ਪੱਛਮੀ ਰਹੁ-ਰੀਤਾਂ ਮੁਤਾਬਕ ਪ੍ਰਿਅੰਕਾ ਤੇ ਨਿੱਕ ਦਾ ਪਹਿਲਾ ਵਿਆਹ ਸੰਪੰਨ

ਪੁਰਾਣੀ ਤਸਵੀਰ

ਜੋਧਪੁਰ: ਬਾਲੀਵੁੱਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਤੇ ਅਮਰੀਕੀ ਗਾਇਕ ਨਿੱਕ ਜੋਨਸ ਨੇ ਅੱਜ ਪੱਛਮੀ ਕੈਥੋਲਿਕ ਰਹੁ-ਰੀਤਾਂ ਮੁਤਾਬਕ ਵਿਆਹ ਕਰਵਾ ਲਿਆ ਹੈ। ਇਸ ਤੋਂ ਬਾਅਦ ਭਲਕੇ ਯਾਨੀ ਦੋ ਦਸੰਬਰ ਨੂੰ ਦੋਵੇਂ ਸਿਤਾਰੇ ਹਿੰਦੂ ਰਿਵਾਜ਼ਾਂ ਮੁਤਾਬਕ ਵਿਆਹ ਕਰਵਾਉਣਗੇ। ਜੋਧਪੁਰ ਦਾ ਉਮੇਦ ਭਵਨ ਪੈਲੇਸ ਪ੍ਰਿਅੰਕਾ-ਨਿੱਕ ਦੇ ਵਿਆਹ ਦੀਆਂ ਰਸਮਾਂ ਜਾਰੀ ਹਨ।

#WATCH: Fireworks at Umaid Bhawan Palace in Jodhpur, Rajasthan, after Priyanka Chopra and Nick Jonas tied the knot as per Christian rituals. pic.twitter.com/XpzYtGZG2G

— ANI (@ANI) December 1, 2018

ਵਿਆਹ ਸਮਾਗਮਾਂ ਦੌਰਾਨ ਬਾਹਰਲੇ ਲੋਕਾਂ ਨੂੰ ਪੈਲੇਸ ਵਿੱਚ ਜਾਣ ਦੀ ਮਨਾਹੀ ਹੈ। ਇਸ ਦਰਮਿਆਨ ਵਿਆਹ ਦੀ ਕਵਰੇਜ ਕਰਨ ਗਏ ਪੱਤਰਕਾਰਾਂ ਅਤੇ ਉੱਥੇ ਮੌਜੂਦ ਸੁਰੱਖਿਆ ਕਰਮੀਆਂ ਵਿਚਾਲੇ ਹੱਥੋਪਾਈ ਹੋਣ ਦੀ ਵੀ ਖ਼ਬਰ ਹੈ। ਦਰਅਸਲ, ਦੀਪਿਕਾ ਤੇ ਰਣਵੀਰ ਦੀ ਤਰ੍ਹਾਂ ਪ੍ਰਿਅੰਕਾ ਤੇ ਨਿੱਕ ਜੋਨਸ ਨੇ ਵੀ ਆਪਣਾ ਵਿਆਹ ਸਮਾਗਮ ਕਾਫ਼ੀ ਗੁਪਤ ਰੱਖਿਆ ਹੈ। ਇਸ ਦੇਸੀ ਲਾੜੀ ਤੇ ਵਿਦੇਸ਼ੀ ਲਾੜੇ ਦੇ ਵਿਆਹ 'ਚ ਦੋਵਾਂ ਦੇ ਪਰਿਵਾਰਕ ਜੀਆਂ ਤੋਂ ਇਲਾਵਾ ਹੋਰ ਸਿਤਾਰੇ ਵੀ ਸ਼ਾਮਲ ਹੋਏ ਹਨ।