ਆਮਿਰ ਖਾਨ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਲਾਲ ਸਿੰਘ ਚੱਢਾ' ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਵਿਵਾਦਾਂ 'ਚ ਘਿਰ ਚੁੱਕੀ ਹੈ। ਭਾਰਤ 'ਚ ਇਸ ਫਿਲਮ ਦਾ ਬਾਈਕਾਟ ਕੀਤਾ ਜਾ ਰਿਹਾ ਹੈ ਪਰ ਵਿਦੇਸ਼ਾਂ 'ਚ ਇਹ ਫਿਲਮ ਕਾਫੀ ਕਮਾਈ ਕਰ ਰਹੀ ਹੈ। ਆਮਿਰ ਖਾਨ ਦੀ ਫੈਨ ਫਾਲੋਇੰਗ ਭਾਰਤ 'ਚ ਹੀ ਨਹੀਂ ਵਿਦੇਸ਼ਾਂ 'ਚ ਵੀ ਹੈ ਅਤੇ ਫਿਲਮ ਦੀ ਕਮਾਈ ਉਸੇ ਫੈਨ ਫਾਲੋਇੰਗ ਦਾ ਨਤੀਜਾ ਹੈ।
ਭਾਰਤ ਵਿੱਚ ਫਿਲਮ ਦੀ ਕਮਾਈ ਦੀ ਰਫ਼ਤਾਰ ਹੌਲੀ
ਭਾਰਤ 'ਚ 'ਲਾਲ ਸਿੰਘ ਚੱਢਾ' ਦੀ ਬਾਕਸ ਆਫਿਸ 'ਤੇ ਹੌਲੀ ਸ਼ੁਰੂਆਤ ਹੋਈ ਹੈ। ਹਾਲਾਂਕਿ ਉਮੀਦ ਹੈ ਕਿ ਇਹ ਫਿਲਮ ਜਲਦੀ ਹੀ ਆਪਣੀ ਰਫਤਾਰ ਫੜ ਲਵੇਗੀ। ਫਿਲਮ ਨੂੰ ਪਹਿਲੇ ਦਿਨ ਹੀ ਵੱਡਾ ਝਟਕਾ ਲੱਗਾ। ਰਿਲੀਜ਼ ਦੇ ਪਹਿਲੇ ਦਿਨ ਫਿਲਮ ਨੇ ਬਾਕਸ ਆਫਿਸ 'ਤੇ ਸਿਰਫ 11 ਕਰੋੜ 70 ਲੱਖ ਰੁਪਏ ਦਾ ਕਾਰੋਬਾਰ ਕੀਤਾ ਸੀ। ਉਥੇ ਹੀ ਦੂਜੇ ਦਿਨ ਇਸ ਫਿਲਮ ਦੀ ਕਮਾਈ 'ਚ ਕੁਝ ਕਮੀ ਆਈ ਹੈ। ਫਿਲਮ ਨੇ ਦੂਜੇ ਦਿਨ ਸਿਰਫ 7.26 ਕਰੋੜ ਦੀ ਕਮਾਈ ਕੀਤੀ ਅਤੇ ਤੀਜੇ ਦਿਨ ਫਿਲਮ ਨੇ ਕੁੱਲ 9 ਕਰੋੜ ਦੀ ਕਮਾਈ ਕੀਤੀ ਪਰ ਇਸ ਫਿਲਮ ਬਾਰੇ ਹੈਰਾਨ ਕਰਨ ਵਾਲੇ ਅੰਕੜੇ ਹਨ, ਜੋ ਵਿਦੇਸ਼ੀ ਧਰਤੀ ਤੋਂ ਆ ਰਹੇ ਹਨ।
ਇਹ ਫਿਲਮ ਵਿਦੇਸ਼ਾਂ 'ਚ ਭਰਪੂਰ ਕਮਾਈ ਕਰ ਰਹੀ ਹੈ
ਵਿਦੇਸ਼ਾਂ ਦੇ ਸਿਨੇਮਾਘਰਾਂ 'ਚ ਆਮਿਰ ਦੇ ਚਹੇਤਿਆਂ ਦੀ ਭੀੜ ਹੈ। ਦੁਨੀਆਂ ਭਰ ਵਿੱਚ ਉਨ੍ਹਾਂ ਨੂੰ ਪਿਆਰ ਕਰਨ ਵਾਲੇ ਲੋਕ ਹਨ। ਭਾਰਤ 'ਚ ਭਾਵੇਂ ਇਹ ਫਿਲਮ ਬਾਕਸ ਆਫਿਸ 'ਤੇ ਕੋਈ ਖਾਸ ਕਮਾਲ ਨਹੀਂ ਦਿਖਾ ਸਕੀ ਪਰ ਵਿਦੇਸ਼ਾਂ 'ਚ ਇਹ ਜ਼ਬਰਦਸਤ ਕਮਾਈ ਕਰ ਰਹੀ ਹੈ। ਰਿਲੀਜ਼ ਦੇ ਪਹਿਲੇ ਦਿਨ ਯਾਨੀ ਵੀਰਵਾਰ ਨੂੰ ਫਿਲਮ ਨੇ 8.20 ਕਰੋੜ ਦੀ ਕਮਾਈ ਕੀਤੀ, ਦੂਜੇ ਦਿਨ ਫਿਲਮ ਨੇ 13.40 ਕਰੋੜ, ਤੀਜੇ ਦਿਨ ਫਿਲਮ ਨੇ 9.40 ਕਰੋੜ ਅਤੇ ਚੌਥੇ ਦਿਨ ਫਿਲਮ ਨੇ 13.25 ਕਰੋੜ ਦੀ ਕਮਾਈ ਕੀਤੀ। ਇਸ ਤਰ੍ਹਾਂ ਵਿਦੇਸ਼ਾਂ 'ਚ ਇਸ ਫਿਲਮ ਦੀ ਕੁੱਲ ਕਮਾਈ ਹੁਣ ਤੱਕ 43.25 ਕਰੋੜ ਰੁਪਏ ਹੋ ਗਈ ਹੈ।
2022 ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ
Boxofficeworldwide.com ਦੀ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਫਿਲਮ 'ਲਾਲ ਸਿੰਘ ਚੱਢਾ' ਵਿਦੇਸ਼ਾਂ 'ਚ ਧਮਾਲਾਂ ਪਾ ਕੇ ਲੋਕਾਂ ਦਾ ਪਿਆਰ ਹਾਸਲ ਕਰ ਰਹੀ ਹੈ ਅਤੇ ਰਿਲੀਜ਼ ਦੇ ਸਿਰਫ 4 ਦਿਨਾਂ ਦੇ ਅੰਦਰ ਹੀ ਇਹ ਫਿਲਮ ਸਾਲ 2022 ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਵਿਦੇਸ਼ਾਂ 'ਚ ਫਿਲਮ ਦੀ ਕਮਾਈ ਨੇ ਭਾਰਤੀ ਬਾਕਸ ਆਫਿਸ ਦੀ ਕਮਾਈ ਨੂੰ ਕਾਫੀ ਪਿੱਛੇ ਛੱਡ ਦਿੱਤਾ ਹੈ।