ਇਸ ਬਿਆਨ ‘ਚ ਕਿਹਾ ਗਿਆ ਹੈ, "ਜਦੋਂ ਸਾਡੇ ਕੋਲ ਚੀਜ਼ਾਂ ਆਉਂਦੀਆਂ ਹਨ ਤਾਂ ਅਸੀਂ ਇੱਕ ਪਰਿਵਾਰ ਦੀ ਤਰ੍ਹਾਂ ਇਕੱਠੇ ਹੋ ਜਾਂਦੇ ਹਾਂ ਤੇ ਅਸੀਂ ਇੱਕ-ਦੂਜੇ ਲਈ ਤੇ ਆਪਣਿਆਂ ਲਈ ਇਸੇ ਤਰ੍ਹਾਂ ਇਕੱਠੇ ਹੁੰਦੇ ਰਹਾਂਗੇ। ਕਿਉਂਕਿ ਅਸੀਂ ਇੱਕ ਨਵੀਂ ਯਾਤਰਾ ਸ਼ੁਰੂ ਕਰ ਰਹੇ ਹਾਂ। ਅਸੀਂ ਬੇਹੱਦ ਨਿੱਜੀ ਹਾਂ ਤੇ ਇਸ ਬਿਆਨ ਨੂੰ ਜਾਰੀ ਕਰਦੇ ਹੋਏ ਸਾਨੂੰ ਅਜੀਬ ਜਿਹਾ ਮਹਿਸੂਸ ਹੋ ਰਿਹਾ ਹੈ। ਅਸੀਂ ਇੱਕ ਪਰਿਵਾਰ ਹਾਂ ਤੇ ਇੱਕ-ਦੂਜੇ ਲਈ ਸਾਡਾ ਪਿਆਰ ਇਸੇ ਤਰ੍ਹਾਂ ਬਣਿਆ ਰਹੇਗਾ ਤੇ ਅਸੀਂ ਇੱਕ-ਦੂਜੇ ਲਈ ਰਹਾਂਗੇ। ਸਭ ਤੋਂ ਮੁੱਖ ਗੱਲ ਕਿ ਸਾਡੇ ਬੱਚੇ ਮਹਾਇਕਾ ਤੇ ਮਾਣਰਾ ਲਈ ਅਸੀਂ ਇੱਕ-ਦੂਜੇ ਲਈ ਖੜ੍ਹੇ ਰਹਾਂਗੇ। ਤੁਹਾਡੇ ਸਾਥ ਲਈ ਧੰਨਵਾਦ। ਰਿਸ਼ਤੇ ਖ਼ਤਮ ਹੋ ਸਕਦੇ ਹਨ, ਪਰ ਪਿਆਰ ਬਣਿਆ ਰਹਿੰਦਾ ਹੈ। ਅਸੀਂ ਇਸ ਬਾਰੇ ਫੇਰ ਕਦੇ ਗੱਲ ਨਹੀਂ ਕਰਾਂਗੇ।"
ਅਰਜੁਨ ਤੇ ਮੇਹਰ ਨੇ ਇਹ ਬਿਆਨ ਇੱਕ-ਦੂਜੇ ਦੀ ਸਹਿਮਤੀ ਨਾਲ ਦਿੱਤਾ ਹੈ। ਦੋਵਾਂ ਨੇ 1998 ‘ਚ ਵਿਆਹ ਕੀਤਾ ਸੀ। ਅਰਜੁਨ (57) ਤੇ ਮੇਹਰ (55) ਦੀਆਂ ਦੋ ਬੇਟੀਆਂ ਹਨ। ਇਸ ਤੋਂ ਪਹਿਲਾਂ ਵੀ 2015 ‘ਚ ਦੋਵਾਂ ਦੇ ਵੱਖ ਹੋਣ ਦੀ ਖ਼ਬਰ ਆਈ ਸੀ ਜਿਸ ਬਾਰੇ ਅਰਜੁਨ ਨੇ ਟਵੀਟ ਕਰਦੇ ਹੋਏ ਇਸ ਨੂੰ ਮਹਿਜ਼ ਅਫਵਾਹ ਕਿਹਾ ਸੀ।
ਫਿਲਹਾਲ ਅਜੇ ਤੱਕ ਇਹ ਸਾਫ ਨਹੀਂ ਕਿ ਇਸ ਕੱਪਲ ਨੇ ਕਾਨੂੰਨੀ ਤੌਰ ‘ਤੇ ਸੈਪਰੈਸ਼ਨ ਲਈ ਅਰਜ਼ੀ ਪਾ ਦਿੱਤੀ ਹੈ ਜਾਂ ਨਹੀਂ ਪਰ ਅਰਜੁਨ ਕਾਫੀ ਸਮੇਂ ਤੋਂ ਪਤਨੀ ਮੇਹਰ ਤੋਂ ਵੱਖ ਰਹੀ ਰਹੇ ਸੀ।