Jacqueline Extortion Case: ਜੈਕਲੀਨ ਫਰਨਾਂਡੀਜ਼ ਦੀਆਂ ਵਧੀਆਂ ਮੁਸ਼ਕਲਾਂ, ਈਡੀ ਨੇ 215 ਕਰੋੜ ਦੀ ਫਿਰੌਤੀ ਮਾਮਲੇ 'ਚ ਮੁਲਜ਼ਮ ਬਣਾਇਆ
Jacqueline Extortion Case: ਫਿਲਮ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਦੀਆਂ ਮੁਸ਼ਕਲਾਂ ਵਧ ਸਕਦੀਆਂ ਹਨ। ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਜੈਕਲੀਨ ਨੂੰ ਸੁਕੇਸ਼ ਚੰਦਰਸ਼ੇਖਰ ਮਾਮਲੇ ਵਿੱਚ ਵੀ ਮੁਲਜ਼ਮ ਬਣਾਇਆ ਹੈ
Jacqueline Extortion Case: ਫਿਲਮ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਦੀਆਂ ਮੁਸ਼ਕਲਾਂ ਵਧ ਸਕਦੀਆਂ ਹਨ। ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਜੈਕਲੀਨ ਨੂੰ ਸੁਕੇਸ਼ ਚੰਦਰਸ਼ੇਖਰ ਮਾਮਲੇ ਵਿੱਚ ਵੀ ਮੁਲਜ਼ਮ ਬਣਾਇਆ ਹੈ। ਈਡੀ ਦਾ ਇਲਜ਼ਾਮ ਹੈ ਕਿ ਜੈਕਲੀਨ 215 ਕਰੋੜ ਰੁਪਏ ਦੀ ਫਿਰੌਤੀ ਦੇ ਮਾਮਲੇ ਵਿੱਚ ਲਾਭਪਾਤਰੀ ਹੈ। ਸੂਤਰਾਂ ਮੁਤਾਬਕ ਅਭਿਨੇਤਰੀ ਨੂੰ ਪਤਾ ਸੀ ਕਿ ਸੁਕੇਸ਼ ਚੰਦਰਸ਼ੇਖਰ ਅਪਰਾਧੀ ਸੀ ਤੇ ਜਬਰਨ ਵਸੂਲੀ ਕਰਨ ਵਾਲਾ ਸੀ।
ਇਨਫੋਰਸਮੈਂਟ ਡਾਇਰੈਕਟੋਰੇਟ ਅੱਜ ਫਿਰੌਤੀ ਦੇ ਇੱਕ ਮਾਮਲੇ ਵਿੱਚ ਅਭਿਨੇਤਰੀ ਜੈਕਲੀਨ ਫਰਨਾਂਡੀਜ਼ ਖਿਲਾਫ ਚਾਰਜਸ਼ੀਟ ਦਾਇਰ ਕਰ ਸਕਦਾ ਹੈ। ਡਾਇਰੈਕਟੋਰੇਟ ਨੇ ਅਭਿਨੇਤਰੀ ਨੂੰ 215 ਕਰੋੜ ਰੁਪਏ ਦੀ ਫਿਰੌਤੀ ਦੇ ਮਾਮਲੇ 'ਚ ਦੋਸ਼ੀ ਬਣਾਇਆ ਹੈ।
ਇਸ ਮਾਮਲੇ 'ਚ ਈਡੀ ਅੱਜ ਦਿੱਲੀ ਦੀ ਅਦਾਲਤ 'ਚ ਜੈਕਲੀਨ ਖਿਲਾਫ ਅਹਿਮ ਸਪਲੀਮੈਂਟਰੀ ਚਾਰਜਸ਼ੀਟ ਦਾਇਰ ਕਰ ਸਕਦੀ ਹੈ। ਇਹ ਚਾਰਜਸ਼ੀਟ (PMLA) ਤਹਿਤ ਦਾਇਰ ਕੀਤੀ ਜਾਵੇਗੀ। ਇਹ ਸਪਲੀਮੈਂਟਰੀ ਚਾਰਜਸ਼ੀਟ ਦੇਸ਼ ਦੇ ਸਭ ਤੋਂ ਵੱਡੇ ਸੁਕੇਸ਼ ਚੰਦ ਸ਼ੇਖਰ ਨਾਲ ਸਬੰਧਤ 200 ਕਰੋੜ ਰੁਪਏ ਦੀ ਵਸੂਲੀ ਕੇਸ ਵਿੱਚ ਕੀਤੀ ਜਾਵੇਗੀ। ਸੁਕੇਸ਼ ਇਸ ਸਮੇਂ ਦਿੱਲੀ ਦੀ ਤਿਹਾੜ ਜੇਲ੍ਹ ਵਿੱਚ ਕੈਦ ਹੈ।
ਹਾਲ ਹੀ ਵਿੱਚ ਈਡੀ ਨੇ ਜੈਕਲੀਨ ਦੀ 7 ਕਰੋੜ 12 ਲੱਖ ਰੁਪਏ ਦੀ ਐਫਡੀ ਅਟੈਚ ਕੀਤੀ ਸੀ। ਜ਼ਿਕਰਯੋਗ ਹੈ ਕਿ ਇਸ ਮਾਮਲੇ 'ਚ ਇਹ ਵੀ ਦੋਸ਼ ਹੈ ਕਿ ਚੰਦਰਸ਼ੇਖਰ ਨੇ ਜੈਕਲੀਨ ਨੂੰ 10 ਕਰੋੜ ਰੁਪਏ ਦਾ ਸਾਮਾਨ ਗਿਫਟ ਕੀਤਾ ਸੀ। ਇਸ ਨਕਦੀ 'ਚ 7 ਕਰੋੜ 12 ਲੱਖ ਰੁਪਏ ਦੀ FD ਜੈਕਲੀਨ ਨੇ ਕਰਵਾਈ ਸੀ।
ਜੈਕਲੀਨ ਦੀਆਂ ਸੁਕੇਸ਼ ਨਾਲ ਤਸਵੀਰਾਂ ਖੂਬ ਵਾਇਰਲ ਹੋਈਆਂ ਸੀ ਪਰ ਪੁੱਛਗਿੱਛ 'ਚ ਜੈਕਲੀਨ ਨੇ ਕਿਹਾ ਸੀ ਕਿ ਉਸ ਦਾ ਸੁਕੇਸ਼ ਨਾਲ ਰਿਸ਼ਤਾ ਸਿਰਫ ਇੱਕ ਫ਼ੈਨ ਤਕ ਸੀਮਤ ਸੀ ਪਰ ਦੋਵਾਂ ਦੀਆਂ ਤਸਵੀਰਾਂ ਕੁਝ ਹੋਰ ਹੀ ਕਹਾਣੀ ਬਿਆਨ ਕਰਦੀਆਂ ਸੀ। ਉਸ ਤੋਂ ਬਾਅਦ ਲਗਾਤਾਰ ਕੀਤੀ ਗਈ ਪੁੱਛਗਿੱਛ ਵਿੱਚ ਜੈਕਲੀਨ ਨੇ ਆਪਣੇ 'ਤੇ ਲੱਗੇ ਇਲਜ਼ਾਮ ਵੀ ਕਬੂਲੇ ਤੇ ਸੁਕੇਸ਼ ਨਾਲ ਰਿਸ਼ਤੇ ਬਾਰੇ ਵੀ ਖੁੱਲ੍ਹ ਕੇ ED ਨੂੰ ਜਵਾਬ ਦਿੱਤੇ।
ਸੁਕੇਸ਼ ਨੂੰ ਇਸੇ ਤਰ੍ਹਾਂ ਦੇ ਝੂਠ ਬੋਲਣ ਤੇ ਠੱਗਣ ਦੇ ਕਈ ਤਰੀਕੇ ਆਉਂਦੇ ਸੀ। ਇਨ੍ਹਾਂ ਤਰੀਕਿਆਂ ਨਾਲ ਉਸ ਨੇ ਕਰੋੜਾਂ ਦੀ ਵਸੂਲੀ ਵੀ ਕੀਤੀ ਸੀ। ਅੱਜ ਵੀ ਸੁਕੇਸ਼ ਖਿਲਾਫ ਜਿੰਨੇ ਵੀ ਕੇਸ ਦਰਜ ਹਨ, ਓਨੀ ਹੀ ਉਸ ਦੀ ਉਮਰ ਹੈ। ਉਸ ਦਾ ਪਹਿਲਾ ਕਾਰਨਾਮਾ ਲਗਪਗ 1.25 ਕਰੋੜ ਰੁਪਏ ਦੀ ਧੋਖਾਧੜੀ ਸੀ। ਸੁਕੇਸ਼ ਚੰਦਰਸ਼ੇਕਰ ਵਿਰੁੱਧ ਕੇਸ ਕਿਸੇ ਇੱਕ ਥਾਂ 'ਤੇ ਦਰਜ ਨਹੀਂ ਹਨ, ਇਸ ਵਿੱਚ ਬੈਂਗਲੁਰੂ ਤੋਂ ਮੁੰਬਈ ਰਾਹੀਂ ਦਿੱਲੀ ਤੱਕ ਦੇ ਅਪਰਾਧਾਂ ਦੀ ਲੰਮੀ ਸੂਚੀ ਹੈ ਤੇ ਜਾਂਚ ਏਜੰਸੀਆਂ ਵਿੱਚ ਪੁਲਿਸ ਤੋਂ ਇਲਾਵਾ ਸੀਬੀਆਈ ਤੇ ਈਡੀ ਸ਼ਾਮਲ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
