Shah Rukh Khan ਦੇ ਫੈਨਸ ਲਈ ਖੁਸ਼ਖ਼ਬਰੀ, ਜਲਦ ਆਉਣਗੀਆਂ ਵਾਲੀਆਂ ਫ਼ਿਲਮਾਂ ਦੀ ਵੇਖੋ ਲਿਸਟ
Shah Rukh Khan 3 upcoming film: ਸ਼ਾਹਰੁਖ ਖ਼ਾਨ ਦੀ ਫ਼ਿਲਮ ਪਠਾਨ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਇਹ ਫ਼ਿਲਮ ਅਗਲੇ ਸਾਲ ਤੱਕ ਰਿਲੀਜ਼ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਫ਼ਿਲਮ ਏਟਲੀ ਅਗਲੇ ਸਾਲ ਦੀਵਾਲੀ ਜਾਂ ਕ੍ਰਿਸਮਸ 'ਤੇ ਰਿਲੀਜ਼ ਕੀਤੀ ਜਾ ਸਕਦੀ ਹੈ।
ਮੁੰਬਈ: ਸ਼ਾਹਰੁਖ ਖ਼ਾਨ ਨੇ ਮੁੰਬਈ ਦੇ ਯਸ਼ ਰਾਜ ਸਟੂਡੀਓਜ਼ 'ਤੇ ਆਪਣੀ ਬਹੁ-ਇੰਤਜ਼ਾਰਤ ਐਕਸ਼ਨ ਥ੍ਰਿਲਰ 'ਪਠਾਨ' ਦੀ ਸ਼ੂਟਿੰਗ ਇੱਕ ਵਾਰ ਫਿਰ ਤੋਂ ਸ਼ੁਰੂ ਕਰ ਦਿੱਤੀ ਹੈ। ਸ਼ਾਹਰੁਖ ਖ਼ਾਨ ਇਸ ਫ਼ਿਲਮ ਦੇ ਜ਼ਰੀਏ ਸਿਧਾਰਥ ਆਨੰਦ ਦੇ ਨਿਰਦੇਸ਼ਨ ਵਿੱਚ ਵਾਪਸੀ ਕਰਨਗੇ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਆਖ਼ਰੀ ਫਿਲਮ 'ਜ਼ੀਰੋ' ਸਾਲ 2018 'ਚ ਆਈ ਸੀ, ਜਿਸਦਾ ਨਿਰਦੇਸ਼ਨ ਆਨੰਦ ਐਲ ਰਾਏ ਨੇ ਕੀਤਾ ਸੀ।
ਸ਼ਾਹਰੁਖ ਦੀ ਆਉਣ ਵਾਲੀ ਫ਼ਿਲਮ ਪਠਾਨ ਜਦੋਂ ਰਿਲੀਜ਼ ਹੋਵੇਗੀ ਉਦੋਂ ਤਕ ਉਨ੍ਹਾਂ ਦੀਆਂ ਫਿਲਮਾਂ ਦਾ ਗੈਪ ਕਾਫ਼ੀ ਜ਼ਿਆਦਾ ਹੋ ਜਾਏਗਾ। ਦੱਸ ਦਈਏ ਕਿ ਇਹ 29 ਸਾਲਾਂ ਦੇ ਕੈਰੀਅਰ ਦਾ ਸਭ ਤੋਂ ਲੰਬਾ ਬ੍ਰੇਕ ਹੈ। ਪਠਾਨ ਫਿਲਮ 'ਤੇ ਕੰਮ 2020 ਦੀ ਸ਼ੁਰੂਆਤ ਤੋਂ ਪੂਰੇ ਜੋਰਾਂ-ਸ਼ੋਰਾਂ 'ਤੇ ਸ਼ੁਰੂ ਹੋਇਆ ਸੀ। ਇਸ ਤੋਂ ਬਾਅਦ ਕੋਰੋਨਾ ਦੀ ਦੂਜੀ ਲਹਿਰ ਨੇ ਫਿਲਮ ਨਿਰਮਾਤਾਵਾਂ ਦੀਆਂ ਯੋਜਨਾਵਾਂ ਨੂੰ ਵਿਗਾੜ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਆਦਿਤਿਆ ਚੋਪੜਾ ਇਸ ਫਿਲਮ ਨੂੰ 2022 ਵਿਚ ਈਦ ਦੌਰਾਨ ਰਿਲੀਜ਼ ਕਰਨ ਦੀ ਯੋਜਨਾ ਬਣਾ ਰਹੇ ਹਨ।
ਸ਼ਾਹਰੁਖ ਖਾਨ ਅਗਲੇ 18 ਦਿਨਾਂ ਲਈ ਮੁੰਬਈ ਵਿੱਚ ਪਠਾਨ ਫਿਲਮ ਦੀ ਸ਼ੂਟਿੰਗ ਕਰਨਗੇ। ਇਸਦੇ ਨਾਲ ਹੀ ਇਸ ਫਿਲਮ ਦੀ ਸ਼ੂਟਿੰਗ ਯੂਰਪ ਅਤੇ ਰੂਸ ਵਿੱਚ ਵੀ ਕੀਤੀ ਜਾਏਗੀ। ਜੇ ਕੋਵਿਡ 19 ਕੰਟਰੋਲ 'ਚ ਰਹੀ ਤਾਂ ਫਿਲਮ ਪਠਾਨ ਦੀ ਸ਼ੂਟਿੰਗ ਅਗਸਤ ਤੱਕ ਪੂਰੀ ਕੀਤੀ ਜਾ ਸਕਦੀ ਹੈ। ਇੱਕ ਰਿਪੋਰਟ ਮੁਤਾਬਕ ਨਿਰਦੇਸ਼ਕ ਜਿਨ੍ਹਾਂ ਨਾਲ ਸ਼ਾਹਰੁਖ ਖ਼ਾਨ ਅਗਲੇ ਦੋ ਸਾਲਾਂ ਲਈ ਕੰਮ ਕਰ ਰਹੇ ਹਨ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸ਼ਾਹਰੁਖ ਖ਼ਾਨ ਪਠਾਨ ਤੋਂ ਬਾਅਦ ਦੱਖਣੀ ਨਿਰਦੇਸ਼ਕ ਏਟਲੀ ਦੀ ਫਿਲਮ 'ਤੇ ਕੰਮ ਸ਼ੁਰੂ ਕਰਨਗੇ। ਏਟਲੀ ਦੀ ਫਿਲਮ ਵਿੱਚ ਸ਼ਾਹਰੁਖ ਖਾਨ ਦੇ ਓਪੌਜ਼ਿਟ ਨਯਨਤਾਰਾ ਨਜ਼ਰ ਆ ਸਕਦੀ ਹੈ। ਜੇ ਖ਼ਬਰਾਂ ਦੀ ਮੰਨੀਏ ਤਾਂ ਫਿਲਹਾਲ, ਨਯਨਤਾਰਾ ਨੂੰ ਕਾਸਟ ਕਰਨ ਲਈ ਫਾਈਨਲ ਪ੍ਰਪੌਜ਼ਲ ਨਹੀਂ ਮਿਲਿਆ ਹੈ।
2022 ਵਿਚ ਸ਼ਾਹਰੁਖ ਖ਼ਾਨ ਦੀਆਂ ਵੱਡੀਆਂ ਫਿਲਮਾਂ
ਸ਼ਾਹਰੁਖ ਖ਼ਾਨ ਦੇ ਪ੍ਰਸ਼ੰਸਕਾਂ ਨੂੰ ਉਸ ਨੂੰ ਵੱਡੇ ਪਰਦੇ 'ਤੇ ਦੇਖਣ ਲਈ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਸ਼ਾਹਰੁਖ ਖਾਨ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਉਸ ਦੀਆਂ ਦੋ ਫਿਲਮਾਂ 2022 ਵਿਚ ਰਿਲੀਜ਼ ਹੋ ਸਕਦੀਆਂ ਹਨ।
ਨਾਲ ਹੀ ਸ਼ਾਹਰੁਖ ਖ਼ਾਨ ਦੀ ਆਉਣ ਵਾਲੀ ਫਿਲਮ ਦੇ ਬਾਰੇ ਵਿੱਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਉਸਨੂੰ ਰਾਜ ਅਤੇ ਡੀਕੇ ਦੀ ਇੱਕ ਫਿਲਮ ਦੀ ਸਕ੍ਰਿਪਟ ਵੀ ਪਸੰਦ ਆਈ ਹੈ। ਪਰ ਸ਼ਾਹਰੁਖ ਖ਼ਾਨ ਫਿਲਹਾਲ ਪਠਾਨ ਅਤੇ ਏਟਲੀ 'ਤੇ ਧਿਆਨ ਦੇ ਰਹੇ ਹਨ।
ਇਹ ਵੀ ਪੜ੍ਹੋ: Karan Johar New Movie: ਕਰਨ ਜੌਹਰ ਨੇ ਐਲਾਨੀ ਆਪਣੀ ਨਵੀਂ ਫ਼ਿਲਮ, ਜਲ੍ਹਿਆਂਵਾਲਾ ਬਾਗ ਦੀ ਸੱਚੀ ਕਹਾਣੀ ਆਵੇਗੀ ਨਜ਼ਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
