ਜਨਮ ਦਿਨ ‘ਤੇ ਦਿਲਜੀਤ ਨੇ ਦਿੱਤਾ ਆਪਣੇ ਫੈਨਜ਼ ਨੂੰ ਤੋਹਫ਼ਾ, ਜਲਦ ਆ ਰਹੀ ‘ਈਪੀ’

ਜਨਮ ਦਿਨ ਦੇ ਖਾਸ ਮੌਕੇ ‘ਤੇ ਦਿਲਜੀਤ ਦੋਸਾਂਝ ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਫੈਨਜ਼ ਨਾਲ ਇਹ ਖਾਸ ਖਬਰ ਸਾਂਝੀ ਕੀਤੀ। ਇਸ ਦੇ ਨਾਲ ਹੀ ਦਿਲਜੀਤ ਨੇ ਇਸ ਈਪੀ ਦਾ ਟਾਈਟਲ ਵੀ ਸ਼ੇਅਰ ਕੀਤਾ ਹੈ।

diljit-dosanjh

Diljit New Ep: ਐਲਬਮ (Moon Child Era) ਨਾਲ ਦੇਸ਼-ਦੁਨੀਆ ‘ਚ ਧੁਮ ਮਚਾਉਣ ਵਾਲੇ ਦਿੱਗਜ ਗਾਇਕ ਤੇ ਅਦਾਕਾਰ ਮਿਊਜ਼ਿਕ ਤੇ ਫਿਲਮ ਇੰਡੱਸਟਰੀ ਦੇ ‘ਸਰਦਾਰ ਜੀ’ ਦਿਲਜੀਤ ਦੋਸਾਂਝ ਜੋ ਅੱਜ ਆਪਣਾ 37ਵਾਂ ਜਨਮਦਿਨ ਮਨਾ ਰਹੇ ਹਨ। ਪੌਲੀਵੁੱਡ ਸਮੇਤ ਬੌਲੀਵੁੱਡ ‘ਚ ਵੀ ਛਾਉਣ ਵਾਲੇ The One and Only ਦਿਲਜੀਤ ਨੇ ਇੱਕ ਵਾਰ ਫੇਰ ਸੋਸ਼ਲ ਮੀਡੀਆ ‘ਤੇ ਤਹਿਲਕਾ ਮਚਾ ਦਿੱਤਾ ਹੈ। ਜੀ ਹਾਂ ਇੱਕ ਵਾਰ ਫੇਰ ਦਿਲਜੀਤ ਫੈਨਜ਼ ਦੇ ਦਿਲਾਂ ‘ਤੇ ਜਾਦੂ ਚਲਾਉਣ ਲਈ ਤਿਆਰ ਹਨ ਪਰ ਇਸ ਵਾਰ ਦਿਲਜੀਤ ਕਿਸੇ ਗਾਣੇ, ਐਲਬਮ ਜਾਂ ਫਿਲਮ ਲਈ ਨਹੀਂ ਬਲਕਿ ਆਪਣੇ ਫੈਨਜ਼ ਲਈ ਲੈ ਕੇ ਆਏ ਹਨ ਈਪੀ (Extended Play)।  

ਜਨਮ ਦਿਨ ਦੇ ਖਾਸ ਮੌਕੇ ‘ਤੇ ਦਿਲਜੀਤ ਦੋਸਾਂਝ ਨੇ ਆਪਣੇ ਸੋਸ਼ਲ ਮੀਡੀਆ ‘ਤੇ ਫੈਨਜ਼ ਨਾਲ ਇਹ ਖਾਸ ਖਬਰ ਸਾਂਝੀ ਕੀਤੀ। ਇਸ ਦੇ ਨਾਲ ਹੀ ਦਿਲਜੀਤ ਨੇ ਇਸ ਈਪੀ ਦਾ ਟਾਈਟਲ ਵੀ ਸ਼ੇਅਰ ਕੀਤਾ ਹੈ। ਇੰਸਟਾਗ੍ਰਾਮ ‘ਤੇ ਇੱਕ ਪੋਸਟ ਪਾ ਕੇ ਸਟਾਰ ਦਿਲਜੀਤ ਨੇ ਆਉਣ ਵਾਲੀ ਈਪੀ (Extended Play) ਦਾ ਟਾਈਟਲ ਸ਼ੇਅਰ ਕੀਤਾ ਹੈ ਜੋ ਕਿ ਹੈ- Drive Thru

ਦਸ ਦਈਏ ਕਿ ਈਪੀ ਯਾਨੀ Extended Play ਐਲਬਮ ਤੋਂ ਛੋਟੀ ਹੁੰਦੀ ਹੈ ਜਿਸ ‘ਚ 5 ਤੋਂ 7 ਤੱਕ  ਮਿਊਜ਼ਿਕ ਟ੍ਰੈਕਸ ਹੁੰਦੇ ਹਨ ਤੇ ਦਿਲਜੀਤ ਤੇ ਬਰਥਡੇਅ ਮੌਕੇ ਈਪੀ ਅਨਾਊਂਸ ਕਰਕੇ ਵੱਡਾ ਸਰਪ੍ਰਾਈਜ਼ ਦਿੱਤਾ ਹੈ। ਦਿਲਜੀਤ ਨੇ ਜਿੱਥੇ ਈਪੀ ਦਾ ਨਾਮ ਦੱਸਿਆ ਉੱਥੇ ਹੀ ਟ੍ਰੈਕਲਿਸਟ ਦੇ ਹਿੰਟ ਵੀ ਸ਼ੇਅਰ ਕੀਤੇ ਹਨ ਇਸ ਦੇ ਨਾਲ ਹੀ ਸਟਾਰ ਦਿਲਜੀਤ ਨੇ ਇਸ ‘ਚ  ਮਿਊਜ਼ਿਕ ਪ੍ਰੋਡਿਊਸਰ ਇੰਟੈਂਸ, ਲਿਰੀਸਿਸਟ (Lyricist) ਰਾਜ ਰਣਜੋਧ ਅਤੇ ਚੰਨੀ ਨੱਟਾਂ ਨੂੰ ਵੀ ਟੈਗ ਕੀਤਾ ਹੈ ਜੋ ਕਿ ਇਸ ਈਪੀ ਲਈ ਕੰਮ ਕਰ ਰਹੇ ਹਨ।

‘ਦੋਸਾਂਝਾ ਵਾਲੇ’ ਵੱਲੋਂ ਸ਼ੇਅ ਕੀਤੇ ਬਰਥਡੇਅ ਸਰਪ੍ਰਾਈਜ਼ ਨੇ ਫੈਨਜ਼ ਦੀ ਐਕਸਾਈਟਮੈਂਟ ਹੋਰ ਵਧਾ ਕੇ ਰੱਖ ਦਿੱਤੀ ਹੈ ਜੋ ਕਿ ਕਮੈਂਟ ਸੈਕਸ਼ਨ ‘ਚ ਸਾਫ ਵੇਖੀ ਜਾ ਸਕਦੀ ਹੈ ਸੋ ਤੁਸੀਂ ਵੀ ਤਿਆਰ ਹੋ ਜਾਓ ਇੱਕ ਵਾਰ ਫੇਰ ਦਿਲਜੀਤ ਦੇ ਗਾਣਿਆਂ ਤੇ ਝੂਮਣ ਲਈ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

 

 

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904