ਮਹੇਸ਼ ਭੱਟ ਨਾਲ ਰਿਸ਼ਤੇ ਨੂੰ ਲੈਕੇ ਕਈ ਵਾਰ ਟ੍ਰੋਲ ਹੋਈ ਰੀਆ ਚਕ੍ਰਵਰਤੀ, ਇੰਟਰਵਿਊ 'ਚ ਕੀਤਾ ਸੀ ਸਬੰਧਾਂ ਦਾ ਖੁਲਾਸਾ

ਰੀਆ ਨੇ ਆਪਣੇ ਇਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਸੀ ਕਿ ਟ੍ਰੋਲ ਹੋਣ ਕਾਰਨ ਉਹ ਕਾਫੀ ਪਰੇਸ਼ਾਨ ਸੀ। ਉਨ੍ਹਾਂ ਦੱਸਿਆ ਸੀ ਕਿ ਮਹੇਸ਼ ਭੱਟ ਨਾਲ ਉਨ੍ਹਾਂ ਦਾ ਪਿਉ-ਧੀ ਦਾ ਰਿਸ਼ਤਾ ਹੈ। ਉਨ੍ਹਾਂ ਮਹੇਸ਼ ਭੱਟ ਨੂੰ ਆਪਣਾ ਮੈਂਟੋਰ ਦੱਸਿਆ ਸੀ।

ਮੁੰਬਈ: ਸੁਪਰੀਮ ਕੋਰਟ ਨੇ ਸੁਸ਼ਾਂਤ ਸਿੰਘ ਰਾਜਪੂਤ ਮਾਮਲੇ 'ਚ ਸੁਣਵਾਈ ਕਰਦਿਆਂ ਬੁੱਧਵਾਰ ਕੇਸ ਸੀਬੀਆਈ ਕੋਲ ਜਾਂਚ ਲਈ ਟ੍ਰਾਂਸਫਰ ਕਰ ਦਿੱਤਾ। ਸੀਬੀਆਈ ਦੀ ਸਪੈਸ਼ਲ ਇਨਵੈਸਟੀਗੇਸ਼ਨ ਟੀਮ ਮੁੰਬਈ ਪਹੁੰਚ ਕੇ ਜਾਂਚ ਵਿਚ ਜੁੱਟ ਗਈ ਹੈ। ਹਾਲ ਹੀ 'ਚ ਸੁਸ਼ਾਂਤ ਦੀ ਗਰਲਫਰੈਂਡ ਰੀਆ ਚਕ੍ਰਵਰਤੀ ਤੇ ਫਿਲਮਮੇਕਰ ਮਹੇਸ਼ ਭੱਟ ਵਿਚਾਲੇ ਹੋਈ ਵਟਸਐਪ ਚੈਟ ਦਾ ਕੁਝ ਹਿੱਸਾ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ।

ਦੋਵਾਂ 'ਚ ਸਾਲ 2018 ਤੋਂ ਹੀ ਬਿਹਤਰੀਨ ਬੌਂਡਿੰਗ ਹੈ। ਇਸ ਸਾਲ ਰੀਆ ਨੇ ਆਪਣੀ ਜ਼ਿੰਦਗੀ 'ਚ ਮਹੇਸ਼ ਭੱਟ ਦੀ ਬਹੁਤ ਅਹਿਮੀਅਤ ਦੱਸੀ ਸੀ। ਰੀਆ ਚਕ੍ਰਵਰਤੀ ਨੇ ਕਈ ਵਾਰ ਮਹੇਸ਼ ਭੱਟ ਨਾਲ ਆਪਣੇ ਸਬੰਧਾਂ ਬਾਰੇ ਗੱਲ ਕੀਤੀ। ਸਾਲ 2019 'ਚ ਮਹੇਸ਼ ਭੱਟ ਦੇ 70ਵੇਂ ਜਨਮਦਿਨ 'ਤੇ ਰੀਆ ਨੇ ਅਣਦੇਖੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ।

ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦਿਆਂ ਰੀਆ ਨੇ ਲਿਖਿਆ 'ਮੇਰੇ ਬੁੱਧਾ ਜਨਮ ਦਿਨ ਦੀਆਂ ਸ਼ੁੱਭਕਾਮਨਾਵਾਂ। ਸਰ ਤੁਸੀਂ ਮੇਨੂੰ ਬਹੁਤ ਪਿਆਰ ਨਾਲ ਸੰਭਾਲਿਆ। ਤੁਸੀਂ ਮੈਨੂੰ ਪਿਆਰ ਦਿੱਤਾ ਤੇ ਤੁਸੀਂ ਮੇਰੇ ਖੰਭਾਂ ਨੂੰ ਉਡਾਣ ਦਿੱਤੀ। ਤੁਸੀਂ ਦਿਲ ਛੂਹ ਲੈਣ ਵਾਲੇ ਹੋ।' ਹਾਲਾਂਕਿ ਟਰੋਲ ਹੋਣ ਤੋਂ ਬਾਅਦ ਰੀਆ ਨੇ ਇਹ ਪੋਸਟ ਡਿਲੀਟ ਕਰ ਦਿੱਤੀ ਸੀ।

ਰੀਆ ਚਕ੍ਰਵਰਤੀ ਤੇ ਮਹੇਸ਼ ਭੱਟ ਦੀਆਂ ਤਸਵੀਰਾਂ ਵਾਇਰਲ ਹੋਣ ਅਤੇ ਟ੍ਰੋਲ ਹੋਣ 'ਤੇ ਰੀਆ ਨੇ ਮਹੇਸ਼ ਭੱਟ ਦੇ ਨਾਲ ਇਕ ਤਸਵੀਰ ਸਾਂਝੀ ਕੀਤੀ। ਇਸ ਤਸਵੀਰ ਨਾਲ ਉਨ੍ਹਾਂ ਫ਼ਿਲਮ 'ਅਮਰ ਪ੍ਰੇਮ' ਦੇ ਇਕ ਗੀਤ ਦੀਆਂ ਲਾਈਨਾਂ-ਤੂ ਕੌਣ ਹੈ, ਤੇਰਾ ਨਾਮ ਹੈ ਕਯਾ? ਸੀਤਾ ਬੀ ਯਹਾਂ ਬਦਨਾਮ ਹੂਈ'-ਲਿਖਿਆ। ਇਸ ਤੋਂ ਇਲਾਵਾ ਰੀਆ ਨੇ ਆਪਣੇ ਇਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਸੀ ਕਿ ਟ੍ਰੋਲ ਹੋਣ ਕਾਰਨ ਉਹ ਕਾਫੀ ਪਰੇਸ਼ਾਨ ਸੀ। ਉਨ੍ਹਾਂ ਦੱਸਿਆ ਸੀ ਕਿ ਮਹੇਸ਼ ਭੱਟ ਨਾਲ ਉਨ੍ਹਾਂ ਦਾ ਪਿਉ-ਧੀ ਦਾ ਰਿਸ਼ਤਾ ਹੈ। ਉਨ੍ਹਾਂ ਮਹੇਸ਼ ਭੱਟ ਨੂੰ ਆਪਣਾ ਮੈਂਟੋਰ ਦੱਸਿਆ ਸੀ।

ਫਿਲਮ 'ਜਲੇਬੀ' ਦੇ ਪੋਸਟਰ ਨੂੰ ਲੈਕੇ ਵੀ ਰੀਆ ਕਾਫੀ ਵਿਵਾਦਾਂ 'ਚ ਰਹੀ। ਇਸ ਫਿਲਮ ਨੂੰ ਮਹੇਸ਼ ਭੱਟ ਨੇ ਪ੍ਰੋਡਿਊਸ ਕੀਤਾ ਸੀ। ਫਿਲਮ ਬਾਰੇ ਰੀਆ ਨੇ ਕਿਹਾ ਸੀ 'ਮਹੇਸ਼ ਉਸ ਨੂੰ ਸਾਕਾਰਾਤਮਕ ਸਪੋਰਟ ਦਿੰਦੇ ਸਨ।' ਰੀਆ ਨੇ ਕਿਹਾ ਸੀ 'ਮਹੇਸ਼ ਹੀ ਇਕਲੌਤੇ ਇਨਸਾਨ ਹਨ ਜੋ ਕਿਸੇ ਦੇ ਚਿਹਰੇ ਦਾ ਨਕਾਬ ਉਤਾਰ ਸਕਦੇ ਹਨ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਦੇ ਪਿਆਰ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ।'

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ