Sunny Deol Jumped 11 Thousand Feet: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਨੇ ਸਿਨੇਮਾ ਜਗਤ ਨੂੰ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ। ਉਨ੍ਹਾਂ ਦਾ ਹਰ ਅੰਦਾਜ਼ ਪ੍ਰਸ਼ੰਸਕਾਂ ਨੂੰ ਬੇਹੱਦ ਪਸੰਦ ਆਇਆ ਹੈ। ਉਨ੍ਹਾਂ ਦੇ ਐਕਸ਼ਨ ਨਾਲ ਭਰਪੂਰ ਫਿਲਮਾਂ ਨੂੰ ਫੈਨਜ਼ ਦਾ ਭਰਮਾ ਹੁੰਗਾਰਾ ਮਿਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਉਸ ਦੀਆਂ ਹਰ ਦੌਰ ਨਾਲ ਜੁੜੀਆਂ ਫਿਲਮਾਂ ਦੇ ਡਾਇਲਾਗ ਅੱਜ ਤੱਕ ਮਸ਼ਹੂਰ ਹਨ, ਜਿਸਦੇ ਹਰ ਕਿਸੇ ਦੀ ਜ਼ੁਬਾਨ ਉੱਪਰ ਖੂਬ ਚਰਚੇ ਹੁੰਦੇ ਹਨ। ਫਿਰ ਚਾਹੇ ਉਹ ਢਾਈ ਕਿਲੋ ਕਾ ਹਾਥ ਦੀ ਗੱਲ ਹੋਵੇ ਜਾਂ ਤਾਰੀਕ ਪੈ ਤਾਰੀਕ ਜਾਂ ਤਾਰਾ ਸਿੰਘ ਬਣ ਕੇ ਸੰਨੀ ਦਿਓਲ ਦਾ ਪਾਕਿਸਤਾਨ ਵਿੱਚ ਭਾਰਤ ਜ਼ਿੰਦਾਬਾਦ ਦੇ ਨਾਅਰੇ ਲਗਾ ਕੇ ਆਉਣਾ।
ਸੰਨੀ ਦਿਓਲ ਦੇ ਕਿਸੇ ਵੀ ਡਾਇਲਾਗ ਨੂੰ ਭੁੱਲਣਾ ਆਸਾਨ ਨਹੀਂ ਹੈ। ਸੰਨੀ ਦਿਓਲ ਦੇ ਇਹ ਡਾਇਲਾਗ ਅਤੇ ਐਕਸ਼ਨ ਸੀਨ ਸੰਨੀ ਦਿਓਲ ਦੇ ਦਿਲ ਦੇ ਓਨੇ ਹੀ ਕਰੀਬ ਹਨ ਜਿੰਨੇ ਦਰਸ਼ਕ ਪਸੰਦ ਕਰਦੇ ਹਨ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਸੰਨੀ ਦਿਓਲ ਇਨ੍ਹਾਂ ਐਕਸ਼ਨ ਸੀਨ ਨੂੰ ਸ਼ਾਨਦਾਰ ਬਣਾਉਣ ਲਈ ਆਪਣੀ ਜਾਨ ਤੇ ਵੀ ਖੇਡ ਚੁੱਕੇ ਹਨ। ਸੰਨੀ ਦਿਓਲ ਨੇ ਆਪਣੀ ਇੱਕ ਫਿਲਮ ਲਈ 11 ਹਜ਼ਾਰ ਫੁੱਟ ਦੀ ਉਚਾਈ ਤੋਂ ਛਾਲ ਮਾਰੀ ਸੀ। ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਕਿਹੜੀ ਫਿਲਮ ਸੀ?
ਜਾਸੂਸ ਬਣੇ ਸੀ ਸੰਨੀ ਦਿਓਲ
ਦੱਸ ਦੇਈਏ ਕਿ ਇਹ ਇੱਕ ਅਜਿਹੀ ਫ਼ਿਲਮ ਸੀ ਜਿਸ ਵਿੱਚ ਸੰਨੀ ਦਿਓਲ ਨੇ ਇੱਕ ਜਾਸੂਸ ਦੀ ਭੂਮਿਕਾ ਨਿਭਾਈ ਸੀ। ਫਿਲਮ ਦਾ ਨਾਂ ਹੀਰੋ: ਲਵਸਟੋਰੀ ਆਫ ਏ ਸਪਾਈ ਹੈ। ਜਿਸ ਵਿੱਚ ਪ੍ਰੇਮ ਕਹਾਣੀ ਦੇ ਨਾਲ-ਨਾਲ ਇੱਕ ਜਾਸੂਸ ਦੀ ਬਹਾਦਰੀ ਨੂੰ ਵੀ ਦਿਖਾਇਆ ਗਿਆ। ਇਸ ਫਿਲਮ 'ਚ ਸੰਨੀ ਦਿਓਲ ਰਾਅ ਦਾ ਏਜੰਟ ਬਣਿਆ ਸੀ। ਉਨ੍ਹਾਂ ਤੋਂ ਇਲਾਵਾ ਪ੍ਰਿਟੀ ਜ਼ਿੰਟਾ ਅਤੇ ਪ੍ਰਿਯੰਕਾ ਚੋਪੜਾ ਵੀ ਫਿਲਮ 'ਚ ਸਨ। ਫਿਲਮ 'ਚ ਜ਼ਬਰਦਸਤ ਐਕਸ਼ਨ ਸੀਨ ਸਨ। ਦੇਸ਼ ਨੂੰ ਬਚਾਉਣ ਲਈ, ਇੱਕ ਜਾਸੂਸ ਪਹਿਲਾਂ ਆਪਣੇ ਪਿਆਰ ਦੀ ਬਲੀ ਦਿੰਦਾ ਹੈ ਅਤੇ ਫਿਰ ਆਪਣੇ ਆਪ ਨੂੰ ਮਿਟਾਉਣ ਲਈ ਤਿਆਰ ਹੁੰਦਾ ਹੈ। ਸੰਨੀ ਦਿਓਲ ਦੇ ਸ਼ਾਨਦਾਰ ਡਾਇਲਾਗਸ ਅਤੇ ਸ਼ਾਨਦਾਰ ਐਕਸ਼ਨ ਸੀਨ ਨਾਲ ਇਹ ਫਿਲਮ ਤਿਆਰ ਕੀਤੀ ਗਈ।
ਸਭ ਤੋਂ ਮਹਿੰਗੀ ਫਿਲਮ, ਸਭ ਤੋਂ ਖਤਰਨਾਕ ਐਕਸ਼ਨ
ਸਾਲ 2003 'ਚ ਰਿਲੀਜ਼ ਹੋਈ ਇਹ ਫਿਲਮ ਉਸ ਸਮੇਂ ਦੀ ਸਭ ਤੋਂ ਮਹਿੰਗੀ ਫਿਲਮ ਮੰਨੀ ਗਈ। ਇਹ ਫਿਲਮ 55 ਕਰੋੜ ਦੀ ਲਾਗਤ ਨਾਲ ਬਣੀ ਸੀ, ਜਿਸ ਦੀ ਸ਼ੁਰੂਆਤ ਵੀ ਬਹੁਤ ਵਧੀਆ ਹੋਈ ਸੀ। ਪਰ ਫਿਲਮ ਜ਼ਿਆਦਾ ਮੁਨਾਫਾ ਨਹੀਂ ਕਮਾ ਸਕੀ। ਇਸ ਫਿਲਮ ਦੇ ਇੱਕ ਸੀਨ ਲਈ ਸੰਨੀ ਦਿਓਲ ਨੇ ਆਪਣੀ ਜਾਨ ਦੀ ਬਾਜ਼ੀ ਵੀ ਲਗਾ ਦਿੱਤੀ ਸੀ। ਉਸ ਨੇ ਸੀਨ 'ਚ 11 ਹਜ਼ਾਰ ਫੁੱਟ ਦੀ ਉਚਾਈ ਤੋਂ ਛਾਲ ਮਾਰਨੀ ਸੀ। ਸੰਨੀ ਦਿਓਲ ਨੇ ਬਿਨਾਂ ਕਿਸੇ ਬਾਡੀ ਡਬਲ ਦੇ ਇਸ ਸੀਨ ਨੂੰ ਅੰਜਾਮ ਦਿੱਤਾ ਸੀ। ਇਕ ਇੰਟਰਵਿਊ 'ਚ ਸੰਨੀ ਦਿਓਲ ਨੇ ਖੁਦ ਕਿਹਾ ਸੀ ਕਿ ਇਹ ਉਨ੍ਹਾਂ ਦੀ ਜ਼ਿੰਦਗੀ ਦਾ ਸਭ ਤੋਂ ਖਤਰਨਾਕ ਸਟੰਟ ਸੀਨ ਸੀ।