Sonu Sood ਨੇ ਦਿਖਾਇਆ ਆਪਣਾ ਖਾਸ ਟਰੈਕਟਰ, ਤਾਂ ਐਕਟਰ ਅਭਿਸ਼ੇਕ ਬੱਚਨ ਨੇ ਕੀਤਾ ਕੁਮੈਂਟ
ਦਰਅਸਲ ਸੋਨੂੰ ਜਿਸ ਟਰੈਕਟਰ ਦੀ ਗੱਲ ਕਰ ਰਿਹਾ ਹੈ, ਉਸ ਦੇ ਪਾਰਟਸ ਇੰਨੇ ਢਿੱਲੇ ਹੋ ਗਏ ਹਨ ਕਿ ਹੁਣ ਉਸ ਨੂੰ ਰੱਸੀ ਦੀ ਮਦਦ ਨਾਲ ਹੱਥਾਂ ਨਾਲ ਜ਼ੋਰ ਲਗਾ ਕੇ ਸ਼ਟਾਰਟ ਕਰਨਾ ਪੈਂਦਾ ਹੈ।
ਮੁੰਬਈ: ਮਹਾਂਮਾਰੀ ਦੌਰਾਨ ਲੋਕਾਂ ਦੀ ਮਦਦ ਕਰਕੇ ਮਸੀਹਾ ਕਹੇ ਜਾਣ ਵਾਲੇ ਐਕਟਰ ਸੋਨੂੰ ਸੂਦ ਹਰ ਰੋਜ਼ ਸੋਸ਼ਲ ਮੀਡੀਆ 'ਤੇ ਕੋਈ ਨਾ ਕੋਈ ਮਜ਼ਾਕੀਆ ਪੋਸਟਾਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਹੁਣ ਆਪਣੀ ਤਾਜ਼ਾ ਪੋਸਟ ਵਿੱਚ ਸੋਨੂੰ ਨੇ ਇੱਕ ਬਹੁਤ ਹੀ ਖਾਸ ਟਰੈਕਟਰ ਦੀ ਵੀਡੀਓ ਸਾਂਝੀ ਕੀਤੀ ਹੈ ਜੋ ਸਭ ਤੋਂ ਆਧੁਨਿਕ ਅਤੇ ਆਟੋਸਟਾਰਟ ਤਕਨੀਕ ਨਾਲ ਲੈਸ ਹੈ। ਉਸ ਨੇ ਇਸ ਟਰੈਕਟਰ ਵਿੱਚ ਭਾਰਤ ਦੇ ਲੋਕਾਂ ਲਈ ਮੁਫਤ ਸਵਾਰੀ ਦਾ ਵਿਕਲਪ ਵੀ ਰੱਖਿਆ ਹੈ।
ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਸੋਨੂੰ ਕੋਲ ਵਾਕਈ ਸਭ ਤੋਂ ਐਡਵਾਂਸ ਤਕਨੀਕ ਵਾਲਾ ਟਰੈਕਟਰ ਹੈ, ਤਾਂ ਪਹਿਲਾਂ ਵੀਡੀਓ ਦੇਖੋ। ਦਰਅਸਲ, ਸੋਨੂੰ ਜਿਸ ਟਰੈਕਟਰ ਦੀ ਗੱਲ ਕਰ ਰਿਹਾ ਹੈ, ਉਸ ਦੇ ਪਾਰਟਸ ਇੰਨੇ ਢਿੱਲੇ ਹੋ ਗਏ ਹਨ ਕਿ ਹੁਣ ਉਸ ਨੂੰ ਰੱਸੀ ਦੀ ਮਦਦ ਨਾਲ ਹੱਥ ਨਾਲ ਜ਼ੋਰ ਲਗਾ ਕੇ ਸਟਾਰਟ ਕਰਨਾ ਪੈਂਦਾ ਹੈ। ਉਨ੍ਹਾਂ ਨੇ ਇਸ ਵੀਡੀਓ ਨੂੰ ਲਾਫਿੰਗ ਇਮੋਜੀ ਨਾਲ ਸ਼ੇਅਰ ਕੀਤਾ ਹੈ।
I own the most advanced Tractor ever 🚜 😜
— sonu sood (@SonuSood) December 7, 2021
Autostart Technology 😂
Free ride for everyone 🇮🇳 pic.twitter.com/SPX3IU7GhU
ਵੀਡੀਓ 'ਚ ਟਰੈਕਟਰ ਸਟਾਰਟ ਕਰਨ ਲਈ ਸੋਨੂੰ ਦੇ ਹੱਥ 'ਚ ਰੱਸੀ ਫੜੀ ਦਿਖਾਈ ਦੇ ਰਹੀ ਹੈ। ਉਹ ਕਹਿ ਰਹੇ ਹਨ- 'ਅੱਜ ਅਸੀਂ ਪੰਜਾਬ ਦੇ ਅੰਦਰ ਹਾਂ ਅਤੇ ਇੱਥੇ ਇੱਕ ਬਹੁਤ ਹੀ ਖਾਸ ਟਰੈਕਟਰ ਹੈ ਜਿੱਥੇ ਆਟੋਮੈਟਿਕ ਦੁਨੀਆ ਦਾ ਦੌਰ ਹੈ, ਬਟਨ ਦਬਾਓ ਅਤੇ ਕਾਰ ਸਟਾਰਟ ਹੋ ਜਾਂਦੀ ਹੈ। ਇਸ ਟਰੈਕਟਰ ਦਾ ਬਟਨ ਇਸ ਪੁਲੀ ਦੇ ਅੰਦਰ ਹੈ। ਇਸ ਤੋਂ ਬਾਅਦ ਸੋਨੂੰ ਪੁਲੀ 'ਚ ਰੱਸੀ ਕੱਸਦਾ ਹੈ ਅਤੇ ਫਿਰ ਰੱਸੀ ਨੂੰ ਖਿੱਚ ਕੇ ਟਰੈਕਟਰ ਸਟਾਰਟ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ। ਪਰ ਜਦੋਂ ਟਰੈਕਟਰ ਸਟਾਰਟ ਨਹੀਂ ਹੁੰਦਾ ਤਾਂ ਉਹ ਮਦਦ ਮੰਗਦੇ ਹਨ ਤਾਂ ਦੋਵੇਂ ਮਿਲ ਕੇ ਟਰੈਕਟਰ ਸਟਾਰਟ ਕਰਦੇ ਹਨ।
ਅਭਿਸ਼ੇਕ ਬੱਚਨ ਨੇ ਵੀ ਉਨ੍ਹਾਂ ਦੀ ਇਸ ਵੀਡੀਓ ਦਾ ਮਜ਼ਾ ਲਿਆ ਹੈ। ਆਪਣੇ ਬੌਬ ਬਿਸਵਾਸ ਦੇ ਕਿਰਦਾਰ ਦੀ ਆੜ ਵਿੱਚ ਆਪਣੇ ਜੀਜਾ ਨਿਖਿਲ ਨੰਦਾ ਨੂੰ ਕਿਹਾ, 'ਮੈਂ ਤੁਹਾਨੂੰ ਟਰੈਕਟਰ ਕਾਰੋਬਾਰ ਵਿੱਚ ਸਭ ਤੋਂ ਵਧੀਆ ਆਦਮੀ ਨਾਲ ਸੰਪਰਕ ਕਰਵਾ ਸਕਦਾ ਹਾਂ। @realnikhilnanda ਕੀ ਤੁਸੀਂ ਸੁਣ ਰਹੇ ਹੋ?'
ਇਹ ਵੀ ਪੜ੍ਹੋ: Farmers Protest: ਕਿਸਾਨ ਅੰਦੋਲਨ ਦੇ ਖ਼ਤਮ ਹੋਣ ਦੀ ਉਮੀਦ, ਸਰਕਾਰ ਨੇ ਭੇਜੇ 5 ਪ੍ਰਸਤਾਵ, ਕਿਸਾਨ ਮੋਰਚੇ ਨੇ ਵੀ ਸਪੱਸ਼ਟ ਕੀਤਾ ਆਪਣਾ ਸਟੈਂਡ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
