Radhika Apte Slap South Actor: ਬਾਲੀਵੁੱਡ ਅਦਾਕਾਰਾ ਰਾਧਿਕਾ ਆਪਟੇ ਨੇ ਬਾਲੀਵੁੱਡ 'ਚ ਕਈ ਸ਼ਾਨਦਾਰ ਫਿਲਮਾਂ ਅਤੇ ਵੈੱਬ ਸੀਰੀਜ਼ 'ਚ ਕੰਮ ਕੀਤਾ ਹੈ। ਦੱਸ ਦੇਈਏ ਕਿ ਰਾਧਿਕਾ ਅੱਜ ਆਪਣਾ 39ਵਾਂ ਜਨਮਦਿਨ ਮਨਾ ਰਹੀ ਹੈ। ਅਦਾਕਾਰਾ ਦਾ ਜਨਮ 7 ਸਤੰਬਰ 1985 ਨੂੰ ਵੇਲੋਰ, ਤਾਮਿਲਨਾਡੂ ਵਿੱਚ ਹੋਇਆ ਸੀ। ਅੱਜ ਅਸੀ ਤੁਹਾਨੂੰ ਅਦਾਕਾਰਾ ਅਤੇ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਦਿਲਚਸਪ ਗੱਲਾਂ।
ਰਾਧਿਕਾ ਆਪਟੇ ਦਾ ਜਨਮ ਇੱਕ ਮਰਾਠੀ ਬ੍ਰਾਹਮਣ ਪਰਿਵਾਰ ਵਿੱਚ ਹੋਇਆ। ਉਸ ਦੇ ਪਿਤਾ ਅਤੇ ਮਾਤਾ ਵੇਲੋਰ ਵਿੱਚ ਪੜ੍ਹਦੇ ਸਨ ਅਤੇ ਡਾਕਟਰਾਂ ਵਜੋਂ ਕੰਮ ਕਰਦੇ ਸਨ। ਅਦਾਕਾਰਾ ਦੇ ਪਿਤਾ ਨਿਊਰੋਸਰਜਨ ਹਨ। ਉਥੇ ਹੀ, ਰਾਧਿਕਾ ਨੇ ਪੁਣੇ ਤੋਂ ਮੈਥਸ ਅਤੇ ਇਕਨਾਮਿਕਸ ਵਿੱਚ ਗ੍ਰੈਜੂਏਸ਼ਨ ਕੀਤੀ ਹੈ। ਅਦਾਕਾਰਾ ਕਥਕ ਡਾਂਸ ਵਿੱਚ ਵੀ ਮਾਹਿਰ ਹੈ। ਇਸ ਸਭ ਤੋਂ ਇਲਾਵਾ ਉਹ ਬਾਅਦ ਵਿਚ ਪੁਣੇ ਵਿਚ ਥੀਏਟਰ ਵਿਚ ਸ਼ਾਮਲ ਹੋ ਗਈ, ਜਿੱਥੇ ਉਸ ਨੂੰ 8 ਤੋਂ 10 ਹਜ਼ਾਰ ਰੁਪਏ ਮਿਲੇ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਮੁੰਬਈ ਜਾ ਕੇ ਐਕਟਿੰਗ 'ਚ ਕਰੀਅਰ ਬਣਾਉਣ ਦਾ ਫੈਸਲਾ ਕੀਤਾ।
ਰਾਧਿਕਾ ਆਪਟੇ ਫਿਲਮਾਂ ਅਤੇ ਸੀਰੀਜ਼
ਅਭਿਨੇਤਰੀ ਨੇ ਹਿੰਦੀ ਫਿਲਮ ਵਾਹ ਲਾਈਫ ਹੋ ਤੋ ਐਸੀ ਨਾਲ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਫਿਲਮ 'ਚ ਉਨ੍ਹਾਂ ਨੂੰ ਛੋਟਾ ਜਿਹਾ ਰੋਲ ਮਿਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਬੰਗਾਲੀ ਫਿਲਮਾਂ ਅੰਤਹੀ, ਆਈ ਐਮ, ਤੁਕਾਰਾਮ ਵਿੱਚ ਕੰਮ ਕੀਤਾ। ਅਦਾਕਾਰਾ ਸਾਊਥ ਫਿਲਮ ਲੀਜੈਂਡ, ਵੇਤਰੀ ਸੇਲਵਨ ਵਰਗੀਆਂ ਫਿਲਮਾਂ ਵਿੱਚ ਵੀ ਨਜ਼ਰ ਆਈ। ਇਸ ਤੋਂ ਇਲਾਵਾ ਉਹ ਸ਼ੋਰ ਇਨ ਦਿ ਸਿਟੀ, ਬਦਲਾਪੁਰ, ਹੰਟਰ, ਪੈਡਮੈਨ, ਮਾਝੀ ਦਿ ਮਾਊਂਟੇਨ ਮੈਨ, ਅੰਧਾਧੁਨ ਵਰਗੀਆਂ ਕਈ ਬਾਲੀਵੁੱਡ ਫਿਲਮਾਂ 'ਚ ਨਜ਼ਰ ਆ ਚੁੱਕੀ ਹੈ। ਉਹ ਸੈਕਰਡ ਗੇਮਜ਼ ਵਰਗੀ ਸਫਲ ਵੈੱਬ ਸੀਰੀਜ਼ ਵਿੱਚ ਵੀ ਨਜ਼ਰ ਆ ਚੁੱਕੀ ਹੈ।
ਰਾਧਿਕਾ ਆਪਟੇ ਨੇ ਸਾਊਥ ਅਦਾਕਾਰ ਨੂੰ ਮਾਰਿਆ ਸੀ ਥੱਪੜ
ਇਸ ਦੇ ਨਾਲ ਹੀ ਅਭਿਨੇਤਰੀ ਨੇ ਇੱਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਸੀ ਕਿ ਸਾਊਥ ਫਿਲਮਾਂ 'ਚ ਕੰਮ ਕਰਦੇ ਸਮੇਂ ਉਨ੍ਹਾਂ ਨੇ ਇੱਕ ਐਕਟਰ ਨੂੰ ਥੱਪੜ ਮਾਰਿਆ ਸੀ। ਅਸਲ 'ਚ ਉਨ੍ਹਾਂ ਨੇ ਦੱਸਿਆ ਕਿ ਇੱਕ ਦਿਨ ਸੈੱਟ 'ਤੇ ਸ਼ੂਟਿੰਗ ਦੌਰਾਨ ਅਚਾਨਕ ਸਾਊਥ ਐਕਟਰ ਨੇ ਉਨ੍ਹਾਂ ਦੇ ਪੈਰਾਂ 'ਚ ਗੁਦਗੁਦੀ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਮੈਨੂੰ ਇੰਨਾ ਗੁੱਸਾ ਆਇਆ ਕਿ ਮੈਂ ਉਨ੍ਹਾਂ ਦੀ ਗੱਲ 'ਤੇ ਥੱਪੜ ਮਾਰ ਦਿੱਤਾ। ਅਦਾਕਾਰਾ ਨੇ ਕਿਹਾ ਕਿ ਉਹ ਪਹਿਲੀ ਵਾਰ ਅਭਿਨੇਤਾ ਨੂੰ ਮਿਲੀ ਸੀ ਅਤੇ ਉਹ ਉਸ ਨੂੰ ਜਾਣਦੀ ਨਹੀਂ ਸੀ, ਜਿਸ ਕਾਰਨ ਉਹ ਅਜਿਹਾ ਵਿਵਹਾਰ ਬਰਦਾਸ਼ਤ ਨਹੀਂ ਕਰ ਸਕੀ।
ਰਾਧਿਕਾ ਆਪਟੇ ਨੇਟਵਰਥ
ਰਾਧਿਕਾ ਦੀ ਸੰਪਤੀ ਦੀ ਗੱਲ ਕਰੀਏ ਤਾਂ ਅੱਜ ਉਹ ਕਰੋੜਾਂ ਦੀ ਜਾਇਦਾਦ ਦੀ ਮਾਲਕਣ ਹੈ। ਖਬਰਾਂ ਮੁਤਾਬਕ ਅਦਾਕਾਰਾ 66 ਕਰੋੜ ਰੁਪਏ ਦੀ ਜਾਇਦਾਦ ਦੀ ਮਾਲਕਣ ਹੈ। ਉਸ ਦੇ ਘਰ ਦੀ ਕੀਮਤ ਵੀ ਕਰੋੜਾਂ 'ਚ ਹੈ। ਇਸ ਤੋਂ ਇਲਾਵਾ ਉਸ ਕੋਲ Audi A4, Volkswagen Tiguan ਅਤੇ BMW X2 ਵਰਗੀਆਂ ਕਈ ਲਗਜ਼ਰੀ ਕਾਰਾਂ ਹਨ।