Sneha Ullal: ਐਸ਼ਵਰਿਆ ਰਾਏ ਦੀ ਹਮਸ਼ਕਲ ਸਨੇਹਾ ਉੱਲਾਲ ਕਿੱਥੇ ਹੋਈ ਸੀ ਗਾਇਬ ? ਇੰਟਰਵਿਊ ਰਾਹੀਂ ਵੱਡੀ ਬੀਮਾਰੀ ਦਾ ਕੀਤਾ ਖੁਲਾਸਾ

Sneha Ullal: ਐਸ਼ਵਰਿਆ ਰਾਏ ਦੀ ਦਿੱਖ ਵਾਲੀ ਸਨੇਹਾ ਉੱਲਾਲ ਫਿਲਮ ਇੰਡਸਟਰੀ ਤੋਂ ਦੂਰ ਹੈ ਪਰ ਉਸ ਦੇ ਪ੍ਰਸ਼ੰਸਕ ਉਸ ਦੀ ਹਰ ਖਬਰ ਜਾਣਨਾ ਚਾਹੁੰਦੇ ਹਨ। ਸਲਮਾਨ ਖਾਨ ਦੀ ਫਿਲਮ 'ਲੱਕੀ - ਨੋ ਟਾਈਮ ਫਾਰ ਲਵ' ਨਾਲ ਬਾਲੀਵੁੱਡ

Aishwarya Rai lookalike Sneha Ullal

Sneha Ullal: ਐਸ਼ਵਰਿਆ ਰਾਏ ਦੀ ਦਿੱਖ ਵਾਲੀ ਸਨੇਹਾ ਉੱਲਾਲ ਫਿਲਮ ਇੰਡਸਟਰੀ ਤੋਂ ਦੂਰ ਹੈ ਪਰ ਉਸ ਦੇ ਪ੍ਰਸ਼ੰਸਕ ਉਸ ਦੀ ਹਰ ਖਬਰ ਜਾਣਨਾ ਚਾਹੁੰਦੇ ਹਨ। ਸਲਮਾਨ ਖਾਨ ਦੀ ਫਿਲਮ 'ਲੱਕੀ - ਨੋ ਟਾਈਮ ਫਾਰ ਲਵ' ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਵਾਲੀ ਸਨੇਹਾ ਉਲਾਲ ਨੇ 'ਆਰੀਅਨ', 'ਜਾਨੇ ਭੀ ਦੋ ਯਾਰਾਂ' ਅਤੇ 'ਕਲਿਕ' ਵਰਗੀਆਂ ਫਿਲਮਾਂ 'ਚ ਕੰਮ ਕੀਤਾ। ਹਾਲਾਂਕਿ, ਉਸਦੇ ਕੰਮ ਤੋਂ ਵੱਧ ਉਸਦੀ ਦਿੱਖ ਨੇ ਉਸਨੂੰ ਪਛਾਣ ਦਿੱਤੀ। ਉਹ ਆਖਰੀ ਵਾਰ 2022 'ਚ ਰਿਲੀਜ਼ ਹੋਈ ਫਿਲਮ 'ਲਵ ਯੂ ਡੈਮੋਕਰੇਸੀ' 'ਚ ਨਜ਼ਰ ਆਏ ਸਨ।

ਸਲਮਾਨ ਖਾਨ ਨੇ ਦਿੱਤਾ ਬ੍ਰੇਕ ...

18 ਦਸੰਬਰ 1987 ਨੂੰ ਮਸਕਟ ਵਿੱਚ ਜਨਮੀ, ਸਨੇਹਾ ਉੱਲਾਲ ਨੇ 18 ਸਾਲ ਦੀ ਉਮਰ ਵਿੱਚ ਸਲਮਾਨ ਖਾਨ ਦੇ ਨਾਲ 'ਲਕੀ-ਨੋ ਟਾਈਮ ਫਾਰ ਲਵ' ਨਾਲ ਆਪਣੀ ਸ਼ੁਰੂਆਤ ਕੀਤੀ। ਸਨੇਹਾ ਦੀ ਇਹ ਫਿਲਮ ਕੁਝ ਖਾਸ ਨਹੀਂ ਦਿਖਾ ਸਕੀ ਪਰ ਉਸ ਨੇ ਆਪਣੇ ਲੁੱਕ ਨਾਲ ਸਾਰਿਆਂ ਦਾ ਧਿਆਨ ਜ਼ਰੂਰ ਆਪਣੇ ਵੱਲ ਖਿੱਚ ਲਿਆ। ਇਹ ਵੀ ਸੁਣਨ ਵਿਚ ਆਇਆ ਸੀ ਕਿ ਸਲਮਾਨ ਖਾਨ ਨੇ ਉਸ ਨੂੰ ਐਸ਼ਵਰਿਆ ਰਾਏ ਨਾਲ ਮਿਲਦੀ-ਜੁਲਦੀ ਹੋਣ ਕਾਰਨ ਬਾਲੀਵੁੱਡ ਵਿਚ ਬ੍ਰੇਕ ਦਿੱਤਾ ਸੀ। ਸਨੇਹਾ ਦਬੰਗ ਖਾਨ ਦੀ ਖੋਜ ਸੀ। ਸਨੇਹਾ ਨੇ ਕਈ ਬਾਲੀਵੁੱਡ ਫਿਲਮਾਂ 'ਚ ਕੰਮ ਕੀਤਾ। ਸਨੇਹਾ ਨੇ ਸਾਊਥ ਦੀਆਂ ਫਿਲਮਾਂ 'ਚ ਵੀ ਹੱਥ ਅਜ਼ਮਾਇਆ ਹੈ ਪਰ ਇੱਥੇ ਵੀ ਉਸ ਨੂੰ ਸਫਲਤਾ ਨਹੀਂ ਮਿਲ ਸਕੀ। ਉਸ ਦੀਆਂ ਸਾਰੀਆਂ ਫਿਲਮਾਂ ਫਲਾਪ ਸਾਬਤ ਹੋਈਆਂ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Sneha Ullal (@snehaullal)

ਗੰਭੀਰ ਬੀਮਾਰੀ ਕਾਰਨ ਇੰਡਸਟਰੀ ਤੋਂ ਦੂਰ...

2015 ਤੋਂ ਬਾਅਦ ਸਨੇਹਾ ਨੇ ਫਿਲਮੀ ਪਰਦੇ ਤੋਂ ਅਚਾਨਕ ਦੂਰੀ ਬਣਾ ਲਈ। ਇੱਕ ਇੰਟਰਵਿਊ ਵਿੱਚ ਸਨੇਹਾ ਨੇ ਆਪਣਾ ਬ੍ਰੇਕ ਲੈਣ ਦਾ ਕਾਰਨ ਦੱਸਿਆ। ਉਸ ਨੇ ਦੱਸਿਆ ਸੀ ਕਿ ਉਹ ਇਕ ਵੱਡੀ ਬੀਮਾਰੀ ਤੋਂ ਪੀੜਤ ਹੈ, ਜਿਸ ਕਾਰਨ ਉਸ ਨੂੰ ਫਿਲਮਾਂ ਤੋਂ ਦੂਰ ਰਹਿਣਾ ਪਿਆ। ਸਨੇਹਾ ਨੂੰ ਔਕਟੋਇਮਿਊਨ ਡਿਸਆਰਡਰ ਨਾਂ ਦੀ ਬੀਮਾਰੀ ਸੀ, ਜਿਸ ਕਾਰਨ ਉਹ ਚਾਰ ਸਾਲਾਂ ਤੱਕ ਆਪਣੇ ਪੈਰਾਂ 'ਤੇ ਖੜ੍ਹੀ ਨਹੀਂ ਹੋ ਸਕੀ। ਇਹ ਖੂਨ ਨਾਲ ਜੁੜੀ ਬੀਮਾਰੀ ਹੈ। ਹਾਲਾਂਕਿ ਸਨੇਹਾ ਹੁਣ ਪੂਰੀ ਤਰ੍ਹਾਂ ਠੀਕ ਹੈ। ਅਦਾਕਾਰਾ ਨੇ ਸਾਲ 2022 'ਚ ਫਿਲਮ 'ਲਵ ਯੂ ਡੈਮੋਕਰੇਸੀ' ਨਾਲ ਇਕ ਵਾਰ ਫਿਰ ਫਿਲਮੀ ਪਰਦੇ 'ਤੇ ਵਾਪਸੀ ਕੀਤੀ। ਹਾਲਾਂਕਿ ਇਹ ਫਿਲਮ ਵੀ ਵੱਡੇ ਪਰਦੇ 'ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਸਕੀ।

ਸਨੇਹਾ ਉੱਲਾਲ ਕਿੱਥੇ ਹੈ ?

ਸਨੇਹਾ ਉੱਲਾਲ ਇਸ ਸਮੇਂ ਵੱਡੇ ਪਰਦੇ ਤੋਂ ਦੂਰ ਆਪਣੀ ਜ਼ਿੰਦਗੀ ਦਾ ਆਨੰਦ ਮਾਣ ਰਹੀ ਹੈ। ਉਹ ਇੰਸਟਾਗ੍ਰਾਮ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਲਗਭਗ ਹਰ ਰੋਜ਼ ਆਪਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨਾਲ ਆਪਣੇ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਦੀ ਰਹਿੰਦੀ ਹੈ। ਇੰਸਟਾਗ੍ਰਾਮ 'ਤੇ ਉਸ ਦੇ 833 ਹਜ਼ਾਰ ਫਾਲੋਅਰਜ਼ ਹਨ।