Gaurav Khanna: 'ਬਿੱਗ ਬੌਸ 19' ਜੇਤੂ ਗੌਰਵ ਖੰਨਾ ਨੂੰ ਲੱਗਿਆ ਵੱਡਾ ਝਟਕਾ, ਇਸ ਗਲਤੀ ਕਾਰਨ ਯੂ-ਟਿਊਬ ਚੈਨਲ ਹੋਇਆ ਟਰਮੀਨੇਟ! ਫੈਨਜ਼ 'ਚ ਮੱਚਿਆ ਹਾਹਾਕਾਰ...
Gaurav Khanna: ਰਿਐਲਿਟੀ ਸ਼ੋਅ 'ਬਿੱਗ ਬੌਸ 19' ਦੇ ਜੇਤੂ ਗੌਰਵ ਖੰਨਾ ਨੂੰ ਵੱਡਾ ਝਟਕਾ ਲੱਗਾ ਹੈ। ਦੱਸ ਦੇਈਏ ਕਿ ਸ਼ੋਅ ਜਿੱਤਣ ਤੋਂ ਕੁਝ ਹੀ ਦਿਨਾਂ ਬਾਅਦ, ਉਨ੍ਹਾਂ ਨੇ ਜੋ ਆਪਣਾ ਯੂ-ਟਿਊਬ ਚੈਨਲ ਲਾਂਚ ਕੀਤਾ ਸੀ, ਉਸ ਨੂੰ ਟਰਮੀਨੇਟ ਕਰ ...
Gaurav Khanna: ਰਿਐਲਿਟੀ ਸ਼ੋਅ 'ਬਿੱਗ ਬੌਸ 19' ਦੇ ਜੇਤੂ ਗੌਰਵ ਖੰਨਾ ਨੂੰ ਵੱਡਾ ਝਟਕਾ ਲੱਗਾ ਹੈ। ਦੱਸ ਦੇਈਏ ਕਿ ਸ਼ੋਅ ਜਿੱਤਣ ਤੋਂ ਕੁਝ ਹੀ ਦਿਨਾਂ ਬਾਅਦ, ਉਨ੍ਹਾਂ ਨੇ ਜੋ ਆਪਣਾ ਯੂ-ਟਿਊਬ ਚੈਨਲ ਲਾਂਚ ਕੀਤਾ ਸੀ, ਉਸ ਨੂੰ ਟਰਮੀਨੇਟ ਕਰ ਦਿੱਤਾ ਗਿਆ ਹੈ। ਦਰਅਸਲ, ਸਿਰਫ 24 ਘੰਟਿਆਂ ਦੇ ਅੰਦਰ ਹੀ, ਗੌਰਵ ਦੁਆਰਾ ਅਪਲੋਡ ਕੀਤਾ ਗਿਆ ਪਹਿਲਾ ਯੂ-ਟਿਊਬ ਵੀਡੀਓ ਪਲੇਟਫਾਰਮ ਤੋਂ ਅਚਾਨਕ ਹਟਾ ਦਿੱਤਾ ਗਿਆ ਹੈ। ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਹਾਹਾਕਾਰ ਮੱਚ ਗਿਆ। ਹਾਲਾਂਕਿ, ਉਨ੍ਹਾਂ ਦਾ ਪੂਰਾ ਚੈਨਲ ਹੀ ਯੂ-ਟਿਊਬ ਵੱਲੋਂ ਟਰਮੀਨੇਟ (ਬੰਦ) ਕਰ ਦਿੱਤਾ ਗਿਆ ਹੈ।
ਕੀ ਹੈ ਪੂਰਾ ਮਾਮਲਾ?
ਜਾਣਕਾਰੀ ਲਈ ਦੱਸ ਦੇਈਏ ਕਿ ਗੌਰਵ ਖੰਨਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਵੀਡੀਓ ਸਾਂਝਾ ਕਰਕੇ ਆਪਣੇ ਯੂ-ਟਿਊਬ ਚੈਨਲ ਦੀ ਸ਼ੁਰੂਆਤ ਦੀ ਜਾਣਕਾਰੀ ਦਿੱਤੀ ਸੀ। ਉਨ੍ਹਾਂ ਨੇ ਮਜ਼ਾਕੀਆ ਅੰਦਾਜ਼ ਵਿੱਚ ਦੱਸਿਆ ਸੀ ਕਿ ਚੈਨਲ ਲਾਂਚ ਕਰਨ ਦਾ ਪੂਰਾ ਸਿਹਰਾ ਉਨ੍ਹਾਂ ਦੇ ਕਰੀਬੀ ਦੋਸਤਾਂ ਮ੍ਰਿਦੁਲ ਤਿਵਾਰੀ ਅਤੇ ਪ੍ਰਣਿਤ ਮੋਰੇ ਨੂੰ ਜਾਂਦਾ ਹੈ। ਗੌਰਵ ਨੇ ਕਿਹਾ ਸੀ ਕਿ ਜੇ ਉਨ੍ਹਾਂ ਨੂੰ ਕਿਸੇ ਤਕਨੀਕੀ ਚੀਜ਼ ਦੀ ਸਮਝ ਨਹੀਂ ਆਈ ਤਾਂ ਉਹ ਸਿੱਧਾ ਇਨ੍ਹਾਂ ਦੋਵਾਂ ਨੂੰ ਫ਼ੋਨ ਕਰਨਗੇ। ਇਸ ਪਹਿਲੇ ਯੂ-ਟਿਊਬ ਵੀਡੀਓ ਵਿੱਚ, ਗੌਰਵ ਨੇ 'ਬਿੱਗ ਬੌਸ 19' ਦੇ ਆਪਣੇ ਤਜਰਬੇ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਲੋਕ ਸ਼ੋਅ ਨੂੰ ਸਿਰਫ਼ ਲੜਾਈ-ਝਗੜੇ ਨਾਲ ਜੋੜ ਕੇ ਦੇਖਦੇ ਹਨ, ਪਰ ਉਨ੍ਹਾਂ ਨੇ ਇਹ ਰਸਤਾ ਨਹੀਂ ਚੁਣਿਆ। ਉਨ੍ਹਾਂ ਨੇ ਇਹ ਵੀ ਦਾਅਵਾ ਕੀਤਾ ਸੀ ਕਿ ਬਿਨਾਂ ਵਿਵਾਦ ਦੇ ਵੀ ਸ਼ੋਅ ਜਿੱਤਣਾ ਸੰਭਵ ਹੈ।
ਅਚਾਨਕ ਵੀਡੀਓ ਹੋਇਆ ਗਾਇਬ
ਬਿੱਗ ਬੌਸ ਜੈਤੂ ਦਾ ਗੌਰਵ ਦਾ ਇਹ ਵੀਡੀਓ ਜ਼ਿਆਦਾ ਦੇਰ ਤੱਕ ਪਲੇਟਫਾਰਮ 'ਤੇ ਟਿਕ ਨਹੀਂ ਸਕਿਆ। ਕੁਝ ਹੀ ਘੰਟਿਆਂ ਦੇ ਅੰਦਰ, ਵੀਡੀਓ ਯੂ-ਟਿਊਬ ਤੋਂ ਗਾਇਬ ਹੋ ਗਿਆ। ਕਈ ਉਪਭੋਗਤਾਵਾਂ ਨੇ ਇਹ ਵੀ ਦਾਅਵਾ ਕੀਤਾ ਕਿ ਗੌਰਵ ਦਾ ਪੂਰਾ ਚੈਨਲ ਹੀ ਹੁਣ ਸਰਚ ਵਿੱਚ ਨਜ਼ਰ ਨਹੀਂ ਆ ਰਿਹਾ। ਸੋਸ਼ਲ ਮੀਡੀਆ 'ਤੇ ਕਿਆਸ ਲਗਾਏ ਜਾ ਰਹੇ ਹਨ ਕਿ ਯੂ-ਟਿਊਬ ਨੇ ਸ਼ਾਇਦ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਦੇ ਕਾਰਨ ਚੈਨਲ ਨੂੰ ਟਰਮੀਨੇਟ ਕਰ ਦਿੱਤਾ ਹੈ।
ਫਿਲਹਾਲ, ਵੀਡੀਓ ਜਾਂ ਚੈਨਲ ਹਟਾਏ ਜਾਣ ਦੀ ਅਸਲ ਵਜ੍ਹਾ ਸਾਫ਼ ਨਹੀਂ ਹੋ ਸਕੀ ਹੈ। ਯੂ-ਟਿਊਬ ਜਾਂ ਗੌਰਵ ਖੰਨਾ ਦੀ ਤਰਫ਼ੋਂ ਇਸ ਸੰਬੰਧੀ ਕੋਈ ਅਧਿਕਾਰਤ ਬਿਆਨ ਸਾਹਮਣੇ ਨਹੀਂ ਆਇਆ ਹੈ। ਪ੍ਰਸ਼ੰਸਕ ਹੁਣ ਪੂਰੀ ਸੱਚਾਈ ਜਾਣਨ ਲਈ ਗੌਰਵ ਦੀ ਪ੍ਰਤੀਕਿਰਿਆ ਦਾ ਇੰਤਜ਼ਾਰ ਕਰ ਰਹੇ ਹਨ। ਦੱਸ ਦੇਈਏ ਕਿ ਗੌਰਵ ਖੰਨਾ ਨੇ 7 ਦਸੰਬਰ ਨੂੰ ਹੋਏ 'ਬਿੱਗ ਬੌਸ 19' ਦੇ ਗ੍ਰੈਂਡ ਫਿਨਾਲੇ ਵਿੱਚ ਸਭ ਤੋਂ ਵੱਧ ਵੋਟਾਂ ਹਾਸਲ ਕਰਕੇ ਟਰਾਫੀ ਜਿੱਤੀ ਸੀ।
Before You Go
CM Mann's order? No NOC! — Majithia's big claim
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
