ਹਾਸੇ ਵੇਚ ਕਪਿਲ ਬਣੇ ਕਰੋੜਪਤੀ, ਅੱਜ ਮਨਾ ਰਹੇ 38ਵਾਂ ਜਨਮ ਦਿਨ

ਚੰਡੀਗੜ੍ਹ: ਅੱਜ ਕਾਮੇਡੀਅਨ ਕਪਿਲ ਸ਼ਰਮਾ ਦਾ ਵੀ 38ਵਾਂ ਜਨਮ ਦਿਨ ਹੈ। ਕਪਿਲ ਦਾ ਜਨਮ 2 ਅਪਰੈਲ, 1981 ਨੂੰ ਪੰਜਾਬ ਅੰਮ੍ਰਿਤਸਰ ‘ਚ ਹੋਇਆ। ਕਪਿਲ ਦਾ ਅਸਲ ਨਾਂ ਸ਼ਮਸ਼ੇਰ ਸਿੰਘ ਹੈ। ਉਨ੍ਹਾਂ ਲਾਫਟਰ ਚੈਲੇਂਜ 3 ਜਿੱਤ ਕੇ ਗਲੈਮਰ ਦੀ ਦੁਨੀਆ ‘ਚ ਆਪਣੀ ਥਾਂ ਬਣਾਉਣ ਲਈ ਪਹਿਲਾ ਕਦਮ ਰੱਖਿਆ। ਹਿੰਦੀ ਸ਼ੋਅ ਦੇ ਨਾਲ-ਨਾਲ ਕਪਿਲ ਨੇ ਪੰਜਾਬੀ ਸ਼ੋਅ ‘ਚ ਵੀ ਕੰਮ ਕੀਤਾ ਹੈ। ਹੁਣ ਤਕ ਕਪਿਲ ਨੇ ਕੁੱਲ 9 ਲਾਫਟਰ ਸ਼ੋਅ ਜਿੱਤੇ ਹਨ। ਸੋਨੀ ਟੀਵੀ ‘ਤੇ ਖੁਦ ਦਾ ਸ਼ੋਅ ‘ਦ ਕਪਿਲ ਸ਼ਰਮਾ ਸ਼ੋਅ’ ਆਉਂਦਾ ਹੈ। ਅੱਜ ਕਪਿਲ ਇੱਕ ਆਲੀਸ਼ਾਨ ਜ਼ਿੰਦਗੀ ਜਿਉਂਦੇ ਹਨ। ਉਨ੍ਹਾਂ ਦੀ ਨੈੱਟਵਰਥ 170 ਕੋਰੜ ਰੁਪਏ ਤੋਂ ਵੀ ਜ਼ਿਆਦਾ ਹੈ। ਉਹ 25 ਕਰੋੜ ਰੁਪਏ ਦੇ ਬੰਗਲੇ ਦੇ ਮਾਲਕ ਹਨ। ਇਸ ਤੋਂ ਇਲਾਵਾ ਕਪਿਲ ਕੋਲ ਇੱਕ ਤੋਂ ਵੱਧ ਇੱਕ ਐਕਸਪੈਂਸਿਵ ਚੀਜ਼ਾਂ ਹਨ। ਕਪਿਲ ਨੇ ਪਿਛਲੇ ਸਾਲ ਦਸੰਬਰ ‘ਚ ਆਪਣੀ ਦੋਸਤ ਗਿੰਨੀ ਚਤਰਥ ਨਾਲ ਵਿਆਹ ਕੀਤਾ ਹੈ। ਵਿਆਹ ਤੋਂ ਬਾਅਦ ਇਹ ਕਪਿਲ ਦਾ ਪਹਿਲਾ ਬਰਥਡੇਅ ਹੈ। ਇਸ ਦਾ ਸੈਲੀਬ੍ਰੇਸ਼ਨ ਉਹ ਕੁਝ ਦਿਨ ਪਹਿਲਾਂ ਤੋਂ ਹੀ ਸ਼ੁਰੂ ਕਰ ਚੁੱਕੇ ਹਨ।