Dream Girl 2 Box Office Collection day 9: ਆਯੁਸ਼ਮਾਨ ਖੁਰਾਣਾ ਦੀ ਫਿਲਮ 'ਡ੍ਰੀਮ ਗਰਲ 2' ਦਾ ਖੁਮਾਰ ਦਰਸ਼ਕਾਂ ਦੇ ਸਿਰ ਚੜ੍ਹ ਬੋਲ ਰਿਹਾ ਹੈ। ਪ੍ਰਸ਼ੰਸਕ ਇਸ ਫਿਲਮ ਨੂੰ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਇਸ ਦਾ ਸਬੂਤ ਇਹ ਹੈ ਕਿ ਫਿਲਮ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰ ਰਹੀ ਹੈ। 'ਡ੍ਰੀਮ ਗਰਲ 2' ਨੇ ਆਪਣੀ ਰਿਲੀਜ਼ ਦੇ 8ਵੇਂ ਦਿਨ 4.7 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ, ਜਦਕਿ ਹੁਣ ਫਿਲਮ ਦੇ 9ਵੇਂ ਦਿਨ ਦਾ ਕਲੈਕਸ਼ਨ ਵੀ ਸਾਹਮਣੇ ਆਇਆ ਹੈ।
'ਡ੍ਰੀਮ ਗਰਲ 2' ਨੂੰ ਰਿਲੀਜ਼ ਹੋਏ 9 ਦਿਨ ਹੋ ਚੁੱਕੇ ਹਨ। ਫਿਲਮ ਨੇ ਆਪਣੀ ਰਿਲੀਜ਼ ਦੇ 8ਵੇਂ ਦਿਨ ਹੁਣ ਤੱਕ ਦਾ ਸਭ ਤੋਂ ਘੱਟ ਕਲੈਕਸ਼ਨ ਕੀਤਾ ਹੈ। ਸੈਕਨਿਲਕ ਮੁਤਾਬਕ ਹੁਣ ਫਿਲਮ ਨੇ 9ਵੇਂ ਦਿਨ 6 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ ਅਤੇ ਇਸ ਦੇ ਨਾਲ ਆਯੁਸ਼ਮਾਨ ਖਾਨ ਸਟਾਰਰ ਫਿਲਮ ਦਾ ਕੁਲ ਕਲੈਕਸ਼ਨ 77.70 ਕਰੋੜ ਰੁਪਏ ਹੋ ਗਿਆ ਹੈ।
'ਗਦਰ 2' ਦੇ ਬਰਾਬਰ ਰਿਹਾ 'ਡ੍ਰੀਮ ਗਰਲ 2' ਦਾ ਕਲੈਕਸ਼ਨ
ਆਯੁਸ਼ਮਾਨ ਖੁਰਾਨਾ ਦੀ ਫਿਲਮ 'ਡ੍ਰੀਮ ਗਰਲ 2' ਰਿਲੀਜ਼ ਦੇ ਪਹਿਲੇ ਦਿਨ ਤੋਂ ਹੀ ਬਾਕਸ ਆਫਿਸ 'ਤੇ ਧਮਾਲਾਂ ਮਚਾ ਰਹੀ ਹੈ। ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ ਦਾ ਪਾਗਲਪਨ ਇੰਨਾ ਸੀ ਕਿ ਕਈ ਦਿਨਾਂ ਤੱਕ ਇਸ ਨੇ ਕਮਾਈ ਦੇ ਮਾਮਲੇ 'ਚ 'ਗਦਰ 2' ਨੂੰ ਪਛਾੜ ਦਿੱਤਾ, ਜੋ ਹੁਣ ਤੱਕ ਬਾਕਸ ਆਫਿਸ 'ਤੇ ਹਾਵੀ ਸੀ। ਸ਼ਨੀਵਾਰ ਨੂੰ ਦੋਵਾਂ ਫਿਲਮਾਂ 'ਗਦਰ 2' ਅਤੇ 'ਡ੍ਰੀਮ ਗਰਲ 2' ਨੇ ਬਰਾਬਰ ਦਾ ਕਾਰੋਬਾਰ ਕੀਤਾ, ਯਾਨੀ ਦੋਵਾਂ ਫਿਲਮਾਂ ਨੇ 6-6 ਕਰੋੜ ਰੁਪਏ ਕਮਾਏ।
ਅਨੰਨਿਆ-ਆਯੁਸ਼ਮਾਨ ਪਹਿਲੀ ਵਾਰ ਸਕ੍ਰੀਨ 'ਤੇ ਇਕੱਠੇ ਨਜ਼ਰ ਆਏ
'ਡ੍ਰੀਮ ਗਰਲ 2' 2019 'ਚ ਆਈ ਫਿਲਮ 'ਡ੍ਰੀਮ ਗਰਲ' ਦਾ ਸੀਕਵਲ ਹੈ, ਜਿਸ 'ਚ ਆਯੁਸ਼ਮਾਨ ਨੇ 'ਪੂਜਾ' ਦੀ ਆਵਾਜ਼ ਨਾਲ ਪ੍ਰਸ਼ੰਸਕਾਂ ਦੇ ਦਿਲਾਂ ਦੀ ਧੜਕਣ ਵਧਾਈ ਸੀ। ਹੁਣ 'ਡ੍ਰੀਮ ਗਰਲ 2' 'ਚ ਅਦਾਕਾਰਾ 'ਪੂਜਾ' ਦੇ ਅਵਤਾਰ 'ਚ ਦਰਸ਼ਕਾਂ ਨੂੰ ਆਪਣਾ ਦੀਵਾਨਾ ਬਣਾ ਰਹੀ ਹੈ। ਨੁਸਰਤ ਭਰੂਚਾ ਨੇ ਡ੍ਰੀਮ ਗਰਲ ਵਿੱਚ ਆਯੁਸ਼ਮਾਨ ਨਾਲ ਮੁੱਖ ਭੂਮਿਕਾ ਨਿਭਾਈ ਸੀ, ਹੁਣ ਉਸ ਦੀ ਜਗ੍ਹਾ ਅਨੰਨਿਆ ਪਾਂਡੇ ਨੂੰ ਇਸ ਦੇ ਸੀਕਵਲ ਵਿੱਚ ਲਿਆ ਗਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਅਨੰਨਿਆ ਅਤੇ ਆਯੁਸ਼ਮਾਨ ਵੱਡੇ ਪਰਦੇ 'ਤੇ ਇਕੱਠੇ ਰੋਮਾਂਸ ਕਰਦੇ ਨਜ਼ਰ ਆ ਰਹੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।