NTR Junior ਨੂੰ ਨਾ ਪਸੰਦ ਕਰਨ 'ਤੇ ਮੀਰਾ ਚੋਪੜਾ ਨੂੰ ਬਲਾਤਕਾਰ ਦੀਆਂ ਧਮਕੀਆਂ

ਇਸ ਤੋਂ ਬਾਅਦ ਐਨਟੀਆਰ ਜੂਨੀਅਰ ਦੇ ਪ੍ਰਸ਼ੰਸਕ ਮੀਰਾ ਦੇ ਪਿੱਛੇ ਪੈ ਗਏ। ਉਸ ਨੂੰ ਅਸ਼ਲੀਲ ਤੇ ਕੁਕਰਮ ਕਰਨ ਦੀਆਂ ਧਮਕੀਆਂ ਦਿੱਤੀ ਗਈਆਂ। ਦੁਰਵਿਵਹਾਰ ਤੇ ਟ੍ਰੋਲਿੰਗ ਦੀ ਅਥਾਹ ਪ੍ਰੇਸ਼ਾਨ ਮੀਰਾ ਨੇ ਐਨਟੀਆਰ ਜੂਨੀਅਰ ਨੂੰ ਟਵੀਟ ਕੀਤਾ।

ਮੁੰਬਈ: ਫਿਲਮੀ ਸਿਤਾਰਿਆਂ ਦੇ ਫੈਨਸ ਅਕਸਰ ਆਪਣੇ ਮਨਪਸੰਦ ਸਟਾਰ ਦੇ ਕ੍ਰੇਜ਼ 'ਚ ਹੱਦਾਂ ਪਾਰ ਕਰ ਜਾਂਦੇ ਹਨ। ਅਜਿਹਾ ਹੀ ਪ੍ਰਿਯੰਕਾ ਚੋਪੜਾ ਦੀ ਚਚੇਰੀ ਭੈਣ ਮੀਰਾ ਚੋਪੜਾ (Meera Chopra) ਨਾਲ ਹੋਇਆ, ਜਿਸ ਨੂੰ ਐਨਟੀਆਰ ਜੂਨੀਅਰ (NTR Junior) ਦੇ ਪ੍ਰਸ਼ੰਸਕਾਂ ਨੇ ਟਵਿੱਟਰ (Twitter) 'ਤੇ ਟ੍ਰੋਲ ਕੀਤਾ ਤੇ ਉਸ ਨੂੰ ਪੁਲਿਸ ਕੋਲ ਸ਼ਿਕਾਇਤ ਕਰਨੀ ਪਈ। ਮੀਰਾ ਨੇ ਟਵਿੱਟਰ 'ਤੇ ਹੈਦਰਾਬਾਦ ਪੁਲਿਸ ਨੂੰ ਟੈਗ ਕਰਕੇ ਟ੍ਰੋਲ ਅਕਾਉਂਟਸ ਖਿਲਾਫ ਕਾਰਵਾਈ ਦੀ ਬੇਨਤੀ ਕੀਤੀ ਹੈ। ਮੰਗਲਵਾਰ ਨੂੰ ਮੀਰਾ ਚੋਪੜਾ ਨੇ ਟਵਿੱਟਰ 'ਤੇ #AskMeera ਸੈਸ਼ਨ ਰੱਖਿਆ ਸੀ। ਇੱਕ ਫੈਨ ਨੇ ਤੇਲਗੂ ਸਿਨੇਮਾ ਵਿੱਚ ਉਸ ਦੇ ਮਨਪਸੰਦ ਅਦਾਕਾਰ ਬਾਰੇ ਤੇ ਇੱਕ ਸ਼ਬਦ ਵਿੱਚ ਐਨਟੀਆਰ ਜੂਨੀਅਰ ਨੂੰ ਪਰਿਭਾਸ਼ਤ ਕਰਨ ਬਾਰੇ ਪੁੱਛਿਆ। ਮੀਰਾ ਨੇ ਇਸ ‘ਤੇ ਲਿਖਿਆ- ਮੈਂ ਉਨ੍ਹਾਂ ਨੂੰ ਨਹੀਂ ਜਾਣਦੀ। ਮੈਂ ਉਸ ਦੀ ਫੈਨ ਨਹੀਂ ਹਾਂ। ਇੱਕ ਹੋਰ ਪ੍ਰਸ਼ੰਸਕ ਨੇ ਐਨਟੀਆਰ ਜੂਨੀਅਰ ਦੀਆਂ ਫਿਲਮਾਂ ਸ਼ਕਤੀ ਤੇ ਦੰਮੂ ਵੇਖਣ ਦੀ ਬੇਨਤੀ ਕੀਤੀ ਤੇ ਕਿਹਾ ਕਿ ਇਸ ਤੋਂ ਬਾਅਦ ਉਹ ਵੀ ਜੂਨੀਅਰ ਦੀ ਫੈਨ ਬਣ ਜਾਏਗੀ। ਮੀਰਾ ਨੇ ਇਸ ‘ਤੇ ਲਿਖਿਆ- ਧੰਨਵਾਦ। ਕੋਈ ਦਿਲਚਸਪ ਨਹੀਂ। ਮੀਰਾ ਨੇ ਆਪਣਾ ਮਨਪਸੰਦ ਐਕਟਰ ਮਹੇਸ਼ ਦੱਸਿਆ।

ਇਸ ਦੇ ਨਾਲ ਹੀ ਟ੍ਰੋਲਰਸ ਦਾ ਦੁਰਵਿਵਹਾਰ ਨਹੀਂ ਰੁਕਿਆ ਤਾਂ ਮੀਰਾ ਨੇ ਸਾਈਬਰ ਕ੍ਰਾਈਮ ਪੁਲਿਸ ਤੇ ਹੈਦਰਾਬਾਦ ਪੁਲਿਸ ਨੂੰ ਟੈਗ ਕੀਤਾ- ਮੈਂ ਇਨ੍ਹਾਂ ਸਾਰੇ ਖਾਤਿਆਂ ਦੀ ਰਿਪੋਰਟ ਕਰਨਾ ਚਾਹੁੰਦੀ ਹਾਂ, ਜੋ ਮੈਨੂੰ ਬਲਾਤਕਾਰ ਕਰਨ ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਰਹੇ ਹਨ। ਬਦਕਿਸਮਤੀ ਨਾਲ, ਇਹ ਸਾਰੇ ਐਨਟੀਆਰ ਜੂਨੀਅਰ ਦੇ ਫੈਨ ਕਲੱਬ ਹਨ। ਟਵਿੱਟਰ, ਮੈਂ ਤੁਹਾਨੂੰ ਇਸ ਮਾਮਲੇ ਨੂੰ ਵੇਖਣ ਲਈ ਬੇਨਤੀ ਕਰਦੀ ਹਾਂ। ਇਹ ਖਾਤੇ ਮੁਅੱਤਲ ਕਰੋ। ਇਸ ਦੇ ਨਾਲ ਹੀ ਪੁਲਿਸ ਕੋਲ ਲਿਖਤੀ ਸ਼ਿਕਾਇਤ ਵੀ ਦਰਜ ਕਰਵਾਈ ਗਈ ਹੈ।

ਸਿਤਾਰੇ ਅਕਸਰ ਫੈਨਸ ਨੂੰ ਅਜਿਹਾ ਨਾ ਕਰਨ ਦੀ ਅਪੀਲ ਵੀ ਕਰਦੇ ਹਨ। ਪ੍ਰਸ਼ੰਸਕਾਂ ਨੂੰ ਇਹ ਸਮਝਣਾ ਪਏਗਾ ਕਿ ਉਨ੍ਹਾਂ ਦੀ ਚੋਣ ਹਰ ਕਿਸੇ ਦੀ ਪਸੰਦ ਨਹੀਂ ਬਣ ਸਕਦੀ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904