ਅਰਮਾਨ ਕੋਹਲੀ ਆਇਆ ਪੁਲਿਸ ਦੇ ਅੜਿੱਕੇ

ਮੁੰਬਈ: ਬਾਲੀਵੁੱਡ ਅਦਾਕਾਰ ਤੇ 'ਬਿੱਗ ਬੌਸ' ਸੀਜ਼ਨ 7 'ਚ ਹਿੱਸਾ ਲੈ ਚੁੱਕੇ ਅਰਮਾਨ ਕੋਹਲੀ ਨੂੰ ਮੁੰਬਈ ਪੁਲਿਸ ਨੇ ਕੁੱਟਮਾਰ ਦੇ ਦੋਸ਼ 'ਚ ਗ੍ਰਿਫਤਾਰ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਅਰਮਾਨ ਕੋਹਲੀ ਖਿਲਾਫ ਆਪਣੀ ਲਿਵ ਇਨ ਪਾਰਟਨਰ ਨੀਰੂ ਰੰਧਾਵਾ ਨਾਲ ਕੁੱਟਮਾਰ ਅਤੇ ਧਮਕਾਉਣ ਦੇ ਦੋਸ਼ਾਂ ਤਹਿਤ ਮਾਮਲਾ ਦਰਜ ਸੀ। ਨੀਰੂ ਵੱਲੋਂ ਸ਼ਿਕਾਇਤ ਦਰਜ ਕਰਾਏ ਜਾਣ ਤੋਂ ਬਾਅਦ ਪੁਲਿਸ ਅਰਮਾਨ ਦੀ ਭਾਲ ਵਿਚ ਸੀ।

ਜਾਣਕਾਰੀ ਮੁਤਾਬਕ ਅਰਮਾਨ ਕੋਹਲੀ ਨੂੰ ਲੋਨਾਵਲਾ 'ਚ ਉਸਦੇ ਦੋਸਤ ਦੇ ਫਾਰਮ ਹਾਊਸ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਹਾਲਾਕਿ ਉਨ੍ਹਾਂ ਦੇ ਪਿਤਾ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਸੀ ਕਿ ਉਨ੍ਹਾਂ ਨੂੰ ਅਰਮਾਨ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।

ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਅਰਮਾਨ ਦੀ ਪ੍ਰੇਮਿਕਾ ਨੀਰੂ ਨੇ ਅਰਮਾਨ ਖਿਲਾਫ ਸ਼ਾਂਤਾ ਕਰੂਜ਼ ਪੁਲਿਸ ਸਟੇਸ਼ਨ ਸ਼ਿਕਾਇਤ ਦਰਜ ਕਰਵਾਈ ਸੀ। ਪੁਲਿਸ ਨੇ ਆਈਪੀਸੀ ਸੈਕਸ਼ਨ 323, 326, 504 ਤੇ 506 ਤਹਿਤ ਮਾਮਲਾ ਦਰਜ ਕੀਤਾ ਸੀ।

ਦੋਵਾਂ ‘ਚ ਕੁਝ ਆਰਥਿਕ ਹਾਲਾਤ ਕਾਰਨ ਦਿੱਕਤਾਂ ਚਲ ਰਹੀਆਂ ਸੀ। ਇਸ ਕਾਰਨ ਅਰਮਾਨ ਆਪਣੇ ਗੁੱਸੇ ‘ਤੇ ਕਾਬੂ ਨਹੀਂ ਪਾ ਸਕੇ ਤੇ ਨੀਰੂ ਨੂੰ ਪੋੜੀਆਂ ਤੋਂ ਧੱਕਾ ਦੇ ਦਿੱਤਾ, ਜਿਸ ਕਰਕੇ ਨੀਰੂ ਦੇ ਸਿਰ ‘ਤੇ ਸੱਟ ਲੱਗੀ ਸੀ।

ਦੱਸ ਦਈਏ ਕਿ ਅਰਮਾਨ ਦੇ ਪਾਪਾ ਤੇ ਫ਼ਿਲਮਮੇਕਰ ਰਾਜਕੁਮਾਰ ਕੋਹਲੀ ਨੇ ਉਸ ਨੂੰ 1992 ‘ਚ ਫ਼ਿਲਮ ‘ਵਿਰੋਧ’ ‘ਚ ਲਾਂਚ ਕੀਤਾ ਸੀ। ਇਸ ਤੋਂ ਬਾਅਦ ਵੀ ਉਸ ਨੇ ਕਈ ਫ਼ਿਲਮਾਂ ‘ਚ ਕੰਮ ਕੀਤਾ ਪਰ ਕੋਈ ਮੁਕਾਮ ਹਾਸਲ ਨਾ ਕਰ ਸਕਿਆ। ਇਸ ਤੋਂ ਬਾਅਦ ਉੁਹ 2013 ‘ਚ ਸਲਮਾਨ ਦੇ ਮਸ਼ਹੂਰ ਸ਼ੋਅ ਬਿੱਗ-ਬੌਸ ‘ਚ ਵੀ ਨਜ਼ਰ ਆਇਆ ਸੀ।

ਇਸ ਸ਼ੋਅ ‘ਚ ਅਰਮਾਨ ਦੀ ਨਜ਼ਦੀਕੀ ਕਾਜੋਲ ਦੀ ਭੈਣ ਤਨੀਸ਼ਾ ਮੁਖਰਜੀ ਨਾਲ ਵਧ ਗਈਆਂ ਸੀ ਪਰ ਕੁਝ ਸਮੇਂ ਬਾਅਦ ਹੀ ਦੋਨੋਂ ਵੱਖ ਹੋ ਗਏ।