Kapil Sharma Love Story: ਆਪਣੀ ਸਟੂਡੈਂਟ ਨਾਲ ਕਪਿਲ ਸ਼ਰਮਾ ਨੂੰ ਹੋਇਆ ਸੀ ਪਿਆਰ, ਦਿਲਚਸਪ ਹੈ ਕਪਿਲ ਤੇ ਗਿੰਨੀ ਦੀ ਲਵ ਸਟੋਰੀ

ਕਪਿਲ ਸ਼ਰਮਾ (Kapil Sharma) ਨੇ ਇੱਕ ਇੰਟਰਵਿਊ ਦੌਰਾਨ ਖੁਲਾਸਾ ਕੀਤਾ ਕਿ ਉਹ ਗਿੰਨੀ ਚਤਰਥ ਨੂੰ ਕਿਵੇਂ ਮਿਲੇ ਸਨ। ਇਸ ਦੇ ਨਾਲ ਹੀ ਕਾਮੇਡੀਅਨ ਨੇ ਇਹ ਵੀ ਦੱਸਿਆ ਸੀ ਕਿ ਕਿਵੇਂ ਦੋਨਾਂ ਵਿੱਚ ਪਿਆਰ ਹੋਇਆ।

ਕਪਿਲ ਸ਼ਰਮਾ, ਗਿੰਨੀ ਚਤਰਥ

Kapil Sharma Ginni Chatrath Love Story: ਕਾਮੇਡੀਅਨ ਕਪਿਲ ਸ਼ਰਮਾ ਅੱਜ ਜਿਸ ਮੁਕਾਮ 'ਤੇ ਪਹੁੰਚੇ ਹਨ, ਉਸ ਦੇ ਪਿੱਛੇ ਉਨ੍ਹਾਂ ਦੀ ਮਿਹਨਤ ਅਤੇ ਸੰਘਰਸ਼ ਹੈ। ਕਪਿਲ ਆਪਣੀ ਸ਼ਾਨਦਾਰ ਕਾਮੇਡੀ ਟਾਈਮਿੰਗ ਲਈ ਜਾਣੇ ਜਾਂਦੇ ਹਨ। ਕਪਿਲ ਸ਼ਰਮਾ ਆਪਣੇ ਕੰਮ ਨਾਲ ਬਹੁਤ ਪਿਆਰ ਕਰਦੇ ਹਨ, ਇਸਦੇ ਨਾਲ ਹੀ ਉਹ ਇੱਕ ਹੋਰ ਵਿਅਕਤੀ ਨੂੰ ਬਹੁਤ ਪਿਆਰ ਕਰਦੇ ਹਨ ਅਤੇ ਉਹ ਹੈ ਉਨ੍ਹਾਂ ਦੀ ਪਤਨੀ ਗਿੰਨੀ ਚਤਰਥ। ਇਕ ਇaਟਰਵਿਊ ਦੌਰਾਨ ਕਪਿਲ ਸ਼ਰਮਾ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੀ ਗਿੰਨੀ ਨਾਲ ਮੁਲਾਕਾਤ ਕਿਵੇਂ ਹੋਈ ਅਤੇ ਉਨ੍ਹਾਂ ਦੀ ਲਵ ਸਟੋਰੀ ਕਿਵੇਂ ਸ਼ੁਰੂ ਹੋਈ। ਕਪਿਲ ਸ਼ਰਮਾ ਨੇ ਸਾਲ 2018 ਵਿੱਚ ਗਿੰਨੀ ਚਤਰਥ ਨਾਲ ਵਿਆਹ ਕੀਤਾ ਸੀ, ਇਸ ਜੋੜੇ ਦੇ ਦੋ ਬੱਚੇ ਹਨ।

ਕਪਿਲ ਸ਼ਰਮਾ ਦੀ ਬੇਟੀ ਅਨਾਇਰਾ ਦਾ ਜਨਮ ਸਾਲ 2019 'ਚ ਹੋਇਆ ਸੀ, ਜਿਸ ਤੋਂ ਬਾਅਦ ਗਿੰਨੀ ਚਤਰਥ ਨੇ 2021 'ਚ ਬੇਟੇ ਤ੍ਰਿਸ਼ਾਨ ਨੂੰ ਜਨਮ ਦਿੱਤਾ ਸੀ। ਕਪਿਲ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੇ ਨਹੀਂ ਸੋਚਿਆ ਸੀ ਕਿ ਗਿੰਨੀ ਅਤੇ ਉਨ੍ਹਾਂ ਦਾ ਰਿਸ਼ਤਾ ਵਿਆਹ `ਚ ਬਦਲੇਗਾ। ਇਸ ਬਾਰੇ ਗੱਲ ਕਰਦਿਆਂ ਕਪਿਲ ਨੇ ਅੱਗੇ ਦੱਸਿਆ ਕਿ ਜਲੰਧਰ ਦੇ ਗਰਲਜ਼ ਕਾਲਜ ਵਿੱਚ ਗਿੰਨੀ ਪੜ੍ਹਦੀ ਸੀ, ਜੋ ਮੇਰੇ ਤੋਂ 3-4 ਸਾਲ ਛੋਟੀ ਸੀ। ਕਪਿਲ ਉਸ ਸਮੇਂ ਕਮਰਸ਼ੀਅਲ ਆਰਟਸ ਵਿੱਚ ਆਪਣਾ ਪੀਜੀ ਡਿਪਲੋਮਾ ਕਰ ਰਿਹਾ ਸੀ ਅਤੇ ਉਸਨੂੰ ਜੇਬ ਵਿੱਚ ਪੈਸੇ ਦੀ ਲੋੜ ਸੀ। ਅਜਿਹੇ 'ਚ ਕਪਿਲ ਹਮੇਸ਼ਾ ਥਿਏਟਰ 'ਚ ਹਿੱਸਾ ਲੈਂਦੇ ਸਨ ਅਤੇ ਇਸ ਦੇ ਲਈ ਉਹ ਦੂਜੇ ਕਾਲਜਾਂ 'ਚ ਵੀ ਜਾਂਦੇ ਸਨ।

ਕਪਿਲ ਨੇ ਕਿਹਾ ਸੀ ਕਿ ਉਨ੍ਹਾਂ ਦੀ ਸਟੂਡੈਂਟ ਗਿੰਨੀ (ਗਿੰਨੀ ਚਤਰਥ) ਹੁੰਦੀ ਸੀ, ਜੋ ਬਹੁਤ ਬੁੱਧੀਮਾਨ ਸੀ। ਇਸ ਬਾਰੇ ਗੱਲ ਕਰਦੇ ਹੋਏ ਕਪਿਲ ਨੇ ਕਿਹਾ ਸੀ ਕਿ ਗਿੰਨੀ ਹਿਸਟਰੀਓਨਿਕਸ ਅਤੇ ਸਕਿਟਸ ਵਿੱਚ ਬਹੁਤ ਚੰਗੀ ਸੀ, ਜਿਸ ਕਾਰਨ ਕਪਿਲ ਨੇ ਉਸਨੂੰ ਆਪਣਾ ਅਸਿਸਟੈਂਟ ਬਣਾਇਆ ਸੀ। ਕਪਿਲ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਯਾਦ ਹੈ ਕਿ ਗਿੰਨੀ ਇਕ ਮਹਿੰਗੀ ਕਾਰ 'ਚ ਕਾਲਜ ਆਉਂਦੀ ਸੀ ਜਦਕਿ ਉਹ ਸਕੂਟਰ 'ਤੇ ਜਾਂਦੇ ਸੀ। ਇਸ ਦੌਰਾਨ ਕਪਿਲ ਨੇ ਇਹ ਵੀ ਕਿਹਾ ਕਿ ਗਿੰਨੀ ਨੂੰ ਪਹਿਲਾਂ ਪਿਆਰ ਹੋਇਆ ਸੀ।

ਪਰ ਕਪਿਲ ਨੂੰ ਹਮੇਸ਼ਾ ਲੱਗਦਾ ਸੀ ਕਿ ਵਰਗ ਦੇ ਫਰਕ ਕਾਰਨ ਦੋਹਾਂ ਰਿਸ਼ਤਾ ਵਿਆਹ `ਚ ਨਹੀਂ ਬਦਲੇਗਾ। ਕਪਿਲ ਦੇ ਇਕ ਦੋਸਤ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਗਿੰਨੀ ਉਨ੍ਹਾਂ ਨੂੰ ਪਸੰਦ ਕਰਦੀ ਹੈ, ਪਰ ਉਹ ਕਦੇ ਵੀ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੀ ਸੀ। ਕਪਿਲ ਨੇ ਕਿਹਾ ਕਿ ਮੈਂ ਬਹੁਤ ਖੁਸ਼ਕਿਸਮਤ ਹਾਂ ਕਿ ਮੈਂ ਗਿੰਨੀ ਚਤਰਥ ਨਾਲ ਵਿਆਹ ਕੀਤਾ ਹੈ।