ਪਰਿਣੀਤੀ ਚੋਪੜਾ- ਰਾਘਵ ਚੱਢਾ ਦੇ ਵਿਆਹ ਨਾਲ ਜੁੜੀ ਵੱਡੀ ਅਪਡੇਟ, ਜਾਣੋ ਫੇਰਿਆਂ ਤੋਂ ਬਾਅਦ ਜੋੜਾ ਕਿੱਥੇ ਦੇਵੇਗਾ ਰਿਸੈਪਸ਼ਨ ਪਾਰਟੀ
Parineeti-Raghav Wedding Reception: ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਆਪਣੀ ਮੰਗਣੀ ਤੋਂ ਬਾਅਦ ਤੋਂ ਹੀ ਸੁਰਖੀਆਂ ਵਿੱਚ ਹਨ। ਇਹ ਜੋੜਾ ਜਿੱਥੇ ਵੀ ਜਾਂਦਾ ਹੈ ਚਰਚਾ ਦਾ ਵਿਸ਼ਾ ਬਣ ਜਾਂਦਾ ਹੈ। ਹਾਲ ਹੀ 'ਚ ਦੋਵਾਂ ਨੂੰ ਅੰਮ੍ਰਿਤਸਰ ਦੇ
Parineeti-Raghav Wedding Reception: ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਆਪਣੀ ਮੰਗਣੀ ਤੋਂ ਬਾਅਦ ਤੋਂ ਹੀ ਸੁਰਖੀਆਂ ਵਿੱਚ ਹਨ। ਇਹ ਜੋੜਾ ਜਿੱਥੇ ਵੀ ਜਾਂਦਾ ਹੈ ਚਰਚਾ ਦਾ ਵਿਸ਼ਾ ਬਣ ਜਾਂਦਾ ਹੈ। ਹਾਲ ਹੀ 'ਚ ਦੋਵਾਂ ਨੂੰ ਅੰਮ੍ਰਿਤਸਰ ਦੇ ਹਰਿਮੰਦਰ ਸਾਹਿਬ 'ਚ ਦੇਖਿਆ ਗਿਆ। ਜਿੱਥੇ ਉਨ੍ਹਾਂ ਗੁਰਦੁਆਰੇ ਵਿੱਚ ਆਸ਼ੀਰਵਾਦ ਲਿਆ ਅਤੇ ਸੇਵਾ ਵੀ ਕੀਤੀ। ਹੁਣ ਪ੍ਰਸ਼ੰਸਕ ਇਸ ਜੋੜੀ ਦੇ ਵਿਆਹ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਉਨ੍ਹਾਂ ਦੇ ਵਿਆਹ ਨਾਲ ਜੁੜੀ ਹਰ ਖਬਰ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾ ਦਿੰਦੀ ਹੈ।
ਵਿਆਹ ਦੇ ਸਥਾਨ ਨਾਲ ਜੁੜੀ ਅਪਡੇਟ ਆਈ ਸਾਹਮਣੇ
ਹਿੰਦੁਸਤਾਨ ਟਾਈਮਜ਼ ਦੇ ਕਰੀਬੀ ਸੂਤਰਾਂ ਮੁਤਾਬਕ ਅਜਿਹੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਇਹ ਜੋੜਾ ਅਕਤੂਬਰ ਵਿੱਚ ਕਿਸੇ ਵੀ ਸਮੇਂ ਵਿਆਹ ਕਰਵਾ ਸਕਦਾ ਹੈ। ਖਬਰਾਂ ਮੁਤਾਬਕ ਪਰੀ-ਰਾਘਵ ਗੁਰੂਗ੍ਰਾਮ 'ਚ ਰਿਸੈਪਸ਼ਨ ਦਾ ਆਯੋਜਨ ਕਰਨ ਦੀ ਯੋਜਨਾ ਬਣਾ ਰਹੇ ਹਨ। ਉਥੇ ਹੀ ਇਕ ਹੋਰ ਖਬਰ ਆਈ ਸੀ ਕਿ ਇਹ ਜੋੜਾ ਮੁੰਬਈ, ਚੰਡੀਗੜ੍ਹ ਅਤੇ ਗੁਰੂਗ੍ਰਾਮ ਵਿਚ ਤਿੰਨ ਰਿਸੈਪਸ਼ਨ ਦੇਣ ਜਾ ਰਿਹਾ ਸੀ, ਪਰ ਹੁਣ ਸਿਰਫ ਇੱਕ ਰਿਸੈਪਸ਼ਨ ਦੇਣ ਦੀ ਯੋਜਨਾ ਬਣਾਈ ਜਾ ਰਹੀ ਹੈ।
ਦੋਵਾਂ ਦੇ ਪਰਿਵਾਰ ਤਿਆਰੀਆਂ ਕਰ ਰਹੇ ਹਨ
ਖਬਰਾਂ ਮੁਤਾਬਕ ਰਾਘਵ-ਪਰਿਣੀਤੀ ਦੀ ਰਿਸੈਪਸ਼ਨ ਦਾ ਆਯੋਜਨ ਦ ਲੀਲਾ ਐਂਬੀਏਂਸ ਹੋਟਲ ਗੁਰੂਗ੍ਰਾਮ 'ਚ ਕੀਤਾ ਜਾ ਸਕਦਾ ਹੈ। ਹਾਲ ਹੀ ਵਿੱਚ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਦੇ ਮਾਤਾ-ਪਿਤਾ (ਪਵਨ ਚੋਪੜਾ-ਰੀਨਾ ਚੋਪੜਾ ਅਤੇ ਸੁਨੀਲ ਚੱਢਾ-ਅਲਕਾ ਚੱਢਾ) ਖਾਣੇ ਦੇ ਸਵਾਦ ਸੈਸ਼ਨ ਲਈ ਹੋਟਲ ਪਹੁੰਚੇ। ਦੋਵਾਂ ਦੇ ਪਰਿਵਾਰ ਵਿਆਹ ਦੀਆਂ ਤਿਆਰੀਆਂ 'ਚ ਰੁੱਝੇ ਹੋਏ ਹਨ।
ਜਾਣੋ ਕਿਉਂ ਹੋ ਸਕਦਾ ਹੈ ਗ੍ਰੈਂਡ ਰਿਸੈਪਸ਼ਨ ?
ਇਸ ਜੋੜੇ ਦਾ ਰਿਸੈਪਸ਼ਨ ਸ਼ਾਨਦਾਰ ਹੋਣ ਦੀ ਸੰਭਾਵਨਾ ਹੈ। ਦਰਅਸਲ, ਜਿੱਥੇ ਦੋਵਾਂ ਦੇ ਮਾਤਾ-ਪਿਤਾ ਭੋਜਨ ਦਾ ਸਵਾਦ ਲੈਣ ਪਹੁੰਚੇ ਸਨ, ਉੱਥੇ ਉਨ੍ਹਾਂ ਲਈ ਬਹੁਤ ਵੱਡਾ ਮੇਨਿਊ ਰੱਖਿਆ ਗਿਆ ਸੀ। ਅਜਿਹੇ 'ਚ ਇਸ ਨੂੰ ਦੇਖਦੇ ਹੋਏ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਨਾਲ ਹੀ, ਦਿੱਲੀ ਰਾਘਵ ਦਾ ਜਨਮ ਸਥਾਨ ਹੈ, ਇਸ ਲਈ ਉਸਦੇ ਜ਼ਿਆਦਾਤਰ ਦੋਸਤ ਅਤੇ ਹੋਰ ਮਹਿਮਾਨ ਵੀ ਦਿੱਲੀ ਦੇ ਹਨ। ਪਰਿਣੀਤੀ ਵੀ ਬਾਲੀਵੁੱਡ ਦੀ ਇੱਕ ਵੱਡੀ ਸੈਲੀਬ੍ਰਿਟੀ ਹੈ, ਇਸ ਲਈ ਜੇਕਰ ਸਿਰਫ ਇਕ ਰਿਸੈਪਸ਼ਨ ਦੇਣ ਦੀ ਯੋਜਨਾ ਹੈ, ਤਾਂ ਉਮੀਦ ਕੀਤੀ ਜਾਂਦੀ ਹੈ ਕਿ ਕੋਈ ਕਸਰ ਬਾਕੀ ਨਹੀਂ ਛੱਡੀ ਜਾਵੇਗੀ। ਹੁਣ ਦੇਖਣਾ ਹੋਵੇਗਾ ਕਿ ਇਹ ਪਿਆਰਾ ਜੋੜਾ ਆਪਣੇ ਵਿਆਹ ਦਾ ਐਲਾਨ ਕਦੋਂ ਕਰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
