Diljit Dosanjh: ਦਿਲਜੀਤ ਦੋਸਾਂਝ ਤੋਂ ਬਾਅਦ ਕਰਨ ਜੌਹਰ ਪਿੱਛੇ ਪਈ ਕੰਗਨਾ ਰਣੌਤ, ਇੰਝ ਕੱਢੀ ਭੜਾਸ
Kangana Ranaut On Karan Johar: ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਉਹ ਲਗਾਤਾਰ ਬਾਲੀਵੁੱਡ 'ਤੇ ਨਿਸ਼ਾਨਾ ਸਾਧ ਰਹੀ ਹੈ। ਉਹ ਅਕਸਰ ਬਾਲੀਵੁੱਡ ਦੇ ਮਸ਼ਹੂਰ ਨਿਰਦੇਸ਼ਕ ਕਰਨ ਜੌਹਰ ਨੂੰ ਤਾਅਨੇ ਮਾਰਦੀ ਰਹੀ ਹੈ...
Kangana Ranaut On Karan Johar: ਅਦਾਕਾਰਾ ਕੰਗਨਾ ਰਣੌਤ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਹੈ। ਉਹ ਲਗਾਤਾਰ ਬਾਲੀਵੁੱਡ 'ਤੇ ਨਿਸ਼ਾਨਾ ਸਾਧ ਰਹੀ ਹੈ। ਉਹ ਅਕਸਰ ਬਾਲੀਵੁੱਡ ਦੇ ਮਸ਼ਹੂਰ ਨਿਰਦੇਸ਼ਕ ਕਰਨ ਜੌਹਰ ਨੂੰ ਤਾਅਨੇ ਮਾਰਦੀ ਰਹੀ ਹੈ। ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਇੱਕ ਪੁਰਾਣੇ ਇੰਟਰਵਿਊ ਨੂੰ ਲੈ ਕੇ ਇੱਕ ਵਾਰ ਫਿਰ ਕਰਨ ਜੌਹਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਕੰਗਨਾ ਨੇ ਫਿਲਮਮੇਕਰ ਦੀ ਇੱਕ ਇੰਟਰਵਿਊ ਕਲਿੱਪ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਕਰਨ ਜੌਹਰ ਨੂੰ ਕੰਗਨਾ ਨੂੰ ਕੰਮ ਨਾ ਦੇਣ ਬਾਰੇ ਗੱਲ ਕਰਦੇ ਸੁਣਿਆ ਜਾ ਸਕਦਾ ਹੈ।
ਕਰਨ ਨੇ ਕੰਗਨਾ ਨੂੰ ਕੰਮ ਨਾ ਦੇਣ ਦੀ ਕਹੀ ਸੀ ਗੱਲ...
ਕੰਗਨਾ ਦੁਆਰਾ ਸ਼ੇਅਰ ਕੀਤੀ ਗਈ ਕਰਨ ਜੌਹਰ ਦੀ ਪੁਰਾਣੀ ਵੀਡੀਓ ਕਲਿੱਪ ਕਾਫੀ ਵਾਇਰਲ ਹੋ ਰਹੀ ਹੈ। ਕਰਨ ਨੂੰ ਕਲਿੱਪ ਵਿੱਚ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ, "ਜਦੋਂ ਉਹ (ਕੰਗਨਾ) 'ਮੂਵੀ ਮਾਫੀਆ' ਕਹਿੰਦੀ ਹੈ ਤਾਂ ਉਸਦਾ ਕੀ ਮਤਲਬ ਹੁੰਦਾ ਹੈ ਕਿਉਂਕਿ ਉਹ ਕੀ ਸੋਚਦੇ ਹਨ ਕਿ ਅਸੀਂ ਕੀ ਕਰ ਰਹੇ ਹਾਂ। ਉਨ੍ਹਾਂ ਨੂੰ ਬੈਠਣਾ ਅਤੇ ਕੰਮ ਨਹੀਂ ਦੇਣਾ? ਇਹ ਕੀ ਹੈ ਜੋ ਸਾਨੂੰ ਮਾਫੀਆ ਬਣਾਉਂਦਾ ਹੈ? ਨਹੀਂ, ਅਸੀਂ ਕਰਦੇ ਹਾਂ। ਇਹ ਸਾਡੀ ਆਪਣੀ ਮਰਜ਼ੀ ਨਾਲ ਹੈ। ਮੈਂ ਅਜਿਹਾ ਇਸ ਲਈ ਕਰਦਾ ਹਾਂ ਕਿਉਂਕਿ ਸ਼ਾਇਦ ਮੈਂ ਉਸ ਨਾਲ ਕੰਮ ਕਰਨ ਵਿੱਚ ਦਿਲਚਸਪੀ ਨਹੀਂ ਰੱਖਦਾ ਹਾਂ।"
ਕੰਗਨਾ ਨੇ ਕਰਨ 'ਤੇ ਮਜ਼ਾਕ ਉਡਾਉਣ ਦਾ ਲਗਾਇਆ ਦੋਸ਼...
ਆਪਣੀ ਪਿਛਲੀ ਮੀਡੀਆ ਗੱਲਬਾਤ ਦੌਰਾਨ, ਅਭਿਨੇਤਰੀ ਨੇ ਇਸ ਬਿਆਨ ਦਾ ਜਵਾਬ ਦਿੰਦੇ ਹੋਏ ਕਿਹਾ, "ਆਈਫਾ ਸਟੇਜ 'ਤੇ ਕਰਨ ਨੇ ਮੇਰਾ ਮਜ਼ਾਕ ਕਿਵੇਂ ਉਡਾਇਆ। ਉਸ ਨੇ ਕਿਹਾ ਕਿ ਮੈਂ ਬੇਰੁਜ਼ਗਾਰ ਕਿਵੇਂ ਹਾਂ ਅਤੇ ਨੌਕਰੀ ਲੱਭ ਰਹੀ ਹਾਂ? ਮੇਰਾ ਮਤਲਬ ਹੈ ਕਿ ਮੇਰੀ ਪ੍ਰਤਿਭਾ ਦੇਖੋ ਅਤੇ ਮੇਰੀਆਂ ਫਿਲਮਾਂ ਦੇਖੋ, ਮੇਰਾ ਮਤਲਬ ਅਸਲ ਵਿੱਚ ਹੈ?"
View this post on Instagram
ਕੰਗਨਾ ਨੇ ਐਡਿਟ ਕੀਤਾ ਵੀਡੀਓ ਇੰਸਟਾ 'ਤੇ ਸ਼ੇਅਰ ਕੀਤਾ...
ਅਭਿਨੇਤਰੀ ਦੇ ਫੈਨ ਪੇਜ ਨੇ ਇਨ੍ਹਾਂ ਦੋਵਾਂ ਕਲਿੱਪਾਂ ਦਾ ਇੱਕ ਐਡਿਟ ਕੀਤਾ ਵੀਡੀਓ ਸਾਂਝਾ ਕੀਤਾ ਅਤੇ ਲਿਖਿਆ, "ਮਾਫੀਆ ਜੌਹਰ ਕੰਗਨਾ ਦੇ ਐਪਿਕ ਜਵਾਬ ਦਾ ਇੰਤਜ਼ਾਰ ਕਰੋ।" ਆਪਣੇ ਇੰਸਟਾਗ੍ਰਾਮ ਸਟੋਰੀ ਹੈਂਡਲ 'ਤੇ ਇਸ ਨੂੰ ਸਾਂਝਾ ਕਰਦੇ ਹੋਏ ਕੰਗਨਾ ਨੇ ਅੱਗੇ ਲਿਖਿਆ, "ਚਾਚਾ ਚੌਧਰੀ ਇਨ੍ਹਾਂ ਤੂਛ ਧਮਾਕਿਆ ਲਈ ਤੁਹਾਡਾ ਧੰਨਵਾਦ, ਜਦੋਂ ਮੈਂ ਆਪਣੇ ਆਪ ਨੂੰ ਇੱਕ ਫਿਲਮ ਨਿਰਮਾਤਾ ਅਤੇ ਪ੍ਰੋਡਿਊਸਰ ਵਜੋਂ ਸਥਾਪਤ ਕਰਾਂਗੀ ਤਾਂ ਮੈਂ ਇਹ ਤੁਹਾਡੇ ਚਿਹਰੇ 'ਤੇ ਮਲਾਗੀ।"
ਕਾਬਿਲੇਗੌਰ ਹੈ ਕਿ ਪਿਛਲੇ ਹਫਤੇ ਕੰਗਨਾ ਨੇ ਇੱਕ ਹੋਰ ਪੋਸਟ ਸ਼ੇਅਰ ਕਰਕੇ ਕਰਨ ਜੌਹਰ 'ਤੇ ਉਸ ਨੂੰ ਧਮਕੀ ਦੇਣ ਦਾ ਦੋਸ਼ ਲਗਾਇਆ ਸੀ। ਬਾਅਦ ਵਿੱਚ, ਕੰਗਨਾ ਨੇ ਹਿੰਦੀ ਵਿੱਚ ਇੱਕ ਕਵਿਤਾ ਸਾਂਝੀ ਕਰਦੇ ਹੋਏ, ਉਸ ਦਾ ਮਜ਼ਾਕ ਉਡਾਉਂਦੇ ਹੋਏ ਲਿਖਿਆ, "ਇੱਕ ਸਮਾਂ ਸੀ ਜਦੋਂ ਚਾਚਾ ਚੌਧਰੀ ਅਤੇ ਕੁਲੀਨ ਨੇਪੋ ਮਾਫੀਆ ਲੋਕ ਮੈਨੂੰ ਰਾਸ਼ਟਰੀ ਟੈਲੀਵਿਜ਼ਨ 'ਤੇ ਬੇਇੱਜ਼ਤ ਕਰਦੇ ਸਨ ਅਤੇ ਧਮਕੀਆਂ ਦਿੰਦੇ ਸਨ ਕਿਉਂਕਿ ਮੈਂ ਅੰਗਰੇਜ਼ੀ ਨਹੀਂ ਬੋਲ ਸਕਦੀ ਸੀ। ਅੱਜ ਉਸ ਦੀ ਹਿੰਦੀ ਦੇਖ ਕੇ ਮੈਂ ਸੋਚਿਆ, ਹੁਣ ਤਾਂ ਤੁਹਾਡੀ ਹਿੰਦੀ ਹੀ ਸੁਧਰੀ ਹੈ, ਦੇਖਦੇ ਹਾਂ ਅੱਗੇ ਕੀ ਹੁੰਦਾ ਹੈ। ਦੱਸ ਦੇਈਏ ਕਿ ਕੰਗਨਾ ਅਕਸਰ ਬਾਲੀਵੁੱਡ ਸਿਤਾਰਿਆਂ ਉੱਪਰ ਆਪਣੀ ਭੜਾਸ ਕੱਢਦੇ ਹੋਏ ਦਿਖਾਈ ਦਿੰਦੀ ਹੈ। ਇਸ ਤੋਂ ਪਹਿਲਾਂ ਉਹ ਆਪਣੇ ਟਵੀਟਸ ਰਾਹੀਂ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਪਿੱਛੇ ਪਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
