Bigg Boss 15 ‘ਚ ਹੋਵੇਗਾ ਸੁਰਾਂ ਦਾ ਧਮਾਲ, ਪੰਜਾਬੀ ਗਾਇਕ Afsana Khan ਤੋਂ ਬਾਅਦ Akasa Singh ਦਾ ਨਾਂ ਫਾਈਨਲ
ਅਕਾਸਾ ਦਾ ਨਾਮ ਨਾਨ-ਫਿਕਸ਼ਨ ਦੀ ਦੁਨੀਆ ਲਈ ਨਵਾਂ ਨਹੀਂ। ਉਹ 2014 ਵਿੱਚ ਸਿੰਗਿੰਗ ਰਿਐਲਿਟੀ ਸ਼ੋਅ 'ਇੰਡੀਆਜ਼ ਰਾਅ ਸਟਾਰ' ਦਾ ਵੀ ਹਿੱਸਾ ਰਹੀ ਹੈ। ਉਸਨੂੰ ਫਿਲਮ 'ਸਨਮ ਤੇਰੀ ਕਸਮ' ਵਿੱਚ ਇੱਕ ਗੀਤ ਗਾਉਣ ਦਾ ਮੌਕਾ ਦਿੱਤਾ ਸੀ।
ਚੰਡੀਗੜ੍ਹ: ਸਲਮਾਨ ਖਾਨ (Salman Khan) ਦਾ ਸਭ ਤੋਂ ਵਿਵਾਦਤ ਸ਼ੋਅ ਬਿੱਗ ਬੌਸ 15 (Bigg Boss 15) ਜਲਦੀ ਹੀ ਟੀਵੀ ਉੱਤੇ ਸ਼ੁਰੂ ਹੋਣ ਜਾ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਸ਼ੋਅ ਵਿੱਚ ਸ਼ਾਮਲ ਹੋਣ ਵਾਲੇ ਪ੍ਰਤੀਯੋਗੀਆਂ ਦੇ ਨਾਂ ਵੀ ਇੱਕ-ਇੱਕ ਕਰਕੇ ਸਾਹਮਣੇ ਆਉਣ ਲੱਗ ਪਏ ਹਨ।
ਕੁਝ ਸਮਾਂ ਪਹਿਲਾਂ ਅਸੀਂ ਤੁਹਾਨੂੰ ਦੱਸਿਆ ਸੀ ਕਿ 'ਤਿਤਲੀਆਂ' ਫੇਮ ਪੰਜਾਬੀ ਗਾਇਕਾ ਅਫਸਾਨਾ ਖਾਨ (Afsana Khan) ਇਸ ਸ਼ੋਅ ਦਾ ਹਿੱਸਾ ਬਣਨ ਜਾ ਰਹੀ ਹੈ, ਇਸ ਲਈ ਹੁਣ ਇੱਕ ਹੋਰ ਗਾਇਕ ਅਕਾਸਾ ਸਿੰਘ (Akasa Singh) ਦਾ ਨਾਂ ਵੀ ਇਸ ਵਿੱਚ ਸ਼ਾਮਲ ਹੋ ਗਿਆ ਹੈ। ਟਾਈਮਜ਼ ਆਫ਼ ਇੰਡੀਆ ਦੀ ਖ਼ਬਰ ਅਨੁਸਾਰ ਅਕਾਸਾ ਬਿੱਗ ਬੌਸ ਦੇ ਘਰ ਵਿੱਚ ਵੀ ਨਜ਼ਰ ਆਵੇਗੀ।
View this post on Instagram
ਅਕਾਸਾ ਦਾ ਨਾਮ ਨਾਨ-ਫਿਕਸ਼ਨ ਦੀ ਦੁਨੀਆ ਲਈ ਨਵਾਂ ਨਹੀਂ। ਉਹ 2014 ਵਿੱਚ ਸਿੰਗਿੰਗ ਰਿਐਲਿਟੀ ਸ਼ੋਅ 'ਇੰਡੀਆਜ਼ ਰਾਅ ਸਟਾਰ' ਦਾ ਵੀ ਹਿੱਸਾ ਰਹੀ ਹੈ। ਇਸ ਸ਼ੋਅ ਵਿੱਚ ਉਨ੍ਹਾਂ ਦੇ ਗੁਰੂ ਹਿਮੇਸ਼ ਰੇਸ਼ਮੀਆ ਸੀ ਜਿਨ੍ਹਾਂ ਉਸਨੂੰ ਫਿਲਮ 'ਸਨਮ ਤੇਰੀ ਕਸਮ' ਵਿੱਚ ਇੱਕ ਗੀਤ ਗਾਉਣ ਦਾ ਮੌਕਾ ਦਿੱਤਾ ਸੀ। ਅਕਾਸਾ ਨੇ ਇਸ ਫਿਲਮ ਵਿੱਚ ਗਾਣਾ 'ਤੂੰ ਖੀਂਚ ਮੇਰੀ ਫੋਟੋ' ਗਾਇਆ ਜੋ ਕਿ ਬਹੁਤ ਹਿੱਟ ਹੋਇਆ ਸੀ। ਇਸ ਤੋਂ ਇਲਾਵਾ ਆਸਥਾ ਗਿੱਲ ਦੇ ਨਾਲ ਨਾਗਿਨ ਗੀਤ ਵਿੱਚ ਵੀ ਅਕਾਸਾ ਨਜ਼ਰ ਆਈ ਸੀ। ਇਹ ਗਾਣਾ ਵੀ ਬਹੁਤ ਮਸ਼ਹੂਰ ਹੋਇਆ।
ਹਾਲਾਂਕਿ, ਅਜੇ ਤੱਕ ਇਸ ਮਾਮਲੇ ਵਿੱਚ ਅਕਾਸਾ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ। ਪਰ ਉਨ੍ਹਾਂ ਦੇ ਨਾਮ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਸ ਵਾਰ ਬਿੱਗ ਬੌਸ ਸ਼ੋਅ ਦੀ ਥੀਮ ਜੰਗਲ ਹੈ। ਸ਼ੋਅ ਦੇ ਅਰੰਭ ਵਿੱਚ ਕੁਝ ਕਬੀਲੇ ਦਿਖਾਈ ਦੇਣਗੇ, ਜਿਸ ਵਿੱਚ ਰੁਬੀਨਾ ਦਿਲੈਕ, ਗੌਹਰ ਖਾਨ ਤੇ ਸ਼ਵੇਤਾ ਤਿਵਾੜੀ ਕਬੀਲੇ ਦੇ ਸਰਦਾਰ ਵਜੋਂ ਨਜ਼ਰ ਆਉਣਗੇ। ਪਿਛਲੇ ਸੀਜ਼ਨ ਵਿੱਚ ਵੀ, ਸਿਧਾਰਥ ਸ਼ੁਕਲਾ, ਹਿਨਾ ਖਾਨ ਤੇ ਗੌਹਰ ਖਾਨ ਕੁਝ ਸਮੇਂ ਲਈ ਸੀਨੀਅਰ ਵਜੋਂ ਸ਼ੋਅ ਵਿੱਚ ਸ਼ਾਮਲ ਹੋਏ ਸਨ।
TOI ਅਨੁਸਾਰ, ਅਕਾਸਾ ਤੋਂ ਇਲਾਵਾ, ਕਰਨ ਕੁੰਦਰਾ, ਤੇਜਸ਼ਵੀ ਪ੍ਰਕਾਸ਼, ਵਿਸ਼ਾਲ ਕੋਟਿਅਨ, ਸਿੰਬਾ ਨਾਗਪਾਲ, ਡੋਨਲ ਬਿਸ਼ਟ ਅਤੇ ਪੰਜਾਬੀ ਗਾਇਕ ਅਫਸਾਨਾ ਖਾਨ ਨੂੰ ਸ਼ੋਅ ਦੇ ਬਿੱਗ ਬੌਸ 15 ਦੇ ਪ੍ਰਤੀਯੋਗੀ ਲਈ ਫਾਈਨਲ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਭਾਰਤ ਅਕਤੂਬਰ ਤੋਂ ਵੈਕਸੀਨ ਦਾ ਨਿਰਯਾਤ ਸ਼ੁਰੂ ਕਰੇਗਾ, WHO ਨੇ ਸਿਹਤ ਮੰਤਰੀ ਮਨਸੁਖ ਮਾਂਡਵਿਆ ਨੂੰ ਆਖਿਆ ਧੰਨਵਾਦ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
