Films Banned In India: ਭਾਰਤ ਵਿੱਚ ਭਾਵੇਂ ਹੁਣ ਵੈੱਬ ਸੀਰੀਜ਼ ਅਤੇ ਫਿਲਮਾਂ ਵਿੱਚ ਅਸ਼ਲੀਲ ਦ੍ਰਿਸ਼ ਬਹੁਤ ਜ਼ਿਆਦਾ ਦੇਖੇ ਜਾਂਦੇ ਹਨ, ਇੱਕ ਸਮਾਂ ਸੀ ਜਦੋਂ ਇਸਨੂੰ ਬਹੁਤ ਗੰਦਾ ਮੰਨਿਆ ਜਾਂਦਾ ਸੀ। ਅਜਿਹੇ 'ਚ ਕਈ ਫਿਲਮਾਂ 'ਤੇ ਪਾਬੰਦੀ ਵੀ ਲੱਗ ਚੁੱਕੀ ਹੈ। ਗੰਦੇ ਦ੍ਰਿਸ਼ਾਂ ਅਤੇ ਅਸ਼ਲੀਲ ਸਮੱਗਰੀ ਕਾਰਨ ਭਾਰਤ ਵਿੱਚ ਇਨ੍ਹਾਂ ਫਿਲਮਾਂ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ
ਰਤਨਾ ਪਾਠਕ ਅਤੇ ਕੋਂਕਣਾ ਸੇਨ ਸਟਾਰਰ ਫਿਲਮ 'ਲਿਪਸਟਿਕ ਅੰਡਰ ਮਾਈ ਬੁਰਖਾ' 'ਚ ਵੀ ਕਾਫੀ ਅਸ਼ਲੀਲ ਦ੍ਰਿਸ਼ ਦਿਖਾਏ ਗਏ ਸੀ। ਅਜਿਹੇ 'ਚ ਗਾਲੀ-ਗਲੋਚ ਅਤੇ ਆਡੀਓ ਅਸ਼ਲੀਲਤਾ ਦੇ ਆਧਾਰ 'ਤੇ ਫਿਲਮ 'ਤੇ ਰੋਕ ਲਗਾ ਦਿੱਤੀ ਗਈ ਸੀ।
ਫਿਲਮ 'ਫਾਇਰ' 1996 'ਚ ਰਿਲੀਜ਼ ਹੋਈ ਸੀ, ਜਿਸ 'ਚ ਦੋ ਔਰਤਾਂ ਦੇ ਪਿਆਰ ਦੀ ਕਹਾਣੀ ਹੈ। ਫਿਲਮ 'ਤੇ ਸਮਲਿੰਗੀ ਪਿਆਰ ਨੂੰ ਉਤਸ਼ਾਹਿਤ ਕਰਨ ਲਈ ਅਤੇ ਦੋ ਔਰਤਾਂ ਸੀਤਾ ਅਤੇ ਰਾਧਾ ਦੇ ਨਾਂ ਨੂੰ ਲੈ ਕੇ ਹਿੰਦੂ ਆਸਥਾ 'ਤੇ ਹਮਲਾ ਕਰਨ ਦਾ ਦੋਸ਼ ਲੱਗਿਆ ਸੀ। ਇਸ ਤੋਂ ਬਾਅਦ ਇਸ ਫਿਲਮ 'ਤੇ ਪਾਬੰਦੀ ਲਗਾ ਦਿੱਤੀ ਗਈ।
2003 ਦੀ ਫਿਲਮ 'ਪਾਂਚ' 1976-77 'ਚ ਪੁਣੇ 'ਚ ਜੋਸ਼ੀ-ਅਭਯੰਕਰ ਦੇ ਲੜੀਵਾਰ ਕਤਲ 'ਤੇ ਆਧਾਰਿਤ ਹੈ। ਅਨੁਰਾਗ ਕਸ਼ਯਪ ਦੀ ਇਸ ਫਿਲਮ ਨੂੰ ਹਿੰਸਾ, ਡਰੱਗਸ, ਕਠੋਰ ਭਾਸ਼ਾ, ਯੁੱਧ ਅਤੇ ਕਤਲ ਦੀ ਵਡਿਆਈ ਦੇ ਕਾਰਨ ਬੈਨ ਕਰ ਦਿੱਤਾ ਗਿਆ ਸੀ।
'ਦਿ ਪਿੰਕ ਮਿਰਰ' (ਗੁਲਾਬੀ ਆਇਨਾ) ਭਾਰਤੀ ਸਮਲਿੰਗਤਾ 'ਤੇ ਆਧਾਰਿਤ ਫਿਲਮ ਸੀ। 2003 ਵਿੱਚ ਬਣੀ ਇਸ ਫਿਲਮ ਨੂੰ ਸੈਂਟਰਲ ਬੋਰਡ ਆਫ ਫਿਲਮ ਸਰਟੀਫਿਕੇਸ਼ਨ ਨੇ ਅਸ਼ਲੀਲ ਅਤੇ ਇਤਰਾਜ਼ਯੋਗ ਕਰਾਰ ਦਿੰਦੇ ਹੋਏ ਬੈਨ ਕਰ ਦਿੱਤਾ।
ਫਿਲਮ 'ਉਰਫ ਪ੍ਰੋਫੈਸਰ' ਇੱਕ ਬਲੈਕ ਕਾਮੇਡੀ ਫਿਲਮ ਹੈ। ਪਰ ਅਸ਼ਲੀਲ ਸਮੱਗਰੀ ਅਤੇ ਦ੍ਰਿਸ਼ਾਂ ਕਾਰਨ ਇਸ 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਸੀ।
ਮੀਰਾ ਨਾਇਰ ਦੀ ਫਿਲਮ 'ਕਾਮਸੂਤਰ: ਏ ਟੇਲ ਆਫ ਲਵ' ਅਸ਼ਲੀਲ ਦ੍ਰਿਸ਼ਾਂ ਨਾਲ ਭਰੀ ਹੋਈ ਸੀ। ਇਸ ਫਿਲਮ ਨੂੰ ਸੈਂਸਰ ਬੋਰਡ ਨੇ ਅਨੈਤਿਕ ਕਰਾਰ ਦਿੰਦੇ ਹੋਏ ਪਾਬੰਦੀ ਲਗਾ ਦਿੱਤੀ ਸੀ।
1994 'ਚ ਆਈ ਫਿਲਮ 'ਬੈਂਡਿਟ ਕਵੀਨ' ਫੂਲਨ ਦੇਵੀ ਦੇ ਜੀਵਨ 'ਤੇ ਆਧਾਰਿਤ ਹੈ। ਮਾਲਾ ਸੇਨ ਦੀ ਕਿਤਾਬ 'ਤੇ ਆਧਾਰਿਤ ਇਹ ਫਿਲਮ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਪਰ ਫਿਲਮ 'ਚ ਔਰਤਾਂ ਵਿਰੁੱਧ ਹਿੰਸਾ ਅਤੇ ਉੱਚ ਵਰਗ ਦੇ ਮਰਦਾਂ ਵੱਲੋਂ ਬਲਾਤਕਾਰ ਦੇ ਮਾਮਲੇ ਦਿਖਾਏ ਗਏ ਸਨ, ਜਿਸ ਤੋਂ ਬਾਅਦ ਇਸ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ।