ ਫ੍ਰੈਂਡਲੀ ਹੋਵੇਗਾ।

ਮੁੰਬਈ: ਫੇਮਸ ਰਿਐਲਟੀ ਸ਼ੋਅ ਬਿੱਗ ਬੌਸ 13 ਸੀਜ਼ਨ ਆਨ-ਏਅਰ ਲਈ ਤਿਆਰ ਹੈ। ਇਸ ਵਾਰ ਬਿੱਗ ਬੌਸ ਦੇ ਘਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਹਮੇਸ਼ਾ ਦੀ ਤਰ੍ਹਾਂ ਖੂਬ ਵਾਈਰਲ ਹੋ ਰਹੀਆਂ ਹਨ। ਅਜਿਹੇ ‘ਚ ਹੁਣ ਖ਼ਬਰ ਹੈ ਕਿ ਇਸ ਵਾਰ ਬਿੱਗ ਬੌਸ ਦਾ ਘਰ ਈਕੋ ਫ੍ਰੈਂਡਲੀ ਹੋਵੇਗਾ। ਇਸ ਦਾ ਨਿਰਮਾਣ 18,500 ਵਰਗ ਫੁੱਟ ‘ਚ ਕੀਤਾ ਗਿਆ ਹੈ। ਆਰਟ ਡਾਇਰੈਟਰ ਤੇ ਫ਼ਿਲਮੇਕਰ ਉਮੰਗ ਕੁਮਾਰ ਨੇ ਇਸ ਘਰ ਨੂੰ ਡਿਜ਼ਾਇਨ ਕੀਤਾ ਹੈ। ਉਮੰਗ ਨੇ ਇੱਕ ਇੰਟਰਵਿਊ ‘ਚ ਕਿਹਾ, “ਅਸੀਂ ਜਿੰਨਾ ਘੱਟ ਹੋ ਸਕੇ, ਓਨਾ ਘੱਟ ਪਲਾਸਟਿਕ ਦਾ ਇਸਤੇਮਾਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਅਜਿਹਾ ਕਰਨ ਨਾਲ ਪ੍ਰਦੂਸ਼ਣ ਘੱਟ ਹੋਵੇਗਾ। ਅਸੀਂ ਫਾਈਬਰ ਤੇ ਵੱਖ-ਵੱਖ ਤਰ੍ਹਾਂ ਦੇ ਪਲਾਸਟਰ ਆਫ਼ ਪੈਰਿਸ ਦਾ ਇਸਤੇਮਾਲ ਕੀਤਾ ਹੈ।” ਉਨ੍ਹਾਂ ਕਿਹਾ, “ਪਲਾਸਟਿਕ ਤੇ ਥਰਮੋਕੋਲ ਆਸਾਨੀ ਨਾਲ ਮਿਲਣ, ਹਲਕੇ ਤੇ ਸਸਤੇ ਹਨ ਪਰ ਭਾਰਤੀ ਨਾਗਰਿਕ ਦੇ ਤੌਰ ‘ਤੇ ਅਸੀਂ ਵਿਆਪਕ ਤੌਰ ‘ਤੇ ਸੋਚਣਾ ਸੀ। ਅਸੀਂ ਪੀਓਪੀ ਤੇ ਫਾਈਬਰ ਦਾ ਇਸਤੇਮਾਲ ਕੀਤਾ ਹੈ ਜੋ ਲੰਬਾ ਚੱਲਦਾ ਹੈ।”

View this post on Instagram

 

EXCLUSIVE : BIGGBOSS 13 HOUSE PICS. 06Days to #BiggBoss13 @biggboss_tak

A post shared by BIGG BOSS 13 (@biggbosss13x) on Sep 22, 2019 at 8:14pm PDT

ਇਸ ਤਰ੍ਹਾਂ ਸ਼ੋਅ ਦੇ ਨਿਰਮਾਤਾ ‘ਐਂਡੇਮੋਲ ਸ਼ਾਈਨ ਇੰਡੀਆ’ ਨੇ ਕਿਹਾ ਕਿ ਅਜਿਹਾ ਕਰ ਸਾਡੀ ਸੋਚ ਕੁਦਰਤ ਪ੍ਰਤੀ ਜ਼ਿੰਮੇਵਾਰ ਬਣਨ ਦੀ ਸੀ। ਕੱਲਰਸ ਟੀਵੀ ‘ਤੇ ਸ਼ੋਅ ਦੇ ਕਈ ਪ੍ਰੋਮੋ ਪਹਿਲਾਂ ਹੀ ਜਾਰੀ ਕਰ ਦਿੱਤੇ ਗਏ ਹਨ। ਇਨ੍ਹਾਂ ‘ਚ ਸਲਮਾਨ ਸ਼ੋਅ ਬਾਰੇ ਦਿਲਚਸਪ ਗੱਲਾਂ ਦੱਸਦੇ ਨਜ਼ਰ ਆ ਰਹੇ ਹਨ। ਸਲਮਾਨ ਸ਼ੋਅ ਦੇ 10 ਸੀਜ਼ਨ ਹੋਸਟ ਕਰ ਚੁੱਕੇ ਹਨ। ਇਸ ਦੇ ਨਾਲ ਹੀ ਸ਼ੋਅ 29 ਸਤੰਬਰ ਤੋਂ ਆਨ-ਏਅਰ ਹੋ ਰਿਹਾ ਹੈ। ਇਸ ‘ਚ ਰਾਜਪਾਲ ਯਾਦਵ, ਚੰਕੀ ਪਾਂਡੇ, ਦੇਵੋਲੀਕਾ ਬੈਨਰਜੀ, ਵਰੀਨਾ ਹੁਸੈਨਾ, ਰਾਕੇਸ਼ ਵਸ਼ਿਸਠ, ਅਮਕਿਤਾ ਲੋਖੰਡੇ, ਬਾਕਸਰ ਵਿਜੇਂਦਰ ਸਿੰਘ, ਮੇਘਨਾ ਮਲਿਕ, ਰਾਜੀਵ ਖੰਡੇਲਵਾਲ ਤੇ ਮਿਥੁਨ ਚਕਰਵਰਤੀ ਦੇ ਬੇਟੇ ਮਹਾਲਕਸ਼ ਚੱਕਰਵਰਤੀ ਜਿਹੇ ਕਈ ਕੰਟੈਸਟੈਂਟ ਨਜ਼ਰ ਆ ਸਕਦੇ ਹਨ।