'ਸ਼ਿਵਾਏ' ਰਹਿ ਗਈ ਪਿੱਛੇ, ਜਾਣੋ ਪਹਿਲੇ ਦਿਨ ਦੀ ਕਮਾਈ

ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਈਆਂ ਫਿਲਮਾਂ 'ਐ ਦਿਲ ਹੈ ਮੁਸ਼ਕਿਲ' ਅਤੇ 'ਸ਼ਿਵਾਏ' ਦੀ ਪਹਿਲੇ ਦਿਨ ਦੀ ਕਮਾਈ ਸਾਹਮਣੇ ਆ ਗਈ ਹੈ। ਕਰਨ ਜੌਹਰ ਦੀ ਫਿਲਮ 'ਐ ਦਿਲ ਹੈ ਮੁਸ਼ਕਿਲ' ਨੇ ਅਜੇ ਦੇਵਗਨ ਦੀ 'ਸ਼ਿਵਾਏ' ਨੂੰ ਪਿੱਛੇ ਛੱਡ ਦਿੱਤਾ ਹੈ। 'ਐ ਦਿਲ ਹੈ ਮੁਸ਼ਕਿਲ' ਨੇ 13.30 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਹਾਲਾਂਕਿ 'ਸ਼ਿਵਾਏ' 10.34 ਕਰੋੜ ਰੁਪਏ ਹੀ ਕਮਾ ਪਾਈ ਹੈ।      ਇਸ ਬਾਰੇ ਫਿਲਮ ਕ੍ਰਿਟਿਕ ਤਰਨ ਆਦਰਸ਼ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ। ਮਲਟੀਪਲੈਕਸਾਂ ਵਿੱਚ 'ਐ ਦਿਲ ਹੈ ਮੁਸ਼ਕਿਲ' ਦਾ ਜਲਵਾ ਰਿਹਾ, ਸ਼ਾਅਦ ਇਹੀ ਵਜ੍ਹਾ ਰਹੀ ਕਿ ਫਿਲਮ ਨੇ ਵੱਧ ਕਮਾਈ ਕੀਤੀ ਹੈ। ਸਿੰਗਲ ਸਕਰੀਨ ਵਿੱਚ ਅਜੇ ਦੀ ਫਿਲਮ ਨੇ ਵੱਧ ਬਿਜ਼ਨਸ ਕੀਤਾ ਹੈ। ਦੋਵੇਂ ਹੀ ਫਿਲਮਾਂ ਨੂੰ ਲੈ ਕੇ ਕਾਫੀ ਤਮਾਸ਼ਾ ਹੋਇਆ ਸੀ। ਹਾਲਾਂਕਿ ਕਰਨ ਦੀ ਫਿਲਮ ਨੂੰ ਪਾਕਿਸਤਾਨੀ ਅਦਾਕਾਰਾਂ ਦੀ ਕੌਨਟਰੋਵਰਸੀ ਤੋਂ ਵੀ ਫਾਇਦਾ ਹੋਇਆ ਲਗਦਾ ਹੈ। ਕ੍ਰਿਟਿਕਸ ਦੀ ਸੁਣੀਏ ਤਾਂ ਦੇਵੇਂ ਹੀ ਫਿਲਮਾਂ ਐਵਰੇਜ ਹਨ। ਵੇਖਣਾ ਹੋਵੇਗਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਫਿਲਮਾਂ ਕਿੰਨਾ ਕਮਾਉਂਦੀਆਂ ਹਨ।