Tanuja: ਜਦੋਂ ਰੰਗੀਨ ਮਿਜ਼ਾਜ ਧਰਮਿੰਦਰ ਨੇ ਤਨੁਜਾ ਨਾਲ ਕੀਤੀ ਸੀ ਛੇੜਛਾੜ, ਅਦਾਕਾਰਾ ਨੇ ਹੀਮੈਨ ਨੂੰ ਮਾਰਿਆ ਸੀ ਜ਼ੋਰਦਾਰ ਚਾਂਟਾ
Dharmendra: ਇੱਕ ਵਾਰ ਧਰਮ ਪਾਜੀ ਨੇ ਅਭਿਨੇਤਰੀ ਤਨੂਜਾ ਨਾਲ ਫਲਰਟ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਧਰਮਿੰਦਰ ਦੀ ਹਰਕਤ ਉਨ੍ਹਾਂ ਤੇ ਉਲਟ ਪੈ ਗਈ ਸੀ।
Tanuja Slapped Dharmendra: ਸੁਨਹਿਰੀ ਦੌਰ ਯਾਨਿ ਕਿ ਪੁਰਾਣੇ ਜ਼ਮਾਨੇ ਦੀ ਬਾਲੀਵੁੱਡ ਅਦਾਕਾਰਾ ਤਨੁਜਾ ਇੰਨੀਂ ਦਿਨੀਂ ਸੁਰਖੀਆਂ 'ਚ ਹੈ। ਦਰਅਸਲ, ਬੀਤੇ ਦਿਨ ਉਨ੍ਹਾਂ ਨੂੰ ਉਮਰ ਸਬੰਧੀ ਸਮੱਸਿਆਵਾਂ ਦੇ ਚੱਲਦੇ ਹਸਪਤਾਲ 'ਚ ਭਰਤੀ ਕਰਾਇਆ ਗਿਆ ਸੀ। ਇੱਥੇ ਆਈਸੀਯੂ ਵਾਰਡ 'ਚ ਉਨ੍ਹਾਂ ਦਾ ਇਲਾਜ ਚੱਲਿਆ। ਹੁਣ ਅਦਾਕਾਰਾ ਸਹੀ ਸਲਾਮਤ ਤੇ ਦਰੁਸਤ ਹੋ ਕੇ ਆਪਣੇ ਘਰ ਪਰਤ ਗਈ ਹੈ। ਇਸ ਮੌਕੇ ਅੱਜ ਅਸੀਂ ਤੁਹਾਨੂੰ ਆਪਣੇ ਸਮੇਂ ਦੇ ਮਸ਼ਹੂਰ ਸਿਤਾਰਿਆਂ ਧਰਮਿੰਦਰ ਅਤੇ ਤਨੂਜਾ ਨਾਲ ਜੁੜੀ ਇੱਕ ਮਜ਼ੇਦਾਰ ਘਟਨਾ ਸੁਣਨ ਜਾ ਰਹੇ ਹਾਂ।
ਮੀਡੀਆ ਰਿਪੋਰਟ ਮੁਤਾਬਕ ਦੋਵੇਂ ਬਹੁਤ ਚੰਗੇ ਦੋਸਤ ਹਨ ਅਤੇ ਖਾਸ ਬਾਂਡਿੰਗ ਸ਼ੇਅਰ ਕਰਦੇ ਹਨ। ਮੀਡੀਆ ਰਿਪੋਰਟ ਮੁਤਾਬਕ ਤਨੂਜਾ ਅਤੇ ਧਰਮਿੰਦਰ ਫਿਲਮ 'ਚਾਂਦ ਔਰ ਤਾਰੇ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਸਨ। ਕਿਹਾ ਜਾਂਦਾ ਹੈ ਕਿ ਜਿੱਥੇ ਤਨੁਜਾ ਬਹੁਤ ਸਖਤ ਅਤੇ ਅਨੁਸ਼ਾਸਨ ਵਾਲੀ ਸੀ, ਉੱਥੇ ਹੀ ਧਰਮ ਪਾਜੀ ਬਹੁਤ ਹੀ ਸ਼ਾਂਤ ਸੁਭਾਅ ਦੇ ਸਨ। ਕਿਹਾ ਜਾਂਦਾ ਹੈ ਕਿ ਧਰਮਪਾਜੀ ਅਕਸਰ ਸੈੱਟ 'ਤੇ ਆਪਣੇ ਸਹਿ ਕਲਾਕਾਰਾਂ ਨਾਲ ਹਾਸਾ-ਮਜ਼ਾਕ ਕਰਦੇ ਰਹਿੰਦੇ ਸੀ।
ਹਾਲਾਂਕਿ ਜੇਕਰ ਫਿਲਮ 'ਚਾਂਦ ਔਰ ਤਾਰੇ' ਦੀ ਗੱਲ ਕਰੀਏ ਤਾਂ ਧਰਮਿੰਦਰ ਦੀ ਪਹਿਲੀ ਪਤਨੀ ਪ੍ਰਕਾਸ਼ ਕੌਰ ਵੀ ਇਸ ਫਿਲਮ ਦੀ ਸ਼ੂਟਿੰਗ ਦੌਰਾਨ ਬੱਚਿਆਂ ਨਾਲ ਸੈੱਟ 'ਤੇ ਆਉਂਦੀ ਸੀ। ਇਸ ਦੇ ਨਾਲ ਹੀ ਤਨੁਜਾ ਪ੍ਰਕਾਸ਼ ਅਤੇ ਬੱਚਿਆਂ ਨਾਲ ਸਮਾਂ ਬਿਤਾਉਣਾ ਵੀ ਪਸੰਦ ਕਰਦੀ ਸੀ।
View this post on Instagram
ਖਬਰਾਂ ਮੁਤਾਬਕ, ਇਕ ਵਾਰ ਧਰਮ ਪਾਜੀ ਨੇ ਅਭਿਨੇਤਰੀ ਤਨੁਜਾ ਨਾਲ ਫਲਰਟ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਧਰਮਿੰਦਰ ਦੀ ਹਰਕਤ ਉਨ੍ਹਾਂ ਤੇ ਉਲਟ ਪੈ ਗਈ ਸੀ। ਧਰਮਿੰਦਰ ਨੂੰ ਆਪਣੇ ਨਾਲ ਫਲਰਟ ਕਰਦੇ ਦੇਖ ਤਨੂਜਾ ਇੰਨੀ ਗੁੱਸੇ 'ਚ ਆ ਗਈ ਕਿ ਅਭਿਨੇਤਰੀ ਨੇ ਧਰਮ ਪਾਜੀ ਨੂੰ ਥੱਪੜ ਮਾਰ ਦਿੱਤਾ ਅਤੇ ਕਿਹਾ, ''ਬੇਸ਼ਰਮ ਮੈਂ ਤੇਰੀ ਪਤਨੀ ਨੂੰ ਜਾਣਦੀ ਹਾਂ, ਤੇ ਤੂੰ ਮੇਰੇ ਨਾਲ ਹੀ ਫ਼ਲਰਟ ਕਰ ਰਿਹਾ ਹੈਂ।"
ਇਸ ਘਟਨਾ ਤੋਂ ਧਰਮਿੰਦਰ ਕਾਫੀ ਸ਼ਰਮਿੰਦਾ ਹੋਏ ਅਤੇ ਅਦਾਕਾਰਾ ਤੋਂ ਮੁਆਫੀ ਮੰਗਦੇ ਹੋਏ ਉਨ੍ਹਾਂ ਨੂੰ ਆਪਣਾ ਭਰਾ ਬਣਾਉਣ ਦੀ ਗੱਲ ਕਹੀ ਸੀ। ਹਾਲਾਂਕਿ ਪਹਿਲਾਂ ਤਾਂ ਤਨੂਜਾ ਨੇ ਇਸ ਗੱਲ ਤੋਂ ਸਾਫ ਇਨਕਾਰ ਕਰ ਦਿੱਤਾ ਸੀ, ਪਰ ਬਾਅਦ 'ਚ ਧਰਮਿੰਦਰ ਦੇ ਕਹਿਣ 'ਤੇ ਉਨ੍ਹਾਂ ਨੇ ਅਦਾਕਾਰ ਨੂੰ ਰੱਖੜੀ ਬੰਨ੍ਹ ਦਿੱਤੀ। ਤੁਹਾਨੂੰ ਦੱਸ ਦੇਈਏ ਕਿ ਤਨੂਜਾ ਦੀ ਬੇਟੀ ਕਾਜੋਲ ਅਤੇ ਧਰਮਿੰਦਰ ਦੇ ਬੇਟੇ ਬੌਬੀ ਦਿਓਲ ਫਿਲਮ 'ਗੁਪਤ' 'ਚ ਨਜ਼ਰ ਆ ਚੁੱਕੇ ਹਨ।
ਕਾਬਿਲੇਗ਼ੌਰ ਹੈ ਕਿ ਧਰਮਿੰਦਰ ਗੋਲਡਨ ਐਰਾ ਦੇ ਹੈਂਡਸਮ ਅਦਾਕਾਰ ਮੰਨੇ ਜਾਂਦੇ ਸੀ। ਇਸ ਦੇ ਨਾਲ ਧਰਮਿੰਦਰ ਜ਼ਰਾ ਰੰਗੀਨ ਮਿਜ਼ਾਜੀ ਵੀ ਸਨ। ਉਹ ਅਕਸਰ ਫ਼ਿਲਮ ਦੇ ਸੈਟ ਤੇ ਹੀਰੋਈਨਾਂ ਨਾਲ ਫ਼ਲਰਟ ਕਰਦੇ ਹੁੰਦੇ ਸੀ। ਉਨ੍ਹਾਂ ਨੇ 1980 `ਚ ਹੇਮਾ ਮਾਲਿਨੀ ਨਾਲ ਧਰਮ ਬਦਲ ਕੇ ਦੂਜਾ ਵਿਆਹ ਕੀਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
