(Source: Poll of Polls | 6 PM)
Karan Johar: ਕਰਨ ਜੌਹਰ ਨੇ ਕਈ ਸਾਲ ਬਾਅਦ ਕੰਗਨਾ ਰਣੌਤ ਦਾ ਕੀਤਾ ਜ਼ਿਕਰ, ਬੋਲੇ- 'ਫਿਲਮ 'ਐਮਰਜੈਂਸੀ' ਦੇਖਣ ਨੂੰ ਉਤਸ਼ਾਹਿਤ '
Karan Johar Kangana Ranaut Fight: ਫਿਲਮ ਨਿਰਮਾਤਾ ਕਰਨ ਜੌਹਰ ਅਤੇ ਕੰਗਨਾ ਰਣੌਤ ਦੀ ਲੜਾਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ। ਕੰਗਨਾ ਰਣੌਤ ਕਰਨ ਨੂੰ ਤਾਅਨੇ ਮਾਰਨ ਦਾ ਮੌਕਾ ਨਹੀਂ ਖੁੰਝਾਉਂਦੀ ਹੈ। ਉਹ ਲੰਬੇ ਸਮੇਂ ਤੋਂ ਕਰਨ 'ਤੇ ਆਪਣੀਆਂ
Karan Johar Kangana Ranaut Fight: ਫਿਲਮ ਨਿਰਮਾਤਾ ਕਰਨ ਜੌਹਰ ਅਤੇ ਕੰਗਨਾ ਰਣੌਤ ਦੀ ਲੜਾਈ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ। ਕੰਗਨਾ ਰਣੌਤ ਕਰਨ ਨੂੰ ਤਾਅਨੇ ਮਾਰਨ ਦਾ ਮੌਕਾ ਨਹੀਂ ਖੁੰਝਾਉਂਦੀ ਹੈ। ਉਹ ਲੰਬੇ ਸਮੇਂ ਤੋਂ ਕਰਨ 'ਤੇ ਆਪਣੀਆਂ ਫਿਲਮਾਂ ਨਾਲ ਭਾਈ-ਭਤੀਜਾਵਾਦ ਨੂੰ ਉਤਸ਼ਾਹਿਤ ਕਰਨ ਦਾ ਦੋਸ਼ ਲਾਉਂਦੀ ਰਹੀ ਹੈ। ਇੰਨਾ ਹੀ ਨਹੀਂ, ਕਰਨ ਵੀ ਕਹਿ ਚੁੱਕੇ ਹਨ ਕਿ ਉਹ ਕੰਗਨਾ ਨਾਲ ਕੰਮ ਨਹੀਂ ਕਰਨਾ ਚਾਹੁੰਦੇ। ਹਾਲਾਂਕਿ ਇਸ ਵਿਚਾਲੇ ਕਰਨ ਜੌਹਰ ਨੇ ਕੁਝ ਅਜਿਹਾ ਕਹਿ ਦਿੱਤਾ ਹੈ ਜਿਸ ਤੋਂ ਬਾਅਦ ਲੱਗਦਾ ਹੈ ਕਿ ਦੋਵਾਂ ਵਿਚਾਲੇ ਪੈਚ-ਅੱਪ ਹੋ ਗਿਆ ਹੈ।
ਕਰਨ ਜੌਹਰ ਨੇ ਇੰਡੀਅਨ ਐਕਸਪ੍ਰੈਸ ਨੂੰ ਦਿੱਤੇ ਇੰਟਰਵਿਊ ਵਿੱਚ ਕੰਗਨਾ ਰਣੌਤ ਦੀ ਫਿਲਮ ਐਮਰਜੈਂਸੀ ਦੇਖਣ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਕਰਨ ਤੋਂ ਜਦੋਂ ਪੁੱਛਿਆ ਗਿਆ ਕਿ ਕੀ ਉਹ ਕਿਸੇ ਸਿਆਸੀ ਘਟਨਾ 'ਤੇ ਫਿਲਮ ਬਣਾਉਣਾ ਚਾਹੁੰਦੇ ਹਨ? ਕਰਨ ਨੇ ਕੰਗਨਾ ਦੀ ਸਿਆਸੀ ਡਰਾਮਾ ਫਿਲਮ ਐਮਰਜੈਂਸੀ ਦਾ ਜ਼ਿਕਰ ਕੀਤਾ।
ਕੰਗਨਾ ਦੀ ਫਿਲਮ ਦੇਖਣ ਲਈ ਉਤਸ਼ਾਹਿਤ ਹਾਂ
ਕਰਨ ਨੇ ਸਵਾਲ ਦੇ ਜਵਾਬ 'ਚ ਕਿਹਾ- ਐਮਰਜੈਂਸੀ ਬਣ ਰਹੀ ਹੈ ਅਤੇ ਮੈਂ ਇਸਨੂੰ ਦੇਖਣ ਲਈ ਬਹੁਤ ਉਤਸ਼ਾਹਿਤ ਹਾਂ। ਦੱਸ ਦੇਈਏ ਕਿ ਕਰਨ ਜੌਹਰ ਨੇ ਛੇ ਸਾਲ ਬਾਅਦ ਕੰਗਨਾ ਬਾਰੇ ਟਿੱਪਣੀ ਕੀਤੀ ਹੈ। ਜਦੋਂ ਕੰਗਨਾ ਨੇ ਉਨ੍ਹਾਂ ਦੇ ਸ਼ੋਅ ਕੌਫੀ ਵਿਦ ਕਰਨ 'ਚ ਉਨ੍ਹਾਂ ਨੂੰ ਹੀ ਫਿਲਮ ਮਾਫੀਆ ਕਿਹਾ ਸੀ। ਉਦੋਂ ਤੋਂ ਹੀ ਕੰਗਨਾ ਸੋਸ਼ਲ ਮੀਡੀਆ ਰਾਹੀਂ ਕਰਨ ਉੱਪਰ ਭੜਦੀ ਰਹਿੰਦੀ ਹੈ।
ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ ਬਾਰੇ ਬੋਲੀ ਕੰਗਨਾ
ਹਾਲ ਹੀ 'ਚ ਕੰਗਨਾ ਰਣੌਤ ਨੇ ਕਰਨ ਜੌਹਰ ਦੀ ਫਿਲਮ ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ ਦਾ ਮਜ਼ਾਕ ਉਡਾਇਆ ਸੀ। ਕੰਗਨਾ ਨੇ ਕਰਨ ਦਾ ਪੁਰਾਣਾ ਇੰਟਰਵਿਊ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਸ਼ੇਅਰ ਕੀਤਾ। ਜਿਸ 'ਚ ਉਸਨੇ ਕਿਹਾ ਕੋਈ PR ਦੇ ਜ਼ਰੀਏ ਕਿਸੇ ਫਿਲਮ ਦੀ ਬਾਕਸ ਆਫਿਸ ਸਥਿਤੀ ਨੂੰ ਕਿਵੇਂ ਬਦਲ ਸਕਦਾ ਹੈ। ਕੰਗਨਾ ਨੇ ਲਿਖਿਆ- ਕਰਨ ਜੌਹਰ ਜੀ ਕਹਿ ਰਹੇ ਹਨ ਕਿ ਮੈਂ ਪੈਸੇ ਸੁੱਟ ਕੇ ਕੁਝ ਵੀ ਕਰ ਸਕਦਾ ਹਾਂ... ਮੈਂ ਕੋਈ ਵੀ ਧਾਰਨਾ ਬਣਾ ਸਕਦਾ ਹਾਂ... ਕੀ ਉਹ ਸਿਰਫ ਆਪਣੀਆਂ ਫਿਲਮਾਂ ਹਿੱਟ ਕਰਵਾਉਂਦੇ ਹਨ, ਕੀ ਉਹ ਆਪਣੀ ਇੱਜ਼ਤ ਕਰਦੇ ਹਨ ਜਾਂ ਦੂਜਿਆਂ ਦੀ ਨੈਗੇਟਿਵ ਪੀਆਰ ਬਣਾਉਂਦੇ ਹਨ ਅਤੇ ਉਨ੍ਹਾਂ ਦੀਆਂ ਹਿੱਟ ਫਿਲਮਾਂ ਫਲਾਪ ਕਰ ਦਿੰਦੇ ਹਨ?
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਕਰਨ ਜੌਹਰ ਨੇ 7 ਸਾਲ ਬਾਅਦ ਨਿਰਦੇਸ਼ਨ 'ਚ ਵਾਪਸੀ ਕੀਤੀ ਹੈ। ਉਨ੍ਹਾਂ ਦੀ ਫਿਲਮ ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ ਨੇ ਬਾਕਸ ਆਫਿਸ 'ਤੇ ਚੰਗਾ ਕਲੈਕਸ਼ਨ ਕੀਤਾ ਹੈ। ਕੰਗਨਾ ਦੀ ਗੱਲ ਕਰੀਏ ਤਾਂ ਉਸ ਦੀਆਂ ਫਿਲਮਾਂ ਤੇਜਸ ਅਤੇ ਐਮਰਜੈਂਸੀ ਜਲਦੀ ਹੀ ਰਿਲੀਜ਼ ਹੋਣਗੀਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
