ਕੁਝ ਦਿਨ ਪਹਿਲਾਂ ਬਿਜਲੀ ਦਾ ਬਿੱਲ ਘੱਟ ਆਉਣ ਦੀ ਖੁਸ਼ੀ ਮਨਾ ਰਹੀ ਸੀ ਪੂਜਾ ਬੇਦੀ, ਹੁਣ ਹੋਇਆ ਕੁਝ ਅਜਿਹਾ ਕਿ ਉੱਡ ਗਏ ਹੋਸ਼

ਬਿਜਲੀ ਦਾ ਬਿੱਲ ਦੇਖ ਕੇ ਪੂਜਾ ਬੇਦੀ ਵੀ ਸੁਚੇਤ ਹੈ ਕਿਉਂਕਿ ਉਸ ਦੇ ਬਿੱਲ ਨੇ ਉਸ ਦੇ ਹੋਸ਼ ਉਡਾ ਦਿੱਤੇ ਹਨ।

ਮੁੰਬਈ: ਬਿਜਲੀ ਦੇ ਬਿੱਲਾਂ ਨੇ ਮੁੰਬਈ ‘ਚ ਇਨ੍ਹੀਂ ਦਿਨੀਂ ਸਾਰੇ ਸਿਤਾਰਿਆਂ ਦੀ ਨੀਂਦ ਉਡਾ ਦਿੱਤੀ ਹੈ। ਹਰੇਕ ਦੇ ਬਿੱਲ ਦੁਗਣੇ ਆ ਰਹੇ ਹਨ ਜਿਸ ਕਰਕੇ ਉਨ੍ਹਾਂ ਦੇ ਹੋਸ਼ ਉੱਡ ਗਏ ਹਨ। ਹੁਣ ਪੂਜਾ ਬੇਦੀ ਦੇ ਬਿੱਲ ਨੇ ਉਸ ਦੇ ਹੋਸ਼ ਉਡਾ ਦਿੱਤੇ ਹਨ। ਹਾਲਾਂਕਿ, ਕੁਝ ਦਿਨ ਪਹਿਲਾਂ ਹੀ ਉਹ ਵੀਰ ਦਾਸ ਦੇ ਇੱਕ ਟਵੀਟ ਦਾ ਜਵਾਬ ਦਿੰਦੇ ਹੋਏ ਖੁਸ਼ ਹੋ ਰਹੀ ਸੀ ਅਤੇ ਉਸਨੂੰ ਦੱਸ ਰਹੀ ਸੀ ਕਿ ਬਿਲ ਕਿਵੇਂ ਘੱਟ ਆਉਂਦਾ ਹੈ।

ਅੱਜ ਪੂਜਾ ਬੇਦੀ ਨੇ ਇੱਕ ਹੋਰ ਟਵੀਟ ਕੀਤਾ, ਜਿਸ ਨੇ ਉਸ ਦੇ ਹੋਸ਼ ਉਡਾ ਦਿੱਤੇ ਕਿਉਂਕਿ ਉਸਦਾ ਬਿੱਲ ਆਮ ਬਿੱਲ ਨਾਲੋਂ ਚਾਰ ਗੁਣਾ ਜ਼ਿਆਦਾ ਆਇਆ। ਪੂਜਾ ਨੇ ਵੀਰ ਦਾਸ ਅਤੇ ਟਾਟਾ ਪਾਵਰ ਨੂੰ ਟੈਗ ਕਰਦੇ ਹੋਏ ਟਵੀਟ ਕੀਤਾ, 'ਮੈਂ ਕਹਿਣਾ ਬਹੁਤ ਜਲਦਬਾਜੀ ਕੀਤੀ। ਮੇਰਾ ਬਿਜਲੀ ਬਿੱਲ ਇਸ ਮਹੀਨੇ 8,000 ਰੁਪਏ ਤੋਂ 32250 ਰੁਪਏ ਹੋ ਗਿਆ ਹੈ, ਜਦਕਿ ਮੈਂ ਮੁੰਬਈ ਵਿਚ ਵੀ ਨਹੀਂ ਸੀ। ਕਮਾਲ ਹੈ...'

ਕਾਮੇਡੀਅਨ-ਅਦਾਕਾਰ ਵੀਰ ਦਾਸ ਨੇ 27 ਜੂਨ ਨੂੰ ਇੱਕ ਟਵੀਟ ਕਰਦਿਆਂ ਕਿਹਾ, ਜਿਸ ਵਿੱਚ ਉਸਨੇ ਪੁੱਛਿਆ, "ਮੁੰਬਈ ਵਿੱਚ ਕੋਈ ਅਜਿਹਾ ਹੈ ਜਿਸਦਾ ਬਿੱਲ ਆਮ ਬਿੱਲ ਨਾਲੋਂ ਤਿੰਨ ਗੁਣਾ ਹੈ"। ਅਦਾਕਾਰਾ ਪੂਜਾ ਬੇਦੀ ਨੇ ਜਵਾਬ ਦਿੱਤਾ, 'ਅਸਲ ਵਿੱਚ ਮੇਰਾ ਬਿਜਲੀ ਦਾ ਬਿਲ ਘੱਟ ਗਿਆ ਹੈ ... ਮੇਰਾ ਬਿੱਲ ਟਾਟਾ ਪਾਵਰ ਤੋਂ ਆਇਆ ਹੈ ... ਉਹ ਕਮਾਲ ਦੇ ਹਨ ... ਇੱਕ ਹੋਰ ਗੱਲ, ਐਲਈਡੀ ਬਲਬ ਦੀ ਵਰਤੋਂ ਕਰੋ, ਉਹ ਬਹੁਤ ਬਿਜਲੀ ਬਚਾਉਂਦੇ ਹਨ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904